តំណាងក្រុមកូដករអះអាងថា យ៉ាងហោចណាស់កូដករណាហ្គាវើលដ៍ចំនួន២នាក់ដួលសន្លប់ និងមួយចំនួនទៀតរងរបួសស្រាល ដោយសារប៉ះទង្គិចគ្នាជាមួយក្រុមសមត្ថកិច្ច និងកងសន្តិសុខខណ្ឌទួលគោករាប់សិបនាក់ ខណៈពួកគេនាំគ្នាដើរហែក្បួនពីក្រសួងការងារឆ្ពោះទៅកាន់ទីស្តីការគណៈរដ្ឋមន្ត្រី ដើម្បីដាក់ញត្តិស្នើសុំកិច្ចអន្តរាគមន៍ទៅរដ្ឋាភិបាលឱ្យពន្លឿនជួយដោះស្រាយបញ្ចប់វិវាទជាមួយក្រុមហ៊ុន។
កូដករណាហ្គាវើលដ៍ នៅថ្ងៃសុក្រនេះ បាននាំគ្នាយកចង្ក្រានចានឆ្នាំងទៅចម្អិនអាហារសម្រាប់បរិភោគនៅពីមុខក្រុមហ៊ុន ដោយពួកគេថា នេះជាសកម្មភាពតស៊ូមតិដោយសន្តិវិធី ដើម្បីជំរុញឱ្យថៅកែក្រុមហ៊ុន និងក្រសួងស្ថាប័នរដ្ឋ រកដំណោះស្រាយការងារដោយតម្លាភាព ឆ្លើយតបនឹងកូដកម្មអហិង្សាដែលអូសបន្លាយជិត៩ខែមកនេះ។
ការឈប់សម្រាករបស់កម្មករ-និយោជិតនាឱកាសភ្ជុំបិណ្ឌនេះ ពុំមានការលើកថ្ងៃឡើយ បើទោះចំថ្ងៃចុងសប្ដាហ៍ សៅរ៍-អាទិត្យ ក្ដី ខណៈរោងចក្រ សហគ្រាសណាដែលមិនអាចឱ្យបុគ្គលិកឈប់ព្រមគ្នាក្នុងពេលតែមួយបាន អាចបែងចែកឱ្យកម្មករនិយោជិតបានឈប់សម្រាកទៅតាមថ្ងៃបុណ្យនីមួយៗដោយផ្លាស់វេនគ្នា និងមានសិទ្ធិទទួលប្រាក់បំណាច់បន្ថែម។
កម្មករ-កម្មការិនីបម្រើការងារតាមបណ្ដារោងចក្រមួយចំនួនបាននាំគ្នាធ្វើយុទ្ធនាការទាមទារប្រាក់ឈ្នួលចំនួន «២១៥ដុល្លារ» ខណៈរដ្ឋាភិបាលកំពុងពិភាក្សាជាមួយភាគីពាក់ព័ន្ធ អំពីការដំឡើងប្រាក់ឈ្នួលអប្បបរមាសម្រាប់កម្មករផ្នែកវាយនភណ្ឌកាត់ដេរ ផលិតស្បែកជើង កាបូប និងផលិតផលធ្វើដំណើរនៅកម្ពុជា សម្រាប់ឆ្នាំ២០២៣។
ក្រុមយុវតីអាយុ១២ឆ្នាំ និយាយថា ពួកគេកំពុងធ្វើការនៅរោងចក្រកាត់ដេរក្នុងខេត្តកំពង់ស្ពឺ។ អ្នកខ្លះទៀតមានឯកសារបញ្ជាក់អត្តសញ្ញាណក្លែងក្លាយចេញដោយមន្ត្រីមូលដ្ឋាន។
កម្មករ-កម្មការិនីប្រមាណ៣០០នាក់ បម្រើការងារនៅរោងចក្រកាត់ដេរសម្លៀកបំពាក់ «ឃែនធើរេន អីភែរឹល ខេមបូឌា (CANTERAN APPAREL Cambodia co.,ltd)» ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ នៅថ្ងៃសុក្រនេះ បាននាំគ្នាតវ៉ាមុខក្រសួងការងារជាថ្មី ដើម្បីទាមទារសំណង៥ចំណុច ខណៈក្រសួងផ្ដល់ជូនត្រឹម៣ចំណុច។
សហជីពវិស័យការងារចំនួន២៤ បានទាមទារក្រសួងការងារបញ្ឈប់ជាបន្ទាន់ចំពោះការលាបពណ៌ ការចោទប្រកាន់លើតំណាងសហជីពដែលបំពេញតួនាទីតាមវិជ្ជាជីវៈ និងបញ្ឈប់រាល់ទង្វើជ្រៀតជ្រែកពាក់ព័ន្ធវិវាទការងារក្រុមហ៊ុនណាហ្គាវើលដ៍ ដោយថា ក្រសួងគួរគិតរកដំណោះស្រាយលើករណីនេះ ដើម្បីស្ដារកិត្តិយសជាតិប្រសើរជាង។
មេដឹកនាំសហជីពដ៏លេចធ្លោមួយរូបត្រូវបានក្រសួងការងារចេញលិខិតព្រមានទាក់ទងនឹងសកម្មភាពបង្ខិតបង្ខំបុគ្គលិកក្រុមហ៊ុនណាហ្គាវើលដ៍ឱ្យបន្តការតវ៉ារបស់ពួកគេ ខណៈក្រសួងលើកឡើងថាក៏នឹងចាត់វិធានការទៅតាមផ្លូវច្បាប់ ក្នុងករណីដែលមេដឹកនាំសហជីពរូបនោះនៅតែបន្តសកម្មភាពល្មើសច្បាប់នេះផងដែរ។
កូដករណាហ្គាវើលដ៍មួយចំនួនអះអាងថា ពួកគេនៅតែបន្តធ្វើកូដកម្មទាមទារឱ្យមានការដោះស្រាយវិវាទការងារជាមួយក្រុមហ៊ុនប្រកបដោយយុត្តិធម៌ស្របតាមច្បាប់ការងារ ខណៈពួកគេថាក្រសួងការងារបានខកខានបំពេញកាតព្វកិច្ចរបស់ខ្លួនក្នុងការបញ្ចប់ជម្លោះការងារមួយនេះ។
អំពើពុករលួយ កម្សោយនៃការអនុវត្តច្បាប់ វិធានការវះកាត់មន្ត្រីខិលខូច នៅពីក្រោយក្រុមហ៊ុនដើម្បីធ្វើជាមុខរបរជួញក្ដី ត្រូវបានគេមើលឃើញថា ជាឧបសគ្គចម្បងរារាំងដល់យន្តការស្វែងរកដំណោះស្រាយនៃវិវាទការងារនៅក្រុមហ៊ុនល្បែងណាហ្គាវើលដ៍ រហូតរកច្រកចេញមិនរួចអស់រយៈពេលជាង១ឆ្នាំមកនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
