ចៅក្រមសាលាដំបូងរាជធានីភ្នំពេញ នឹងធ្វើសេចក្ដីសម្រេចលើការដាក់ភស្តុតាងថ្មីដើម្បីដោះបន្ទុកលោក កឹម សុខា នៅសប្ដាហ៍ក្រោយ ខណៈក្រុមមេធាវីទទូចឱ្យតុលាការបន្ថែមថ្ងៃបើកសវនាការ។

តុលាការបន្តស្ដាប់ការលើកឡើង​ពីភស្តុតាងដោះបន្ទុកជាថ្មីទៀតរបស់សហមេធាវីការ​​ពារសិទ្ធិ​ឱ្យ​​ជន​​​ត្រូវ​ចោទ ​លោក កឹម សុខា នៅព្រឹកថ្ងៃពុធនេះ ខណៈប្រធានគណបក្សសង្រ្គោះជាតិដែល​ត្រូវ​បាន​​​តុលា​​ការ​​កំ​​ពូ​​ល​​​​រំលាយ ថ្លែងសារនយោបាយជាលើកដំបូងរបស់លោក ចាប់ពីតាំងជាប់​​បម្រាម​​របស់​​តុលា​​ការ។

លោក កឹម សុខា ប្រធានគណបក្សសង្គ្រោះជាតិដែលត្រូវបានតុលាការរំលាយ បានអំពាវនាវជាថ្មីម្ដងទៀតឱ្យតុលាការទម្លាក់ចោលការចោទប្រកាន់​មកលើរូបលោកពីបទ «សន្ទិដ្ឋិភាព» ឬគប់គិតជាមួយរដ្ឋបរទេសដើម្បីផ្ដួលរំលំរដ្ឋាភិបាលកម្ពុជា។