បេក្ខភាពឈរឈ្មោះចៅសង្កាត់ស្ទឹងវែង ក្រុងខេមរភូមិន្ទ ខេត្តកោះកុង មកពីគណបក្សភ្លើងទៀន បានអះអាងថា មេធាវីតំណាងឱ្យគណបក្សកាន់អំណាច បានប្តឹងរូបគាត់ គឺជារឿងនយោបាយ និងជាសារគំរាមមិនឱ្យលោកបន្តចូលរួមជីវភាពនយោបាយជាមួយបក្សក្រៅរដ្ឋាភិបាលមួយនេះបន្តទៀត។
សាលាដំបូងខេត្តពោធិ៍សាត់ បានដោះលែងកូនប្រុសសកម្មជនគណបក្សភ្លើងទៀនដែលជាអនីតិជន ឱ្យនៅក្រៅឃុំបណ្ដោះអាសន្ន ដោយដាក់ឱ្យស្ថិតក្រោមការត្រួតពិនិត្យរបស់តុលាការ ក្រោយពីជាប់ពន្ធនាគារជិត១ខែ ពាក់ព័ន្ធនឹងបទចោទថាបានប្រើឧបករណ៍ឆក់ត្រីខុសច្បាប់ ខណៈឪពុករបស់ក្មេងប្រុសរូបនេះនៅបន្តឃុំខ្លួននៅឡើយ។
គណបក្សភ្លើងទៀន បានស្នើក្រសួងយុត្តិធម៌អន្តរាគមន៍ទៅស្ថាប័នតុលាការពន្យារពេលការអនុវត្តនីតិវិធីតុលាការលើសកម្មជនរបស់ខ្លួននៅក្នុងអំឡុងពេលបោះឆ្នោតឃុំសង្កាត់ ប៉ុន្តែមន្ត្រីជាន់ខ្ពស់ក្រសួងយុត្តិធម៌ឆ្លើយតបថា ក្រសួងមិនអាចលូកដៃបានឡើយ។
គណបក្សភ្លើងទៀន បានដាក់ភស្តុតាងមួយចំនួនទៅក្រសួងមហាផ្ទៃ ដោយមានភ្ជាប់ទៅជាមួយបញ្ជីឈ្មោះមន្ត្រីបក្សផង ដើម្បីសុំកិច្ចអន្តរាគមន៍ ក្រោយគណបក្សមួយនេះរកឃើញថា អាជ្ញាធរនៅថ្នាក់មូលដ្ឋាននៅបន្តគំរាមកំហែងនិងធ្វើទុក្ខបុកម្នេញផ្នែកនយោបាយ នៅមុនការបោះឆ្នោតជ្រើសរើសក្រុមប្រឹក្សាឃុំ-សង្កាត់ឈានចូលមកដល់។
មន្ត្រីជាន់ខ្ពស់គណបក្សភ្លើងទៀន ប្រតិកម្មប្រឆាំងសារនយោបាយរបស់គណបក្សប្រជាជនកម្ពុជាដែលលើកឡើងថា គណបក្សក្រៅរដ្ឋាភិបាលមួយនេះនឹងរលត់ពន្លឺទៅវិញនៅមុនការបោះឆ្នោតជ្រើសរើសក្រុមប្រឹក្សាឃុំ-សង្កាត់មកដល់ទៅទៀត។
ប្រធានក្រុមការងារគណបក្សភ្លើងទៀនប្រចាំខេត្តប៉ៃលិន លោក ខឹម មុនីកុសល បញ្ជាក់ជំហរថា ខ្លួននឹងនៅបន្តប្ដឹងអ្នកព្យាយាមធ្វើឃាតលោក តាមរយៈការប្រើប្រាស់ទោចក្រយានយន្ត ឬម៉ូតូ ជាមធ្យោបាយក្នុងការបង្កហេតុជាគ្រោះថ្នាក់ចរាចរណ៍ ខណៈអធិការនគរបាលក្រុងកោះហៅរូបលោកទៅដោះស្រាយដើម្បីរំលត់បណ្ដឹងនេះ។
ក្រសួងមហាផ្ទៃ អំពាវនាវទៅមន្រ្តីរាជការស៊ីវិលហាមប្រើប្រាស់ធនធានរបស់រដ្ឋ រាប់ទាំងមធ្យោបាយដឹកជញ្ជូនផង ដើម្បីផលប្រយោជន៍ក្នុងហេតុផលនយោបាយ នៅអំឡុងឃោសនាស្វែងរកសំឡេងឆ្នោត ហើយត្រូវរក្សាអព្យាក្រឹត្យភាពក្នុងដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ដែលនឹងប្រព្រឹត្តទៅនាពេលខាងមុខ។
មន្រ្តីជាន់ខ្ពស់គណបក្សភ្លើងទៀន បញ្ជាក់ថា ខ្លួននឹងដាក់លិខិតជាថ្មីទៀតទៅក្រសួងមហាផ្ទៃ នៅដើមសប្ដាហ៍ក្រោយ ដើម្បីសុំកិច្ចអន្តរាគមន៍រឿងការធ្វើទុក្ខបុកម្នេញផ្នែកនយោបាយទៅលើអ្នកគាំទ្រ សកម្មជននយោបាយ និងមន្រ្តីគណបក្សក្រៅរដ្ឋាភិបាលមួយនេះ។
អតីតគ្រូពេទ្យ និងជាប្រធានក្រុមការងារគណបក្សភ្លើងទៀនប្រចាំខេត្តប៉ៃលិន លោក ខឹម មុនីកុសល បានដាក់ពាក្យស្នើសុំពន្យារពេលចូលខ្លួនទៅឆ្លើយបំភ្លឺនៅចំពោះមុខតុលាការខេត្តប៉ៃលិន នៅថ្ងៃពុធនេះ ទាក់ទងបណ្ដឹង «ញុះញង់ឱ្យមានការរើសអើង»។
មេធាវីការពារក្ដីឱ្យសកម្មជនគណបក្សភ្លើងទៀន និងកូនប្រុសដែលជាអនីតិជន ចាត់ទុកការចាប់ខ្លួនកូនក្ដីបញ្ជូនទៅតុលាការ ដោយចោទប្រកាន់ថា បានប្រើឧបករណ៍ឆក់ត្រីខុសច្បាប់កាលពីចុងសប្ដាហ៍មុន គឺជាការគំរាមកំហែងផ្នែកនយោបាយច្រើនជាងការអនុវត្តច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
