គណបក្សប្រជាធិបតេយ្យមូលដ្ឋាន (គ.ប.ម) បានចេញសេចក្តីថ្លែងការណ៍មួយកាលពីថ្ងៃសុក្រ ដោយជំរុញឱ្យរដ្ឋាភិបាលកម្ពុជាពិចារណាឡើងវិញពីការធ្វើវិសោធនកម្មរដ្ឋធម្មនុញ្ញ ខណៈសេចក្តីព្រាងច្បាប់ ស្តីពី វិសោធនកម្មនេះ បានឆ្លងផុតគណៈរដ្ឋមន្ត្រីទៅហើយ។
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចប្រើប្រាស់ពេលវេលានៃការពិនិត្យនិងចុះឈ្មោះបោះឆ្នោត បម្រើឱ្យការបោះឆ្នោតជ្រើសរើសក្រុមប្រឹក្សាឃុំ-សង្កាត់សម្រាប់អាណត្តិទី៥ ដែលនឹងប្រព្រឹត្តទៅពេលខាងមុខ ត្រូវប្រើពេលច្រើនថ្ងៃដែលពុំធ្លាប់មាន បើប្រៀបធៀបទៅនឹងការបោះឆ្នោតជ្រើសរើសក្រុមប្រឹក្សាឃុំ-សង្កាត់កាលពី៤អាណត្តិកន្លងទៅ។
ព្រះមហាក្សត្របានបញ្ចប់មុខតំណែងលោក ហេង ចាន់ថា ពីសមាសភាពឧត្តមក្រុមប្រឹក្សាពិគ្រោះនិងផ្តល់យោបល់កូតាគណបក្សហ្វ៊ុនស៊ិនប៉ិច ដែលមានឋានៈស្មើទេសរដ្ឋមន្ត្រី។
គណបក្សនយោបាយក្រៅរដ្ឋាភិបាលចំនួន៣ បានបោះដៃរកគ្នា ដើម្បីស្វែងរកជំហររួមនិងលទ្ធភាពកសាងប្រព័ន្ធប្រជាធិបតេយ្យឡើងវិញ ក្រោយពីអតីតបក្សប្រឆាំងធំមួយត្រូវបានតុលាការកំពូលរំលាយចេញពីឆាកនយោបាយជាង៤ឆ្នាំមកនេះ។
គណបក្សរាជានិយម ហ៊្វុនស៊ិនប៉ិច បានសម្រេចបណ្ដេញសមាជិកដែលជាមន្រ្តីជាន់ខ្ពស់របស់ខ្លួនចំនួន៣រូបចេញពីគណបក្ស ដោយថា មន្រ្តីទាំងនោះបានប្រព្រឹត្តផ្ទុយពីគោលការណ៍និងខុសលក្ខខន្តិកៈផ្ទៃក្នុងគណបក្ស។
ក្រុមមន្ត្រីគណបក្សហ្វ៊ុនស៊ិនប៉ិចមួយក្រុមដឹកនាំដោយអនុប្រធានគណបក្សចំនួន ៣ រូបគ្រោងនឹងដាក់ពាក្យប្តឹងទៅកាន់ក្រសួងមហាផ្ទៃនៅថ្ងៃចន្ទដើមសប្តាហ៍ក្រោយនេះ ដើម្បីទាមទារឱ្យព្រះអង្គម្ចាស់ក្សត្រីយ៍ នរោត្តម ម៉ារី រណឬទ្ធិ ប្រគល់ត្រាគណបក្សមកវិញ។
ក្រសួងមហាផ្ទៃ ព្រមានជាថ្មីទៀតថានឹងមិនចុះបញ្ជីគណក្សនយោបាយឱ្យ «គណបក្សបេះដូងជាតិ» ដែលជាគណបក្សមួយបង្កើតឡើងដោយសមាជិកនៃអតីតគណបក្សសង្រ្គោះជាតិ ប្រសិនបើគណបក្សនេះមិនអនុលោមឱ្យស្របតាមច្បាប់ស្តីពីគណបក្សនយោបាយ។
អង្គការខ្មែរកម្ពុជាក្រោមមួយបានអះអាងថា អាជ្ញាធរកម្ពុជាបានឃាត់ព្រះកាយព្រះសង្ឃខ្មែរក្រោមមួយអង្គ ព្រះនាម ប៉ាង សុដា ដែលជាព្រះចៅអធិការវត្ត វង្គត់បុរីភ្នំពេញ (ហៅវត្តភ្នំពេញថ្មី) ស្ថិតនៅភូមិដូនបុស ឃុំចំការអណ្ដូង ស្រុកចំការលើ ខេត្តកំពង់ចាម កាលពីម្សិលមិញ ដោយមិនទាន់បញ្ជាក់ពីមូលហេតុ។
មន្ត្រីជាន់ខ្ពស់រដ្ឋាភិបាលកម្ពុជា បានស្នើសុំឱ្យភាគីថៃជួយទប់ស្កាត់កុំឱ្យសកម្មជនអតីតបក្សប្រឆាំង ប្រើប្រាស់ទឹកដីថៃធ្វើជាមូលដ្ឋានវាយប្រហារមកលើរដ្ឋាភិបាលកម្ពុជា តាមរយៈបណ្តាញសង្គម ខណៈអ្នកតាមដានសង្គមថា ការបញ្ចេញមតិគឺជាសិទ្ធិសេរីភាពរបស់ពលរដ្ឋដែលធានាដោយរដ្ឋធម្មនុញ្ញ។
មន្រ្តីជាន់ខ្ពស់ក្រសួងមហាផ្ទៃ ឱ្យដឹងនៅថ្ងៃចន្ទនេះថា ក្រសួងកំពុងពិនិត្យឯកសារផ្លូវច្បាប់នានាឡើងវិញ បន្ទាប់ពី«គណបក្សកែទម្រង់កម្ពុជា»ដែលទើបបង្កើតឡើងថ្មីនេះ បានស្នើឯកសារផ្លូវច្បាប់នានាបន្ថែមទៀតមកក្រសួង ដើម្បីពិនិត្យនិងសម្រេចជាលើកចុងក្រោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
