ពលរដ្ឋជាង២០០នាក់ តំណាងឱ្យជាង៣០០គ្រួសារ បានប្រមូលផ្តុំតវ៉ានៅមុខសាលាឃុំឃុនរាម ស្រុកបន្ទាយស្រី ខេត្តសៀមរាប នៅថ្ងៃពុធនេះ ដើម្បីទាមទារឱ្យអាជ្ញាធរដោះស្រាយបញ្ហាដីធ្លីជូនពួកគាត់ តាមការសន្យាដែលបានធ្វើឡើងមុនពេលបោះឆ្នោតក្រុមប្រឹក្សាឃុំសង្កាត់។
ក្រសួងផ្នែកឧត្ដមសិក្សារបស់ប្រទេសអាហ្វហ្កានីស្ថាន ដែលគ្រប់គ្រងដោយពួកតាលីបង់ នៅថ្ងៃអង្គារម្សិលមិញ បានហាមស្រ្តីមិនឱ្យចូលសិក្សានៅសាកលវិទ្យាល័យទាំងឡាយ រហូតដល់មានការជូនដំណឹងបន្ថែម ខណៈសកម្មភាពនេះទទួលបានការថ្កោលទោសយ៉ាងខ្លាំងពីសហរដ្ឋអាមេរិក ចក្រភពអង់គ្លេស និងអង្គការសហប្រជាជាតិ។
សត្វផ្សោតអ៊ីរ៉ាវ៉ាឌី (Irrawaddy) មួយក្បាល ត្រូវបានប្រទះឃើញងាប់នៅក្នុងទន្លេមេគង្គ នៅចុងសប្ដាហ៍នេះ ដែលបង្ហាញពីការកើនឡើងគួរឱ្យព្រួយបារម្ភនៃការបាត់បង់ប្រភេទសត្វផ្សោតជិតផុតពូជ។
ស្ថាបនិកក្រុមហ៊ុន SpaceX និងជាមហាសេដ្ឋីអាមេរិកមួយរូប លោក Elon Musk បានឱ្យដឹងនៅថ្ងៃអង្គារម្សិលមិញថា រូបលោកនឹងចុះចេញពីតំណែងជានាយកប្រតិបត្តិ (CEO) នៃក្រុមហ៊ុន ធ្វីតធ័រ (Twitter) នៅពេលឆាប់ៗខាងមុខនេះ ក្រោយពេលដែលខ្លួនអាចស្វែងរកអ្នកជំនួសតំណែងមួយនេះបាន។
គណៈកម្មាធិការជាតិរៀបចំការបោះឆ្នោត (គ.ជ.ប) បានកំណត់យកថ្ងៃទី២២ ខែធ្នូ ឆ្នាំ២០២២ ជាកាលបរិច្ឆេទចុងក្រោយ ដើម្បីបិទបញ្ចប់ និងអនុម័តបទបញ្ជានិងនីតិវិធីបម្រើឱ្យការបោះឆ្នោតជាតិ ដែលប្រមូលបានពីភាគីពាក់ព័ន្ធ ថាតើមតិយោបល់ដែលបានលើកឡើងទាំងនោះ ចំណុចណាខ្លះត្រូវផាត់ចេញ ហើយផ្នែកណាផ្សេងទៀតនឹងត្រូវដាក់បញ្ចូលទៅក្នុងបទដ្ឋានគតិយុត្តបម្រើឱ្យការបោះឆ្នោតនេះ។
ក្រសួងចំនួន៣ រួមគ្នាដោះស្រាយវិបត្តិទីផ្សារជ្រូកដែលកំពុងមានបញ្ហាធ្លាក់ថ្លៃ ដោយពង្រឹងការទប់ស្កាត់ និងបង្កើនការបង្ក្រាបការនាំចូលសាច់ជ្រូកបង្កកដោយខុសច្បាប់។
តំណាងពលរដ្ឋជាង៧០គ្រួសារ នៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប ដែលអះអាងថាមានវិវាទដីធ្លីជាមួយអាជ្ញាធរជាតិអប្សរា ទទូចជាថ្មីឱ្យអាជ្ញាធរពន្លឿនការដោះស្រាយបញ្ចប់វិវាទដីធី្លដែលអូសបន្លាយមកជិត២០ឆ្នាំមកហើយ ខណៈពួកគាត់កំពុងជួបការលំបាកក្នុងជីវភាព។
ក្រុមអង្គការសង្គមស៊ីវិល បង្ហាញការព្រួយបារម្ភពីលំហសិទ្ធិទទួលបានព័ត៌មាន ខណៈសេចក្ដីព្រាងច្បាប់ស្តីពី «សិទ្ធិទទួលព័ត៌មាន» ដែលបានតាក់តែងឡើងរយៈពេល៩ឆ្នាំមកហើយ នៅមិនទាន់ត្រូវបានរដ្ឋាភិបាលអនុម័ត។
ក្រុមមន្ត្រីអ្នកការទូត បានឱ្យដឹងថា ក្រុមប្រឹក្សាសន្តិសុខអង្គការសហប្រជាជាតិ (UN) ទំនងជានឹងធ្វើការបោះឆ្នោតនៅថ្ងៃពុធសប្ដាហ៍នេះ លើសេចក្ដីព្រាងដំណោះស្រាយមួយ ដោយទាមទារឱ្យបញ្ចប់ជាបន្ទាន់នូវអំពើហិង្សានៅក្នុងប្រទេសមីយ៉ាន់ម៉ា និងជំរុញឱ្យរបបយោធាមួយនេះដោះលែងអ្នកទោសនយោបាយទាំងអស់ រួមទាំងអតីតមេដឹកនាំមីយ៉ាន់ម៉ាដែលត្រូវបានទម្លាក់ពីតំណែងគឺ លោកស្រី អ៊ុងសាន ស៊ូជី ផងដែរ។
ទោះបីជាភ្ញៀវទេសចរកក់ជើងហោះហើរថ្មី និងសណ្ឋាគារនៅកម្ពុជា ក្រោយការរាតត្បាតនៃជំងឺកូវីដ-១៩ក៏ដោយ ក៏សហជីពផ្នែកបដិសណ្ឋារកិច្ច កំពុងតស៊ូដើម្បីបានចូលធ្វើការវិញ ឬទាមទារសិទ្ធិរបស់ពួកគេដែលមានចែងក្នុងអនុសញ្ញារួម ដោយមេដឹកនាំសហជីពជាច្រើនបានប្រៀបប្រដូចទៅនឹងករណីបញ្ឈប់បុគ្គលិកនៅក្រុមហ៊ុនណាហ្គាវើលដ៍ដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
