លោកនាយករដ្ឋមន្ត្រី ហ៊ុន សែន បានអំពាវនាវដល់ម្ចាស់ក្រុមហ៊ុន និងម្ចាស់រយថយន្តដឹកជញ្ជូនអ្នកដំណើរឯកជនទាំងអស់ រក្សាតម្លៃដឹកជញ្ជូននៅដដែលក្នុងឱកាសពិធីបុណ្យភ្ជុំបិណ្ឌ ខណៈរដ្ឋាភិបាលបានបញ្ចេញរថយន្តក្រុង១៧៥គ្រឿងសម្រាប់ដឹកជញ្ជូនពលរដ្ឋនៅរាជធានីភ្នំពេញ និងទៅតាមបណ្តាខេត្តនានាដោយឥតគិតថ្លៃ។
ប្រជាពលរដ្ឋមួយចំនួនលើកឡើងថា អំឡុងបុណ្យភ្ជុំបិណ្ឌដោយចាប់ផ្ដើមតាំងពីថ្ងៃទី១១ ខែកញ្ញាមក តម្លៃទំនិញនៅលើទីផ្សារមានការហក់ឡើងថ្លៃជាងមុន ដែលករណីនេះ ទាំងពលរដ្ឋ និងសង្គមស៊ីវិល ជំរុញដល់រដ្ឋាភិបាលគួរមានវិធានការទប់ស្កាត់បញ្ហានេះ ដើម្បីជួយសម្រួលដល់ជីវភាពរបស់ប្រជាពលរដ្ឋ ជាពិសេសអ្នកដែលមានប្រាក់ចំណូលទាប ដូចជា កម្មកររោងចក្រ និងអ្នកសេដ្ឋកិច្ចក្រៅប្រព័ន្ធ ជាដើម។
លោក កឹម សុខា ប្រធានគណបក្សសង្គ្រោះជាតិដែលតុលាការរំលាយ បានយកពិធីកាន់បិណ្ឌប្រពៃណីជាតិ ផ្ញើសារឱ្យខ្មែរមាន «ចិត្តធម៌ ធ្វើអំពើល្អ និងឈប់ចងពៀរគ្នា» ខណៈតុលាការនៅបន្តបិទសិទ្ធិធ្វើនយោបាយរបស់លោកជាង៥ឆ្នាំ តាមបណ្ដឹងគណបក្សកាន់អំណាច ដែលគេមើលឃើញថាជាបទចោទនយោបាយ។
លោកនាយករដ្ឋមន្ត្រី ហ៊ុន សែន បានបញ្ជាទៅអាជ្ញាធរគ្រប់លំដាប់ថ្នាក់ ត្រូវបង្កើនកិច្ចការពារសុវត្ថិភាពជូនប្រជាពលរដ្ឋ និងភ្ញៀវទេសចរ អំឡុងពេលបុណ្យកាន់បិណ្ឌ និងភ្ជុំបិណ្ឌ ខណៈពិធិបណ្យនេះ បានចាប់ផ្តើមពីថ្ងៃទី១១ ខែកញ្ញា រហូតដល់ចុងខែដដែលនេះ។
ការឈប់សម្រាករបស់កម្មករ-និយោជិតនាឱកាសភ្ជុំបិណ្ឌនេះ ពុំមានការលើកថ្ងៃឡើយ បើទោះចំថ្ងៃចុងសប្ដាហ៍ សៅរ៍-អាទិត្យ ក្ដី ខណៈរោងចក្រ សហគ្រាសណាដែលមិនអាចឱ្យបុគ្គលិកឈប់ព្រមគ្នាក្នុងពេលតែមួយបាន អាចបែងចែកឱ្យកម្មករនិយោជិតបានឈប់សម្រាកទៅតាមថ្ងៃបុណ្យនីមួយៗដោយផ្លាស់វេនគ្នា និងមានសិទ្ធិទទួលប្រាក់បំណាច់បន្ថែម។
ក្រសួងទេសចរណ៍បានបង្ហាញរបាយការណ៍ថា ក្នុងរយៈពេលពីរថ្ងៃនៃថ្ងៃឈប់សម្រាកបុណ្យភ្ជុំបិណ្ឌ មានភ្ញៀវទេសចរចេញដើរលេងកម្សាន្តប្រមាណជិតកន្លះលាននាក់ (៤២ម៉ឺននាក់) ក្នុងនោះ ខេត្តកំពតជាគោលដៅទេសចរណ៍សំខាន់ជាងគេ។
ក្រសួងសាធារណការ និងដឹកជញ្ជូន ណែនាំដល់ក្រុមហ៊ុនដឹកជញ្ជូននិងអ្នកដំណើរទាំងអស់បន្តយកចិត្តទុកដាក់អនុវត្តវិធានការបង្ការនិងទប់ស្កាត់ការឆ្លងរាលដាលនៃជំងឺ-១៩ ក្នុងអំឡុងពេលនិងក្រោយពេលពិធីបុណ្យភ្ជុំបិណ្ឌ ខណៈជំងឺនេះឆ្លងក្នុងព្រឹត្តិការណ៍«សហគមន៍២០កុម្ភៈ» មិនទាន់បិទបញ្ចប់នៅឡើយ។
អង្គការសង្គមស៊ីវិលស្នើដោះលែងសកម្មជនបរិស្ថាននិងអ្នកការពារសិទិ្ធមនុស្សឱ្យមានសេរីភាពវិញ ខណៈពួកគេកំពុងជាប់ពន្ធនាគារក្នុងស្ថានភាពចង្អៀតណែន។
សមត្ថកិច្ចខេត្តក្រចេះ បង្រ្កាបទីតាំងខារ៉ាអូខេមួយកន្លែងនៅក្នុងខេត្តនេះ ដោយបានឃាត់ខ្លួនមនុស្សប្រុសស្រីចំនួន២០នាក់ កាលពីយប់រំលងអធ្រាត្រឈានចូលថ្ងៃទី៣ ខែតុលា ឆ្នាំ២០២១ ខណៈម្ចាស់ហាងបញ្ជូនទៅតុលាការចាត់វិធានការច្បាប់។
លោកនាយករដ្ឋមន្ត្រី ហ៊ុន សែន ចេញវិធានទប់ស្កាត់រលកចម្លងជំងឺកូវីដ-១៩ ក្នុងពិធីបុណ្យភ្ជុំបិណ្ឌប្រពៃណីជាតិឆ្នាំនេះ ខណៈកម្ពុជាមិនទាន់អាចកាត់ផ្តាច់ខ្សែចម្លងក្នុងសហគមន៍បាននៅឡើយក្នុងរយៈពេលជាង៨ខែមកនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
