កម្មករ-កម្មការិនីប្រមាណ ២០០នាក់ បម្រើការងារនៅរោងចក្រកាត់ដេរ ហេន ស៊ើវេន (Hand Seven Apparel Co., LTD ឬអក្សរកាត់ H7) នៅជិតផ្សារព្រៃទា ស្ថិតក្នុងភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បាននាំគ្នាតវ៉ាទាមទារទៅថៅកែឱ្យទូទាត់អត្ថប្រយោជន៍ផ្សេងៗជូនពួកគេស្របតាមច្បាប់ស្តីពីការងារ ក្រោយសង្ស័យថារោងចក្របិទទ្វារ។
ក្រុមស្រ្តីជួរមុខដែលសកម្មក្នុងការការពារសិទ្ធិកម្មករនិយោជិតនៅតាមស្ថាប័នរដ្ឋ និងឯកជននានា បានបង្ហាញឆន្ទៈបន្តបេសកកម្មរបស់ខ្លួនក្នុងការលើកកម្ពស់សិទ្ធិស្ត្រីក្នុងវិស័យការងារ ទោះប្រឈមការរើសអើងក្នុងកន្លែងធ្វើការ ការគំរាមកំហែង និងរងការបៀតបៀនលើរាងកាយក្ដី។
កម្មករ-កម្មការិនីចំនួន ៣នាក់ បម្រើការងារនៅរោងចក្រ ស៊ិនឡន អ៊ិនធើណេសិនណល (ខេមបូឌា) ឯ.ក (CINLON INTERNATIONAL (CAMBODIA) CO.,LTD ស្ថិតតាមបណ្ដោយផ្លូវលេខជាតិ៤១ ក្នុងភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ បានស្នើទៅក្រសួងការងារជួយអន្តរាគមន៍ឱ្យពួកគាត់បានចូលធ្វើការងារវិញ ក្រោយថៅកែបញ្ឈប់ពីការងារដោយសារនាំគ្នាបង្កើតសហជីពក្នុងរោងចក្រ។
សហជីពអះអាងថា កងរាជអាវុធហត្ថខេត្តតាកែវ បានហៅតំណាងសហជីពនៅរោងចក្រ ស៊ូព្រីមៀធូ ស្ថិតនៅឃុំពពេល ស្រុកត្រាំកក់ ទៅសួរនាំ ក្រោយពីពួកគេចូលរួមរៀនវគ្គបណ្ដុះបណ្ដាលពាក់ព័ន្ធសិទ្ធិរបស់កម្មករ។
ក្រសួងការងារ និងបណ្ដុះបណ្ដាលវិជ្ជាជីវៈ បានហៅកម្មករចំនួន៤នាក់ទៅជួបដើម្បីផ្សះផ្សាវិវាទការងារ ខណៈ២នាក់ទៀតត្រូវបានហៅទៅសួរនាំ នៅថ្ងៃព្រហស្បតិ៍នេះ ក្រោយថៅកែរោងចក្រ អ៊ីស្តក្រោន បញ្ឈប់ពួកគេពីការងារ។
កម្មករ-កម្មការិនី២នាក់ទៀត បម្រើការងារនៅរោងចក្រកាត់ដេរសម្លៀកបំពាក់ «ញូមីងដា ខេមបូឌា ខូអិលធីឌី (New MINGDA CAMBODIA Co.,Ltd)» ស្ថិតនៅតាមបណ្ដោយផ្លូវវេងស្រេង ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ត្រូវបានថៅកែព្យួរការងារ ក្រោយនាំគ្នាបង្កើតសហជីពក្នុងរោងចក្រ។
កម្មករ-កម្មការិនីជិត១ ០០០នាក់ បម្រើការងារនៅរោងចក្រកាត់ដេរសម្លៀកបំពាក់ «ញូមីងដា (ខេបូឌា) ខូអិលធីឌី (New MINGDA CAMBODIA Co., Ltd)» ស្ថិតនៅតាមបណ្ដោយផ្លូវវេងស្រេង ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ បានផ្ទុះការតវ៉ានៅថ្ងៃពុធនេះ ក្រោយថៅកែបញ្ឈប់តំណាងសហជីពម្នាក់ពីការងារ។
កម្មករ២នាក់ទៀតដែលបម្រើការងារនៅរោងចក្រ អ៊ីស្តក្រោន ហ៊្វូតវែរ អ៊ិនដាសស្ទ្រី ឯ.ក (EASTCROWN FOOTWEAR INDUSTRY CO,.LTD) ស្ថិតនៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ត្រូវបានថៅកែបញ្ឈប់ពីការងារ ក្រោយនាំគ្នាបង្កើតសហជីពនៅក្នុងរោងចក្រ។
ក្រុមអ្នកធ្វើការងារក្នុងវិស័យលើកកម្ពស់សិទ្ធិកម្មករនិយាយថា សេរីភាពបង្កើតសហជីពឯករាជ្យ និងការផ្តល់បរិយាកាសល្អប្រសើរសម្រាប់សកម្មភាពសហជីពដែលអាចការពារប្រយោជន៍កម្មករពិតប្រាកដជារឿងចាំបាច់ ដើម្បីបញ្ចៀសការរំលោភសិទ្ធិការងារពីសំណាក់ថៅកែ និយោជក ក៏ប៉ុន្តែប្រសិនបើ សេរីភាពទាំងនេះមិនត្រូវបានធានា ហើយត្រូវបានរឹតត្បិត និងរើសអើង គឺជាមូលហេតុចម្បងមួយនាំឱ្យមានការរំលោភសិទ្ធិកម្មករក្នុងវិស័យការងារនៅកម្ពុជា។
ក្រុមគ្រួសារ និងសាច់ញាតិកម្មករនៅខេត្តកំពង់ស្ពឺ ដែលជួបហេតុការណ៍គ្រោះថ្នាក់ចរាចរណ៍កាលពីឆ្នាំមុន បានតវ៉ាទាមទាររកយុត្តិធម៌ជូនកម្មករដែលស្លាប់និងរបួស ក្រោយហេតុការណ៍នេះបានកើតឡើងរយៈពេល១ឆ្នាំហើយ ប៉ុន្តែជនបង្កមិនត្រូវបានតុលាការចាប់មកទទួលខុសត្រូវ និងផ្ដល់សំណងដល់ជនរងគ្រោះតាមផ្លូវច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
