គ្រួសារសពរបស់បុរសម្នាក់នៅរាជធានីភ្នំពេញ អះអាងថា បងប្រុសខ្លួនស្លាប់អាចបណ្ដាលមកពីការធ្វើទារុណកម្មធ្ងន់ធ្ងរ មិនមែនស្លាប់ព្រោះជំងឺ និងដួលក្នុងបន្ទប់ទឹកដូចការលើកឡើងរបស់សមត្ថកិច្ចឡើយ ដោយសារនៅលើដងខ្លួននិងដៃមានស្នាមជាំ ហើយមានរបួសជាច្រើនថែមទៀតផង។
អាជ្ញាធរខេត្តសៀមរាបអះអាងថា ពលរដ្ឋដែលជឿតាមការកៀរគររបស់លោក ខឹម វាសនា នៅមិនទាន់ចាកចេញអស់ពីចម្ការលោកនៅខេត្តសៀមរាបឡើយ បើទោះផុតឱសានវាទទៅហើយ ដោយថា អ្នកគាំទ្រលោក ខឹម វាសនា មួយចំនួនមិនព្រមសហការជាមួយសមត្ថកិច្ចទេ។
រដ្ឋអាជ្ញាតៃវ៉ាន់បានលើកឡើងថា ករណីទាមទារប្រាក់លោះមនុស្សចេញពីបរិវេណអាគារ និងការធ្វើទារុណកម្មដោយប្រើប្រាស់ខ្សែភ្លើងឆក់ គឺបានកើតឡើងនៅកម្ពុជា ស្របពេលដែលប្រព័ន្ធផ្សព្វផ្សាយម៉ាឡេស៊ីបានរាយការណ៍ពីករណីចាប់ជំរិត និងលក់មនុស្សម្នាក់ទៅក្នុងការងារឆបោក ខណៈកាសែតវៀតណាមក៏បានចុះផ្សាយថា ប្រទេសចំនួន១០ បច្ចុប្បន្នកំពុងតែជំរុញឱ្យកម្ពុជាសហការលើការជួញដូរមនុស្សដោយខុសច្បាប់ផងដែរ។
យ៉ាងហោចណាស់មនុស្សប្រុសស្រីចំនួន ៧នាក់រងរបួសធ្ងន់ស្រាល ព្រមទាំងខូចខាតសម្ភារៈមួយចំនួន ដោយសារឆេះដេប៉ូប្ដូរហ្គាសរថយន្ត និងឆ្លងទៅឆេះផ្ទះប្រជាពលរដ្ឋនៅផ្លូវម្ខាងទៀត ស្ថិតនៅខណ្ឌសែនសុខ រាជធានីភ្នំពេញ។
សមត្ថកិច្ចជំនាញនៃមន្ទីរប្រឆាំងគ្រឿងញៀន បានបង្ក្រាបករណីជួញដូរគ្រឿងញៀនឆ្លងដែនពីរករណីដាច់ដោយឡែកពីគ្នា នៅចុងខែសីហា ដោយចាប់ខ្លួនជនជាតិថៃ ៤នាក់ និងជនជាតិចិនម្នាក់ ព្រមទាំងរឹបអូសគ្រឿងញៀនសរុបជាង ១០០គីឡូក្រាម។
សមត្ថកិច្ចបានឱ្យដឹងថា ព្រះរាជអាជ្ញាបានចោទប្រកាន់ជាបណ្ដោះអាសន្នទៅលើជនសង្ស័យជនជាតិចិននិងខ្មែរចំនួន៦នាក់ ពីបទជួញដូរមនុស្ស ជាផ្នែកមួយនៃការបង្ក្រាបដែលបានជួយសង្គ្រោះជនរងគ្រោះជាង១០០នាក់ ក្នុងរយៈពេល១២ថ្ងៃ និងបានរកឃើញដំបងឆក់ និងខ្នោះដៃនៅទីតាំងមួយក្នុងក្រុងព្រះសីហនុ។
នគរបាលខេត្តព្រះសីហនុបានឃុំខ្លួនបុរសជនជាតិចិនម្នាក់ និងបានសង្គ្រោះជនជាតិម៉ាឡេស៊ីចំនួន១៦នាក់ដែលត្រូវបានបង្ខាំងទុកនៅទីតាំងមួយក្នុងក្រុងព្រះសីហនុ។
បុរសជនជាតិចិនឈ្មោះ ចេន បៅរ៉ុង (Chen Baorong) ដែលត្រូវបានសមត្ថកិច្ចកម្ពុជាចាប់ខ្លួន ខណៈព្យាយាមជួយសង្គ្រោះពលករដែលត្រូវបានបង្ខាំងពីទីតាំងឆបោកនៅកម្ពុជា ត្រូវបានតុលាការផ្ដន្ទាទោសឱ្យជាប់ពន្ធនាគាររយៈពេល២ឆ្នាំ ក្នុងសវនាការកាលព្រឹកថ្ងៃអង្គារ ទី៣០ ខែសីហា ឆ្នាំ២០២២។ នេះបើយោងតាមភរិយារបស់លោកដែលបានចូលរួមស្ដាប់ការប្រកាសសាលក្រម។
សមត្ថកិច្ចបានជួយសង្គ្រោះមនុស្ស២នាក់ទៀតពីទីតាំងមួយនៅខេត្តព្រះសីហនុ ដោយមិនបានបញ្ជាក់ពីទីតាំងច្បាស់លាស់ឡើយ និងបដិសេធថាករណីនេះមិនមែនជាការបង្ខាំងមនុស្សទុកឡើយ។
លោកនាយករដ្ឋមន្ត្រី ហ៊ុន សែន ប្រកាសមិនចាត់វិធានការលើលោក ខឹម វាសនា ឬប្រើប្រាស់កម្លាំងក្នុងការបង្ក្រាបណាមួយទៅលើការប្រមូលផ្ដុំពលរដ្ឋដែលជាអ្នកគាំទ្រគណបក្សសម្ព័ន្ធដើម្បីប្រជាធិបតេយ្យ នៅតំបន់ភ្នំគូលេន ខេត្តសៀមរាប នោះទេ ដោយបារម្ភខ្លាចចូលអន្ទាក់ បើទោះបីលោករងការជេរប្រមាថពីសំណាក់លោក ខឹម វាសនា ក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
