នៅសល់ពេល២ថ្ងៃទៀត ដោយគិតចាប់ពីថ្ងៃទី១៧ ខែវិច្ឆិកានេះ គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រមូលយកអនុសាសន៍ពីភាគីពាក់ព័ន្ធ អំពីបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្រ្ត ដែល គ.ជ.ប យល់ឃើញថា ប្រសិនបើតួអង្គក្នុងដំណើរការនៃការបោះឆ្នោតមានចំណុចដែលត្រូវកែលម្អលើខ្លឹមសារនៃសេចក្ដីព្រាងនេះ។
មន្ត្រីជាន់ខ្ពស់របស់គណបក្សយុវជនកម្ពុជាមួយរូបបានអះអាងថា បើគ្មានលុយសម្រាប់ធ្វើនយោបាយ នោះយុវជននឹងមិនអាចសម្រេចគោលដៅមហិច្ឆតានយោបាយរបស់ខ្លួនបាននោះទេ ខណៈគណបក្សនយោបាយដែលនៅក្រៅរដ្ឋាភិបាលមួយចំនួនយល់ថា ដើមទុនដើម្បីធ្វើនយោបាយពិតប្រាកដ គឺសមត្ថភាពដឹកនាំទៅវិញទេ។
អ្នកនយោបាយជាន់ខ្ពស់នៃគណបក្សក្រៅរដ្ឋាភិបាល ដែលតំណាងឱ្យសម្ពន្ធអ្នកប្រជាធិបតេយ្យនៅមុនការបោះឆ្នោតជាតិឆ្នាំ២០២៣ បានលើកឡើងថា ពួកគេនឹងស្វះស្វែងរកច្រកថ្មីទៀត ធ្វើយ៉ាងណាជំរុញឱ្យមានការកែលម្អប្រព័ន្ធបោះឆ្នោត និងលំហសេរីភាពនយោបាយ ដូចដែលពួកគេមើលឃើញ គឺយន្តការទាំងពីរនេះនៅមិនទាន់អាចធានាពីសុក្រឹតភាព និងតម្លាភាពក្នុងដំណើរការប្រជាធិបតេយ្យបាននៅឡើយទេ ប្រសិនបើបរិបទនយោបាយដូចបច្ចុប្បន្ននេះនៅតែមានរូបភាពគំរាមកំហែងនិងយាយី។
គណបក្សក្រៅរដ្ឋាភិបាលមួយចំនួន ជំរុញឱ្យមានការផ្ដល់សេរីភាពផ្នែកនយោបាយដល់លោក កឹម សុខា ឡើងវិញ មុនការបោះឆ្នោតជាតិ ឆ្នាំ២០២៣ មកដល់ ដោយពួកគេចង់ឃើញការប្រកួតប្រជែងនយោបាយក្នុងពេលខាងមុខ ធ្វើឡើងដោយស្មើភាពគ្នា ក្រោមវត្តមានមេបក្សប្រឆាំងរូបនេះអាចចូលរួមបាន។
តំណាងមន្ត្រីគណបក្សក្រៅរដ្ឋាភិបាលចំនួន៤ បានឱ្យដឹងថា មកដល់ពេលនេះ ពួកគេនៅមិនទាន់ទទួលបានការឆ្លើយតបណាមួយពីរដ្ឋសភានៅឡើយ បើទោះបីជាពួកគេបានដាក់លិខិតជាថ្មីទៀតទៅស្ថាប័នមួយនេះ ដើម្បីសុំជួបពិគ្រោះយល់ទៅលើមូលដ្ឋានច្បាប់ និងលំហប្រជាធិបតេយ្យនៅកម្ពុជា។
ស្ត្រីលេចធ្លោចំនួនបីរូបមកពីគណបក្សក្រៅរដ្ឋាភិបាល ចង់ប្រែក្លាយបទពិសោធនៃជីវិតដ៏លំបាករបស់ខ្លួនទៅជាផែនការគោលនយោបាយ សម្រាប់ដោះស្រាយបញ្ហាស្ត្រីក្នុងសហគមន៍របស់ខ្លួន។ អ្នកស្រី ចៅ រតនៈ មកពីគណបក្សភ្លើងទៀនដែលគេដឹងថាស្និទ្ធនឹងលោក សម រង្ស៊ី, អ្នកស្រី អោម យូរ៉េត តំណាងឱ្យគណបក្សរាជានិយមហ៊្វុនស៊ិនប៉ិច និងអ្នកស្រី ស សារ៉ាត់ មកពីគណបក្សប្រជាធិបតេយ្យមូលដ្ឋាន គឺជាម្ដាយ និងជាស្ត្រីដែលបានជួបប្រទះនូវអំពើហិង្សាក្នុងគ្រួសារ រងនូវភាពអយុត្តិធម៌ ការបៀតបៀនលើស្ត្រី និងវិសមភាពក្នុងសង្គម ជាដើម។
តំណាងអ្នកនយោបាយដែលជាភាគីមួយក្នុងចំណោមបក្សនយោបាយទាំង៤ បានលើកឡើងពីការខកចិត្តចំពោះការឆ្លើយតបពីក្រសួងមហាផ្ទៃ ដែលនៅមិនទាន់បង្ហាញឆន្ទៈពិតប្រាកដក្នុងការចាត់វិធានការប្រឆាំងអ្នកប្រព្រឹត្តបទល្មើសដែលធ្លាប់លបវាយប្រហារនិងធ្វើទុក្ខបុកម្នេញទៅលើអ្នកគាំទ្រគណបក្សក្រៅរដ្ឋាភិបាលក្នុងពេលកន្លងទៅ។
គណបក្សក្រៅរដ្ឋាភិបាលចំនួន៤ គ្រោងលើកយកបញ្ហាលំហសេរីភាពខាងនយោបាយដែលរងការរឹតត្បិត ទៅជជែកជាមួយក្រសួងមហាផ្ទៃ នៅថ្ងៃស្អែកនេះ ខណៈបក្សទាំងនោះមើលឃើញថា អ្នកនយោបាយមួយចំនួនបានរងបណ្ដឹងនៅតុលាការ ក្នុងពេលពួកគេលើកឡើងពីភាពប្រឈមក្នុងការអនុវត្តសិទ្ធិនយោបាយដែលស្របទៅតាមច្បាប់ដូចមានចែងនៅក្នុងរដ្ឋធម្មនុញ្ញ។
តំណាងគណបក្សនយោបាយក្រៅរដ្ឋាភិបាលមួយចំនួនលើកឡើងថា រដ្ឋសភាមិនទាន់មានការឆ្លើយតបជាថ្មីទៀតមកកាន់ពួកគេ ពាក់ព័ន្ធនឹងសំណើសុំជួបពិភាក្សាគ្នាធ្វើកំណែទម្រង់ច្បាប់ស្ដីពីគណបក្សនយោបាយ និងប្រព័ន្ធបោះឆ្នោតនៅកម្ពុជា ដើម្បីឱ្យការបោះឆ្នោតទទួលបានសេរី ត្រឹមត្រូវ និងយុត្តិធម៌។
គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃពុធនេះ បានទទួលយកសំណើរបស់គណបក្សក្រៅរដ្ឋាភិបាលចំនួន៤ ដើម្បីពិនិត្យនិងពិចារណា ពាក់ព័ន្ធនឹងសំណើសុំឱ្យមានការធ្វើកំណែទម្រង់ ឬធ្វើវិសោធនកម្មច្បាប់បោះឆ្នោត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
