តំណាងគណបក្សភ្លើងទៀនប្រចាំខេត្តសៀមរាប ចោទមេឃុំក្រឡាញ់ មកពីគណបក្សប្រជាជនកម្ពុជា ថាបានបិទសិទ្ធិសេរីភាពគណបក្សក្រៅរដ្ឋាភិបាលមួយនេះ មិនឱ្យលើកផ្លាកគណបក្សក្បែរផ្លូវសាធារណៈ។
គណបក្សភ្លើងទៀន ចាត់ទុកអាជ្ញាធរចាប់ខ្លួនបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់គណបក្សមួយនេះជាបន្តបន្ទាប់នៅខេត្តពោធិ៍សាត់ ជាការគំរាមកំហែងផ្នែកនយោបាយ មិនមែនរឿងក្លែងបន្លំឯកសារដូចអាជ្ញាធរចោទប្រកាន់នោះទេ។
គណបក្សភ្លើងទៀន ចោទប្រកាន់អាជ្ញាធរនៅតាមមូលដ្ឋានមកពីគណបក្សប្រជាជនកម្ពុជានៅតាមបណ្ដារាជធានី-ខេត្តមួយចំនួនថា នៅបន្តគំរាមកំហែងនិងបំភិតបំភ័យបេក្ខជនដែលឈរឈ្មោះឱ្យគណបក្សក្រៅរដ្ឋាភិបាលមួយនេះក្រោមរូបភាពផ្សេងៗ។
គណបក្សនយោបាយធំៗចំនួនពីរ ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ ខាងមុខនេះ ត្រូវបានមើលឃើញថាមានបេក្ខភាពជាស្ត្រីតែជាង២០ភាគរយប៉ុណ្ណោះ ដែលករណីនេះបង្ហាញឱ្យឃើញពីកង្វះចំនួនស្ត្រីសម្រាប់ផ្នែកនយោបាយនៅក្នុងប្រទេស។
តំណាងគណបក្សនយោបាយមួយចំនួនដែលនៅក្រៅរដ្ឋាភិបាល បានចោទប្រកាន់អាជ្ញាធរមូលដ្ឋានមកពីគណបក្សកាន់អំណាចថា បានគំរាមកំហែងពួកគេនៅចំថ្ងៃនៃការដាក់បញ្ជីបេក្ខភាពមេឃុំ-ចៅសង្កាត់ ក្នុងរូបភាពនិងហេតុផលផ្សេងៗ ខណៈមន្រ្តីជាន់ខ្ពស់គណបក្សប្រជាជនកម្ពុជាជំរុញឱ្យបក្សនយោបាយដែលអះអាថាខ្លួនត្រូវរងភាពអយុត្តិធម៌ ប្ដឹងតវ៉ាប្រឆាំងការរុកកួនផ្នែកនយោបាយនេះ។
គណបក្សភ្លើងទៀន បានស្នើឱ្យរដ្ឋាភិបាលស្រាវជ្រាវនិងចាត់វិធានការច្បាប់ឱ្យម៉ឺងម៉ាត់លើជនដែលបំផ្លាញស្លាកសញ្ញាគណបក្ស ការប្រើហិង្សា និងគំរាមកំហែងមកលើសកម្មជនគណបក្សប្រឆាំងមួយនេះ ដើម្បីធានានូវបរិយាកាសនយោបាយដ៏ល្អប្រសើរមួយនាពេលខាងមុខ។
គណៈកម្មាធិការជាតិរៀបចំការបោះឆ្នោត (គ.ជ.ប) បានអនុញ្ញាតឱ្យបក្សនយោបាយអាចរៀបចំបញ្ជីបេក្ខជនឈរឈ្មោះបោះឆ្នោតតាម២របៀបគឺ អាចរៀបចំបញ្ជីបេក្ខជនឈរឈ្មោះដោយដៃ ឬអាចប្រើប្រាស់កម្មវិធីគ្រប់គ្រងការចុះបញ្ជីបេក្ខជនឈរបោះឆ្នោត។
គណបក្សភ្លើងទៀន បានប្រកាសថ្កោលទោសប្រទេសរុស្ស៊ីដែលបានឈ្លានពានទឹកដីនិងអធិបតេយ្យភាពរបស់ប្រទេសអ៊ុយក្រែន ខណៈបណ្ដារដ្ឋនៅអាស៊ីមួយចំនួននិងអឺរ៉ុបបានប្រកាសជួយដោយផ្ដល់អាវុធ រួមទាំងសម្ភារផ្សេងៗដល់អ៊ុយក្រែន។
គណបក្សភ្លើងទៀន បានស្នើឱ្យរដ្ឋាភិបាលស្រាវជ្រាវនិងចាត់វិធានការឱ្យម៉ឺងម៉ាត់លើជនដែលបំផ្លាញស្លាកសញ្ញាគណបក្ស និងគំរាមកំហែងមកលើសកម្មជនគណបក្សប្រឆាំងមួយនេះ។
លោកនាយករដ្ឋមន្ត្រី ហ៊ុន សែន ថ្លែងថា អ្នកណាខ្លាំងពូកែទៅយកកម្ពុជាក្រោមខ្លួនឯងទៅ ហើយលោកនឹងជួយធ្វើក្ដារមឈូសនិងជួយកប់សពឱ្យ ដោយថា កម្ពុជាក្រោមមិនមែនបាត់បង់ក្នុងជំនាន់លោកដឹកនាំនោះទេ ពោលគឺបានបាត់បង់តាំងពីមុនឪពុក រួមទាំងរូបលោកមិនទាន់កើតមកម្ល៉េះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
