អាជ្ញាធរខេត្តបន្ទាយមានជ័យ បដិសេធថា មិនពាក់ព័ន្ធក្នុងការផ្តល់សំណងទៅដល់អ្នករងគ្រោះក្នុងហេតុការណ៍ឆេះអាគារកាស៊ីណូដ៏ធំមួយនៅជាប់ព្រំដែនកម្ពុជា-ថៃ ខណៈដែលសាច់ញាតិរបស់ជនរងគ្រោះដែលអះអាងពីការបាត់ខ្លួនក្នុងពេលភ្លើងឆេះនោះ កំពុងបន្តស្វែងរកក្រុមគ្រួសាររបស់ពួកគេនៅឡើយ។
វិវាទការងារនៅរោងចក្រចំនួន៤ មិនទាន់ត្រូវបានដោះស្រាយចប់នៅឡើយ ខណៈក្រុមកម្មករបានដាក់បណ្ដឹងទៅក្រសួងការងារ និងបណ្ដុះបណ្ដាលវិជ្ជាជីវៈ សុំអន្តរាគមន៍អស់រយៈពេលជាច្រើនខែ នៅតែមិនទាន់មានលទ្ធផល។
ក្រសួងការងារ និងបណ្ដុះបណ្ដាលវិជ្ជាជីវៈ បានណែនាំពីការធ្វើយុទ្ធនាការផ្សព្វផ្សាយពីការអនុវត្តរបបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយដែលស្ថិតក្រោមបទប្បញត្តិនៃច្បាប់ស្ដីពីការងារ។
ថ្នាក់ដឹកនាំសហជីពមួយចំនួនបានថ្លែងថា នាប៉ុន្មានឆ្នាំចុងក្រោយនេះ កម្មករក្នុងវិស័យកាត់ដេររងការរំលោភសិទ្ធិធ្ងន់ធ្ងរជាបន្តបន្ទាប់ ពីថៅកែរោងចក្រ ស្របគ្នានឹងវិធានទប់ស្កាត់ជំងឺកូវីដ-១៩ របស់រដ្ឋាភិបាល ដែលធ្វើឱ្យពួកគេត្រូវប្រឈមបញ្ហាជីវភាពគ្រួសារជាខ្លាំង។
ប្រមុខរដ្ឋាភិបាលណែនាំទៅភាគីពាក់ព័ន្ធឱ្យប្រារព្ធ «ទិវាពលកម្មអន្តរជាតិ» ដែលនឹងចូលមកដល់នៅសប្ដាហ៍ក្រោយនេះក្នុងទ្រង់ទ្រាយតូច ក្រោមហេតុផលថា ប្រជាជាតិកំពុងចូលរួមទប់ស្កាត់ការរីករាលដាលនៃជំងឺកូវីដ-១៩បំប្លែងថ្មី «អូមីក្រុង»។
បុគ្គលិកក្រុមហ៊ុនកាស៊ីណូណាហ្គាវើលដ៍ (Naga World) បានប្រមូលស្នាមមេដៃ ដោយមានគម្រោងដាក់ញត្តិទៅកាន់ស្ថានទូតប្រទេសចំនួន១៤នៅកម្ពុជា ដើម្បីឱ្យជួយអន្តរាគមន៍ដោះស្រាយវិវាទការងារ និងជួយឱ្យមានការដោះលែងតំណាងរបស់ពួកគេចំនួន៨នាក់មកវិញ។
បុគ្គលិកក្រុមហ៊ុនណាហ្គាវើលដ៍មួយចំនួនដែលពុំមានឈ្មោះបញ្ឈប់ពីការងារ បាននាំគ្នាធ្វើយុទ្ធនាការតាមបណ្ដាញសង្គម ដើម្បីទាមទារដោះលែងតំណាងសហជីព៨នាក់ដែលកំពុងជាប់ឃុំដោយសារទាមទារសិទ្ធិនិងលក្ខខណ្ឌការងារ។
កូដករក្រុមហ៊ុនកាស៊ីណូណាហ្គាវើលដ៍ (Naga World) បានអំពាវនាវទៅតុលាការឱ្យទម្លាក់ចោលការចោទប្រកាន់លើតំណាង៨នាក់របស់ពួកគេ ដោយថា ការចោទប្រកាន់និងការឃុំខ្លួនថ្នាក់ដឹកនាំសហជីពទាំងនោះជារឿងមិនត្រឹមត្រូវនិងអយុត្តិធម៌។
បុគ្គលិកក្រុមហ៊ុនកាស៊ីណូណាហ្គាវើលដ៍ (Naga World) មួយចំនួនដែលកំពុងធ្វើកូដកម្ម បានទាមទារឱ្យមានការដោះលែងថ្នាក់ដឹកនាំសហជីព មុនហៅពួកគេជួបប្រជុំដើម្បីផ្ទៀងផ្ទាត់ការទូទាត់ប្រាក់បំណាច់បញ្ចប់កិច្ចសន្យាការងារ។
រដ្ឋសភាមិនទាន់មានគម្រោងកោះហៅមន្ត្រីអនុវត្តច្បាប់ ដើម្បីសួរជុំវិញវិវាទការងារនៅក្រុមហ៊ុនកាស៊ីណូណាហ្គាវើលដ៍នៅឡើយទេ បើទោះបីជាការតវ៉ាបានអូសបន្លាយជិត២០ថ្ងៃ និងមានការចាប់ខ្លួនស្ត្រីជាង២០នាក់ ដែលក្នុងនោះមានទាំងប្រធានសហជីពក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
