ប្រជាពលរដ្ឋនៅតំបន់ព្រៃសហគមន៍ឧត្ដមស្រែពស់ ហៅព្រៃមេត្តាធម្មជាតិ បានអះអាងថា ព្រៃឈើនៅតំបន់នេះនៅតែរកការកាប់បំផ្លាញ និងឈូសឆាយ បើទោះបីជាអភិបាលខេត្តកំពង់ស្ពឺធ្លាប់បានសន្យាថានឹងការពារព្រៃនៅតំបន់នោះក៏ដោយ។
រដ្ឋាភិបាល តាមរយៈក្រសួងយុត្តិធម៌ បានបង្កើតក្រុមការងារចំពោះកិច្ចថ្មីមួយទៀត សម្រាប់ទទួលបន្ទុកពិនិត្យ និងផ្ដល់យោបល់ផ្នែកទោសប្បញ្ញត្តិលើសេចក្ដីព្រាងច្បាប់ចំនួន៣ ដើម្បីបង្កើនប្រសិទ្ធភាពទប់ស្កាត់បទល្មើសជលផល ព្រៃឈើ និងតំបន់ការពារធម្មជាតិ ក្រោយបញ្ហានេះបានកើតឡើងនៅតំបន់ភ្នំតាម៉ៅ និងបឹងទន្លេសាប។
រដ្ឋមន្រ្តីក្រសួងមហាផ្ទៃ លោក ស ខេង បានជំរុញជាថ្មីឱ្យគណៈកម្មាធិការជាតិសុវត្ថិភាពចរាចរណ៍ផ្លូវគោក និងស្ថាប័នពាក់ព័ន្ធ ពង្រឹងការអនុវត្តច្បាប់ និងពិនិត្យឡើងវិញនូវចំណុចអវិជ្ជមានទាំងឡាយ ដើម្បីដោះស្រាយបញ្ហាប្រឈម ខណអត្រាគ្រោះថ្នាក់ចរាចរណ៍ផ្លូវគោកក្នុងរយៈពេល៦ខែដើមឆ្នាំនេះ បានកើនឡើង បើធៀបនឹងរយៈពេលដូចគ្នាកាលពីឆ្នាំមុន។
ស្នងការនគរបាលរាជធានីភ្នំពេញ បង្កើតក្រុមប្រតិបត្តិការចំនួន៩ក្រុមនៅគ្រប់ខណ្ឌទាំងអស់ ដើម្បីចុះល្បាត ទប់ស្កាត់ និងបង្ក្រាបកម្លាំងអនាធិបតេយ្យ ដែលធ្វើសកម្មភាពចាប់ឃាត់ខ្លួនប្រជាពលរដ្ឋបែបអនាធិបតេយ្យ ដោយមិនមានកិច្ចសហការពីអាជ្ញាធរមូលដ្ឋាន។
រដ្ឋមន្ត្រីក្រសួងរៀបចំដែនដី បានបើកយុទ្ធនាការចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ដីនិងសំណង់ខុសច្បាប់ក្នុងតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា។
លោកនាយករដ្ឋមន្រ្តី ហ៊ុន សែន បានប្រាប់ទៅមេខ្លោងម្នាក់ដែលបានទន្ទ្រានដីរដ្ឋនៅខេត្តព្រះសីហនុ ដែលកំពុងរត់គេចខ្លួន ឱ្យចូលខ្លួនទៅសារភាពកំហុស ស្របពេលសមត្ថកិច្ចខេត្តព្រះសីហនុបានចាប់ខ្លួនពលរដ្ឋ៤នាក់ ក្នុងករណីទន្ទ្រានដីក្រុមហ៊ុនឯកជនមួយដែលបានទទួលសិទ្ធិវិនិយោគពីរដ្ឋាភិបាល។
លោកនាយករដ្ឋមន្ត្រី ហ៊ុន សែន ថ្លែងថា ការដាក់កម្លាំងនៃបញ្ជាការដ្ឋានកងអង្គរក្សចំនួនជាង១ ០០០នាក់នៅតំបន់ភ្នំតាម៉ៅនោះ គឺដើម្បីឱ្យកងកម្លាំងទាំងនោះជួយសម្អាតដីដែលត្រូវបានឈូសឆាយហើយ និងដាំកូនឈើឡើងវិញ ក្រោយពីមានភាពចម្រូងចម្រាសនៃការឈូសឆាយដីព្រៃតំបន់នេះ ទើបជំរុញឱ្យរដ្ឋាភិបាលលុបគម្រោងអភិវឌ្ឍន៍ទាំងអស់វិញ។
លោកនាយករដ្ឋមន្ត្រី ហ៊ុន សែន បានបញ្ជាទៅរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ឱ្យដោះស្រាយសំណងជូនកម្មកររោងចក្រ ឃែនធើរេន ដែលត្រូវបានថៅកែបិទទ្វារអាជីវកម្មរត់ចោល ដោយមិនបានបើកប្រាក់ឈ្នួល និងទូទាត់អត្ថប្រយោជន៍ផ្សេងៗជូនពួកគេ។
មន្ត្រីជាន់ខ្ពស់ក្រសួងអប់រំ យុវជន និងកីឡា លើកឡើងថា កម្មវិធីសិក្សាភាសាវៀតណាមដែលគ្រោងនឹងបញ្ចូលនៅផ្នែកសិក្សាមួយនៃសាកលវិទ្យាល័យភូមិន្ទភ្នំពេញ គឺជាកិច្ចសហប្រតិបត្តិការរវាងប្រទេសជាមិត្តលើវិស័យអប់រំតែប៉ុណ្ណោះ។
អ្នកសារព័ត៌មានVOD ចំនួន ៥នាក់ និងសកម្មជនបរិស្ថាន ៤នាក់ ត្រូវបានសមត្ថកិច្ចខេត្តតាកែវ ដោះលែងវិញហើយនៅយប់ថ្ងៃអង្គារនេះ ក្រោយឃាត់ខ្លួនសួរនាំជាច្រើនម៉ោង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
