លោក ហ៊ុន សែន អះអាងថាលោកមានរូបភាពអ្នកនយោបាយល្បីឈ្មោះម្នាក់នាំស្រីទៅចូលសណ្ឋាមួយនៅទីក្រុងបាងកកប្រទេសថៃ។ ថ្វីត្បិតតែលោក ហ៊ុន សែន មិនបានបញ្ចេញឈ្មោះអ្នកនយោបាយនោះក៏ដោយតែមជ្ឈដ្ឋានជាច្រើនគិតថា លោកនាយករដ្ឋមន្រ្តីសំដៅដល់លោក កឹម សុខា ដែលកំពុងរងការចោទថាមានអាស្រូវស្នេហា។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានបដិសេធទៅនឹងសំណើរបស់សម្តេចក្រុមព្រះដែលបានរាយការណ៍ទៅលោកឲ្យពិចារណាបញ្ចប់មុខតំណែងមន្រ្តីរដ្ឋាភិបាលដែលគាំទ្រគណបក្សហ្វ៊ុនស៊ិនហើយមិនបង់ប្រាក់ជូនគណបក្ស ហើយលោកក៏បានចំអកឲ្យសម្តេចក្រុមព្រះនិងលោក ញឹក ប៊ុនឆៃ ផងដែរ។ ព្រះអង្គម្ចាស់នរោត្តម រណឫទ្ធិ បានរាយការណ៍ទៅនាយករដ្ឋមន្ត្រីពីសមាជិកបក្សហ៊្វុនស៊ិនប៉ិចដែលមានតួនាទីក្នុងជួររដ្ឋាភិបាលនិងទទួលបានប្រាក់ខែ តែមិនបានជួយបង់ប្រាក់ចូលគណបក្ស។ លោកធ្លាប់បានព្រមានឲ្យនាយករដ្ឋមន្រ្តីបញ្ចប់តំណែងអ្នកទាំងនោះ។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានថ្លែងថារដ្ឋមន្រ្តីប្រហែល៨ទៅ៩រូប នឹងត្រូវផ្លាស់ប្តូរ ដោយលោកថាការផ្លាស់ប្តូរនេះដើម្បីធានា”ប្រសិទ្ធភាពការងារ” មិនមែនជា”កម្ចាត់ចោល”នោះទេ។ក្នុងពិធីចែកសញ្ញាបត្រដល់និស្សិតសាកលវិទ្យាល័យន័រតុន ដែលធ្វើឡើងនៅកោះពេជ្រ លោកនាយករដ្ឋមន្រ្តី ហ៊ុន សែន បានថ្លែងថាលោកមិនទាន់អាចទម្លាយថាតើរដ្ឋមន្រ្តីណានឹងត្រូវផ្លាស់ប្តូរនោះទេ តែលោកថាមានប្រហែលពី៨ទៅ៩រូប។ តែលោកមិនអាចបញ្ជាក់ថាតើរដ្ឋមន្រ្តីទាំងនោះនឹងត្រូវបញ្ចប់មុខតំណែងឬផ្លាស់ប្តូរទៅដឹកនាំក្រសួងផ្សេងនោះទេ។ លោកបញ្ជាក់ថាដោយសាររដ្ឋមន្រ្តីមួយចំនួនបានដឹងពីការផ្លាស់ប្តូរ ក៏បានដាក់ពាក្យសុំលាឈប់ផងដែរ។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានថ្លែងថាកម្ពុជាពិតនិងកម្ពុជាលើបណ្តាញសារព័ត៌មានខុសគ្នា ដោយលោកបានរិះគន់សារព័ត៌មាននិងអ្នកនយោបាយមួយចំនួនថាសរសេរនិងនិយាយធ្វើឲ្យខូចកេរ្តិ៍ឈ្មោះកម្ពុជា។ លោកនាយករដ្ឋមន្រ្តីបានថ្លែងបែបនេះនៅក្នុងពិធីសម្ពោធឲ្យប្រើប្រាស់ជាផ្លូវការស្ថានីយអ្នកដំណើរថ្មីនៅអាកាសយាន្តដ្ឋានអន្តរជាតិភ្នំពេញ។ លោកបានថ្លែងថារដ្ឋាភិបាលបានអភិវឌ្ឍប្រទេសជាបន្តបន្ទាប់ រហូតដល់មានការពង្រីកព្រលានយន្តហោះ ដើម្បីទទួលភ្ញៀវទេសចរណ៍។ លោកបន្តថានេះជាកម្ពុជាពិត មិនមែននៅលើសារព័ត៌មាននោះទេ។ លោកបានរិះគន់អ្នកនយោបាយនិងសារព័ត៌មានមួយចំនួន ដែលលោកថានិយាយអាក្រក់ពីកម្ពុជាខុសពីការពិត។
អង្គការសម្ព័ន្ធមិត្តខ្មែរអាមេរិកកាំងបានចេញសេចក្តីថ្លែងការណ៍មួយ ដោយប្រកាន់ជំហរជំទាស់នឹងវត្តមានរបស់កូនប្រុសនាយករដ្ឋមន្រ្តី គឺលោក ហ៊ុន ម៉ាណែត ដែលត្រូវបានអញ្ជើញចូលរួមកម្មវិធីចូលឆ្នាំខ្មែរនៅទីក្រុងឡុងប៊ិច រដ្ឋកាលីហ្វញ៉ា។ នេះជាការឆ្លើយតបទៅនឹងនឹងលោក ហ៊ុន ម៉ាណែត ដែលបានលើកឡើងកាលពីសប្តាហ៍មុនថាដំណើរទស្សនកិច្ចរបស់លោកទៅអាមេរិកមិនមែនជារឿងនយោបាយនោះទេ។
