នៅអំឡុងពេលដែលមេដឹកនាំនៃប្រទេសមហាអំណាចកំពុងចូលរួមក្នុងកិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះនេះ គណបក្សភ្លើងទៀន ដែលជាបក្សនៅក្រៅរដ្ឋាភិបាល ស្នើឱ្យបណ្ដាមេដឹកនាំទាំងនោះ ជាពិសេសសហរដ្ឋអាមេរិក ធ្វើកិច្ចអន្តរាគមន៍ដោយជំរុញរដ្ឋាភិបាលកម្ពុជាឱ្យគោរពសិទ្ធិមនុស្ស និងសិទ្ធិនយោបាយរបស់បក្សប្រឆាំង។
ចៅសង្កាត់រងទី២ នៅសង្កាត់អូរចារ ខេត្តបាត់ដំបង មកពីគណបក្សភ្លើងទៀន អ្នកស្រី ស៊ិន ចាន់ពៅរ៉ូហ្សិត បានឱ្យដឹងថា ខ្លួនបានដាក់ពាក្យបណ្ដឹងទៅកាន់នគរបាលយុត្តិធម៌ ប្រឆាំងនឹងសមាជិកក្រុមប្រឹក្សាសង្កាត់ជាប់ឆ្នោតមកពីគណបក្សប្រជាជនមួយរូបដែលបានប្រើហិង្សាលើអ្នកស្រី បន្ទាប់ពីទាស់ពាក្យសម្ដីគ្នារឿងការងារ។
មេធាវីការពារក្ដីលោក សុន ឆ័យ នៅតែទាមទារឱ្យតុលាការទម្លាក់ចោលការចោទប្រកាន់មកលើកូនក្តី និងដាក់ពាក្យបណ្តឹងជំទាស់ប្រឆាំងសាលក្រមរបស់សាលាដំបូងរាជធានីភ្នំពេញ ដែលសម្រេចឱ្យកូនក្ដីបង់ប្រាក់សងជំងឺចិត្តដល់គណបក្សប្រជាជនកម្ពុជាចំនួន៧៥ម៉ឺនដុល្លារ ក្រោមបទចោទប្រកាន់ «បរិហារកេរ្តិ៍ជាសាធារណៈ»។
មហិច្ឆតាក្រាញអំណាច កម្សោយការទទួលខុសត្រូវរបស់ស្ថាប័នជាតិ រួមទាំងកង្វះមូលដ្ឋានក្នុងការពិចារណាដើម្បីរើសមេដឹកនាំ ជាឧបសគ្គចម្បងរារាំងដល់ការកសាងប្រជាធិបតេយ្យនៅកម្ពុជា បើទោះជាយន្តការនេះមានការគាំទ្រពីសហគមន៍អន្តរជាតិ និងការពារដោយរដ្ឋធម្មនុញ្ញ។
ការដាក់ពង្រាយសែស្រឡាយថ្នាក់ដឹកនាំ ឱ្យទៅកាន់តំណែងធំៗនៅក្រសួងសំខាន់ៗរបស់ជាតិ រួមទាំងកង្វះឯករាជ្យភាពរបស់ឥស្សរជននយោបាយ ត្រូវបានគេមើលឃើញថា ជាជម្រកសុវត្ថិភាពនៃអំពើពុករលួយ និងបង្កគ្រោះថ្នាក់ធ្ងន់ធ្ងរដល់ការកសាងសង្គមប្រជាធិបតេយ្យ បើគ្មានការកែលម្អទេនោះ។
គណបក្សក្រៅរដ្ឋាភិបាលមួយចំនួន ជំរុញឱ្យមានការផ្ដល់សេរីភាពផ្នែកនយោបាយដល់លោក កឹម សុខា ឡើងវិញ មុនការបោះឆ្នោតជាតិ ឆ្នាំ២០២៣ មកដល់ ដោយពួកគេចង់ឃើញការប្រកួតប្រជែងនយោបាយក្នុងពេលខាងមុខ ធ្វើឡើងដោយស្មើភាពគ្នា ក្រោមវត្តមានមេបក្សប្រឆាំងរូបនេះអាចចូលរួមបាន។
កូនប្រុសរបស់លោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ានី បានលើកឡើងថា កម្លាំងអមិត្តនៅតែចិញ្ចឹមមហិច្ឆតា និងបន្តធ្វើសកម្មភាពញុះញង់ អុចអាល បង្កហេតុ បង្កើតចលាចល ដែលជាកត្តាបំផ្លាញសុខសន្តិភាព តែរដ្ឋាភិបាលនៅតែបន្តធានាការពារសុខសន្តិភាព ស្ថិរភាព និងការអភិវឌ្ឍ។
សាលាដំបូងរាជធានីភ្នំពេញ នៅរសៀលថ្ងៃសុក្រនេះ បានសម្រេចឱ្យលោក សុន ឆ័យ អនុប្រធានគណបក្សភ្លើងទៀន បង់ប្រាក់សងជំងឺចិត្តដល់គណបក្សប្រជាជនកម្ពុជាចំនួន «៣ពាន់លានរៀល» ឬស្មើប្រមាណ «៧៥ម៉ឺនដុល្លារ»។
ក្រោយពីប្រព័ន្ធបោះឆ្នោតនៅកម្ពុជាបង្កើតបានក្បាលម៉ាស៊ីនដឹកនាំរដ្ឋបែបឯកបក្សជិត៥ឆ្នាំមកនេះ បានលេចចេញនូវរោគសញ្ញា២ផ្ទុយគ្នា នោះគឺការប្រកាសពីផែនការបន្តវេនរបស់ក្រុមអ្នកនយោបាយឈ្នះឆ្នោត និងបទឧក្រិដ្ឋជួញដូរមនុស្សឆ្លងដែន ប្រទាក់ក្រឡាគ្នាលើទឹកដីកម្ពុជាដែលមិនធ្លាប់មាន។
ចាប់តាំងពីបង្កើតគណនីប្រព័ន្ធផ្សព្វផ្សាយសង្គមថ្មីមួយចំនួននៅពាក់កណ្ដាលខែសីហា ឆ្នាំ២០២២មក អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក លោក ហ៊ុន ម៉ាណែត បានបង្ហោះវីដេអូជាសាធារណៈចំនួន៩៥ នៅលើបណ្ដាញ YouTube, TikTok, Twitter និង Instagram គិតត្រឹមព្រឹកថ្ងៃទី២៧ ខែកញ្ញា ឆ្នាំ២០២២។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
