បុគ្គលិកក្រុមហ៊ុនកាស៊ីណូណាហ្គាវើលដ៍មួយរូប ដែលបានចូលរួមក្នុងសកម្មភាពតវ៉ានៅខាងក្រៅអគារកាស៊ីណូក្នុងទីក្រុងភ្នំពេញកាលពីថ្ងៃអង្គារម្សិលមិញ បានលើកឡើងថា សកម្មភាពតវ៉ាដោយសេរី និងមិនមានការរារាំងពីអាជ្ញាធរអាចនឹងមិនមានទៀតឡើយ បន្ទាប់ពីអ្នករាយការណ៍ពិសេសរបស់អង្គការសហប្រជាជាតិចាកចេញពីប្រទេសកម្ពុជា។
ការធ្វើកូដកម្មក្នុងរយៈពេល៤ថ្ងៃចុងក្រោយរបស់ បុគ្គលិកណាហ្គាវើលដ៍ហាក់ខុសប្លែកពីសព្វមួយដងដោយកូដករ អាចចូលទៅសម្តែងមតិដោយផ្ទាល់នៅមុខ អគារកាស៊ីណូណាហ្គាវើលដ៍ ដែលជារឿងកម្រមួយ។
ដំណើរមកបំពេញទស្សនកិច្ចការងាររបស់អ្នករាយការណ៍ពិសេសអង្គការសហប្រជាជាតិ (UN) លោក វិទិត មុនតាប៊ន មកកាន់ប្រទេសកម្ពុជា រយៈពេលជាង១០ថ្ងៃ ចំពេលវិបត្តិនយោបាយ និងសិទ្ធិមនុស្សនៅកម្ពុជា មិនទាន់ត្រូវបានស្ដារឡើងវិញនៅឡើយនោះ បង្កើតជាការចោទសួរថាតើក្រោយបញ្ចប់បេសសកម្មរបស់អ្នកជំនាញសិទ្ធិមនុស្សអន្តរជាតិរូបនេះ បញ្ហាប្រជាធិបតេយ្យនៅកម្ពុជាមានការកែលម្អឬទេ?
សង្គមស៊ីវិលជិត៤០ដែលកំពុងធ្វើការពាក់ព័ន្ធការលើកកម្ពស់សិទ្ធិការងារ សិទ្ធិស្ត្រី ថ្កោលទោសសកម្មភាពហិង្សារបស់អាជ្ញាធរលើកូដករណាហ្គាវើលដ៍ជាស្ត្រី ដោយទាមទារឱ្យរដ្ឋាភិបាលផ្ដន្ទាទោសតាមច្បាប់ទៅលើជនដែលប្រព្រឹត្តអំពើហិង្សាមកលើពួកគេ ដើម្បី«បញ្ឈប់អំពើហិង្សាលើស្ត្រី» និងជាគំរូសម្រាប់ការអនុវត្តច្បាប់នៅកម្ពុជា។
សង្គមស៊ីវិលនិងសហជីព លើកឡើងថា សាលារាជធានីភ្នំពេញកំពុងគាំទ្រឱ្យអាជ្ញាធរប្រើប្រាស់អំពើហិង្សាលើកូដករណាហ្គាវើលដ៍ ទើបព្រមានចាត់វិធានការលើកូដករជាស្ត្រីរងគ្រោះ ដែលត្រូវបានអាជ្ញាធរប្រើប្រាស់អំពើហិង្សាបណ្ដាលឱ្យរបួសនោះ។
កូដករណាហ្គាវើលដ៍អះអាងថា ស្ត្រីជាកូដករ ៣នាក់ត្រូវបានបញ្ជូនទៅមន្ទីពេទ្យភ្លាមៗក្រោយរងអំពើហិង្សារបស់សមត្ថកិច្ចដែលបានវាយ ទាត់ ធាក់ ពួកគេក្នុងអំឡុងពេលនៃការតវ៉ានៅក្បែរក្រុមហ៊ុនកាស៊ីណូណាហ្គាវើលដ៍ នៅរសៀលថ្ងៃព្រហស្បតិ៍នេះ។
សហជីពវិស័យការងារចំនួន២៤ បានទាមទារក្រសួងការងារបញ្ឈប់ជាបន្ទាន់ចំពោះការលាបពណ៌ ការចោទប្រកាន់លើតំណាងសហជីពដែលបំពេញតួនាទីតាមវិជ្ជាជីវៈ និងបញ្ឈប់រាល់ទង្វើជ្រៀតជ្រែកពាក់ព័ន្ធវិវាទការងារក្រុមហ៊ុនណាហ្គាវើលដ៍ ដោយថា ក្រសួងគួរគិតរកដំណោះស្រាយលើករណីនេះ ដើម្បីស្ដារកិត្តិយសជាតិប្រសើរជាង។
មេដឹកនាំសហជីពដ៏លេចធ្លោមួយរូបត្រូវបានក្រសួងការងារចេញលិខិតព្រមានទាក់ទងនឹងសកម្មភាពបង្ខិតបង្ខំបុគ្គលិកក្រុមហ៊ុនណាហ្គាវើលដ៍ឱ្យបន្តការតវ៉ារបស់ពួកគេ ខណៈក្រសួងលើកឡើងថាក៏នឹងចាត់វិធានការទៅតាមផ្លូវច្បាប់ ក្នុងករណីដែលមេដឹកនាំសហជីពរូបនោះនៅតែបន្តសកម្មភាពល្មើសច្បាប់នេះផងដែរ។
អង្គការសហប្រជាជាតិ (UN) បានលើកឡើងនៅក្នុងរបាយការណ៍ស្រាវជ្រាវមួយ ដោយកត់សម្គាល់ពីសម្ពាធតាមប្រព័ន្ធយុត្តិធម៌ព្រហ្មទណ្ឌ និងការយាយីលើស្ត្រីថា «ប្រព័ន្ធផ្សព្វផ្សាយនៅកម្ពុជាកំពុងស្ថិតនៅក្នុងស្ថានភាពគ្រោះថ្នាក់»។
កូដករណាហ្គាវើលដ៍មួយចំនួន នៅថ្ងៃព្រហស្បតិ៍នេះ បន្តប្រមូលផ្ដុំគ្នាជាថ្មីទៀតនៅម្ដុំនាគបាញ់ទឹក ក្បែរក្រុមហ៊ុន ដើម្បីទាមទារឱ្យរដ្ឋាភិបាលជំរុញទៅក្រុមហ៊ុនពន្លឿនការដោះស្រាយបញ្ចប់វិវាទការងារជូនពួកគេ ខណៈជម្លោះនេះបានអូសបន្លាយពេលជាងមួយឆ្នាំមកហើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