មន្រ្តីរដ្ឋាភិបាលឲ្យដឹងថាក្រសួងការបរទេសកម្ពុជាកំពុងតែត្រួតពិនិត្យករណីដែលឯកអគ្គរាជទូតខ្មែរប្រចាំប្រទេសកូរ៉េខាងត្បូង លោក ស៊ុត ឌីណា ទទូចឲ្យលោកនាយករដ្ឋមន្រ្តី ហ៊ុន សែន ជួយរកយុត្តិធម៌ជូនរូបលោក។ កាលពីថ្ងៃចន្ទ លោក ស៊ុត ឌីណា បានផ្ញើសារមួយតាមរយៈហ្វេសប៊ុករបស់នាយករដ្ឋមន្រ្តីមេត្តាពិនិត្យនិងផ្តល់យុត្តិធម៌ដល់រូបលោក ដោយលោកថាលោកកំពុងត្រូវបានគេមូលបង្កាច់និងមានចេតនាទម្លាក់លោកចេញពីតំណែង។ លោកមានប្រសាសន៍ថា៖ “ហេតុអី រយៈពេលពីរឆ្នាំដែលខ្ញុំបាទបំពេញមុខងារជាឯកអគ្គរាជទូត នៅសាធារណរដ្ឋកូរ៉េ ដែលខ្ញុំបាទបានលះបង់គ្រប់យ៉ាង ដើម្បីរាជរដ្ឋាភិបាល ដើម្បីគណបក្សប្រជាជនកម្ពុជា បែរជាត្រូវទទួលរងនូវការរៀបចំសេណារីយ៉ូមូលបង្កាច់ បង្ខូចនិងមានការចាត់បញ្ជូនក្រុមមនុស្សមកធ្វើសវនកម្មពីរបីដង។ ថ្ងៃនេះថ្ងៃទី១៤ ខែមីនា ឆ្នាំ២០១៦ មកមួយក្រុមទៀត(មកពីអង្គភាពពិសេស )”។
និស្សិតមួយក្រុមដែលអះអាងថាជានិស្សិតមកពីសកលវិទ្យាល័យរដ្ឋនិងឯកជនបានដាក់ញត្តិទៅរដ្ឋសភាដើម្បីឲ្យស្ថាប័ននេះកោះហៅលោក កឹម សុខា ចេញមុខបកស្រាយរឿងខ្សែអាត់សំឡេងដែលសង្ស័យថាបានសារសងស្នេហាជាមួយស្រីកំណាន់ដោយថារឿងអាស្រូវរបស់លោក កឹម សុខា ធ្វើឲ្យប៉ះពាល់ដល់ច្បាប់និងសង្គមជាតិ។
ថា្នក់ដឹកនាំគណបក្សសង្រ្គោះជាតិនៅថ្ងៃចន្ទនេះបានបើកកិច្ចប្រជុំមួយនៅប្រទេសហ្វីលពីន ដែលដឹកនាំដោយប្រធានគណបក្ស លោក សម រង្ស៊ី និងអនុប្រធានលោក កឹម សុខា។
ហ្វេសប៊ុករបស់គណបក្សសង្រ្គោះជាតិបានបង្ហោះរូបភាពនិងសារនៅព្រឹកថ្ងៃចន្ទនេះថាថ្នាក់ដឹកនាំកំពូលគណបក្សសង្គ្រោះជាតិ កំពុងជួបប្រជុំនៅទីក្រុងម៉ានីឡា ប្រទេសហ្វីលីពីន ព្រឹកថ្ងៃទី១៤ ខែមីនា ឆ្នាំ២០១៦។ កិច្ចប្រជុំនេះក៏មានការចូលរួមពីប្រធានគណបក្សប្រឆាំង លោក សម រង្ស៊ី ដែលកំពុងនិរទេសខ្លួននៅក្រៅប្រទេស គេចពីការចាប់ខ្លួន។ មន្រ្តីគណបក្សអះអាងថាកិច្ចប្រជុំនេះដើម្បីពិនិត្យមើលការងាររបស់គណបក្សនិងស្ថានភាពនយោបាយបច្ចុប្បន្ន។
ប្រធានគណបក្សថ្មីមួយបានរិះគន់ចំៗទៅលើមេដឹកនាំបក្សកាន់អំណាចនិងបក្សប្រឆាំងពីការបែកធ្លាយរឿងអាស្រូវផ្លូវភេទ ដែលលោកថាពលរដ្ឋអាចបោះឆ្នោតរើសបានមេដឹកនាំថ្មីជាមនុស្សខូចដូចគ្នាបើស្ថាប័នជំនាញមិនវែកមុខអ្នកពាក់ព័ន្ធមកប្រឈមនឹងផ្លូវច្បាប់។
នៅកម្ពុជាបច្ចុប្បន្ននេះអ្នកវិភាគកត់សំគាល់ថាបញ្ហាជាច្រើនដែលរដ្ឋាភិបាលត្រូវដោះស្រាយឲ្យមានតម្លាភាពក៏ព្រោះតែខ្លួនអះអាងថាជាអ្នកឈ្នះឆ្នោតដើម្បីទទួលភារកិច្ចបម្រើប្រជាពលរដ្ឋ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
