អតីតសមាជិក​សហជីពម្នាក់ដែលត្រូវបានសាលាដំបូងរាជធានីភ្នំពេញចោទប្រកាន់ក្នុងសំណុំរឿង «ញុះ​ញង់ និង​រួមគំនិតក្បត់» បានបដិសេធក្នុង​សវនាការនៅថ្ងៃនេះថា ខ្លួន​មិន​បាន​​​គាំទ្រ​សកម្ម​ភាពបង្កឱ្យ​មានហិង្សា​ និងផែនការវិលត្រលប់ចូលកម្ពុជារបស់លោក សម រង្ស៊ី នៅ​ថ្ងៃទី៩​វិច្ឆិកា​នោះ​ទេ។

អតីតមន្ត្រីក្រសួងមហាផ្ទៃម្នាក់ ដែលត្រូវបានចោទប្រកាន់ពាក់ព័ន្ធ «ចលនាសង្គ្រោះជាតិ» នៅក្រៅប្រទេសនោះ អះអាងថា ​ខ្លួនមិនមានទំនាក់ទំនងណាមួយជាមួយអតីតបក្សប្រឆាំង ហើយក៏មិនបានជាប់ពាក់ព័ន្ធចលនាសង្គ្រោះជាតិនោះដែរ ដោយថា ខ្លួនមិនបានប្រព្រឹត្តបទល្មើសឡើយ ក្រៅពីគាំទ្រនិងស្រឡាញ់រដ្ឋាភិបាលបច្ចុប្បន្ន។

សាលាដំបូងរាជធានីភ្នំពេញ​ បាន​​សួរដេញដោល​អតីតសកម្មជនបក្សប្រឆាំង២នាក់ទៀតក្នុងចំណោមជាង៤០នាក់​ ពាក់ព័ន្ធផែនការវិលចូលស្រុក​និងសារអំពាវនាវរបស់លោក សម រង្ស៊ី ក្នុងព្រឹត្តិការណ៍ ៩ វិច្ឆិកា ឆ្នាំ២០១៩។ ​

មន្ត្រីអគ្គស្នងការដ្ឋាននគរបាលជាតិ​ បានឱ្យដឹងថា អតីតមេឃុំអតីត​គណបក្សប្រឆាំង អ្នកស្រី ឡាញ់ ថាវរី ដែលត្រូវអាជ្ញាធរថៃ​ចាប់​ខ្លួន​បញ្ជូន​​មក​កម្ពុជាវិញ​ កំពុងស្ថិតនៅក្រោមការ​ឃុំខ្លួន​បណ្ដោះអាសន្ននៅពន្ធនាគារ នៅរាជធានីភ្នំពេញ ​ដើម្បីរង់ចាំតុលាការចាត់​វិធាន​ការ​ច្បាប់​បន្ត។

ចៅក្រមសាលាដំបូងរាជធានីភ្នំពេញ បានបដិសេធបណ្ដឹងសុំនៅក្រៅឃុំរបស់អតីតមន្ត្រីគណបក្សសង្រ្គោះជាតិ ចំនួន១៤នាក់ បន្ទាប់ពីពួកគេត្រូវបានឃុំខ្លួននៅពន្ធនាគារ ដើម្បីរង់ចាំ​សវនាការរយៈពេលជិត២ឆ្នាំ។

ចៅក្រមតុលាការក្រុងភ្នំពេញ នៅព្រឹកមិញនេះ បានបដិសេធសំណើសុំនៅក្រៅឃុំរបស់សកម្មជនអតីតគណបក្សប្រឆាំងចំនួន១៤រូប ដោយលើកហេតុផលថា រក្សាជនជាប់ចោទនៅក្នុងឃុំដើម្បីងាយស្រួលក្នុងការចូលរួមអង្គសវនាការ។