ក្រុមយុវជនចលនាមាតាធម្មជាតិ បានស្នើទៅក្រសួងបរិស្ថានឱ្យបង្ហាញជាសាធារណៈនូវលទ្ធផលនៃការសិក្សាស្រាវជ្រាវអំពីតំបន់កោះកុងក្រៅ និងធ្វើបច្ចុប្បន្នភាពនៃការដាក់តំបន់មួយនេះទៅជាតំបន់ឧទ្យានជាតិសមុទ្រ ក្រោយមន្ត្រីក្រសួងចុះស្រាវជ្រាវរយៈពេល៦ឆ្នាំមកហើយ ប៉ុន្តែមិនទាន់បានបង្ហាញលទ្ធផលការងាររបស់ខ្លួនជាសាធារណៈឡើយ។
មន្រ្តីរដ្ឋាភិបាលបានគូសបញ្ជាក់ជាថ្មីពីការប្ដេជ្ញាទប់ស្កាត់បទល្មើសសត្វព្រៃ តាមរយៈការពង្រឹងការអនុវត្តច្បាប់ និងការបង្កើតមុខរបរឱ្យសហគមន៍ ដូចជាការចិញ្ចឹមសត្វ និងការជំរុញសេវាទេសចរណ៍ ជាដើម។
តុលាការខេត្តសៀមរាប បានកោះហៅពលរដ្ឋចំនួន៣នាក់ឱ្យចូលបំភ្លឺនៅសាលាដំបូងខេត្តនៅចុងសប្ដាហ៍នេះនិងដើមខែក្រោយ ទៅតាមបណ្ដឹងរបស់មន្ត្រីបរិស្ថានខេត្ត ពាក់ព័ន្ធរឿងជម្លោះដីធ្លី។
មន្ត្រីជាន់ខ្ពស់ក្រសួងបរិស្ថានអះអាងថា ក្រុមអ្នកអភិរក្សបន្តកិច្ចខិតខំប្រឹងប្រែងដើម្បីអភិរក្សសត្វត្មាតកម្ពុជាឱ្យបានគង់វង្សសម្រាប់មនុស្សជំនាន់ក្រោយ ស្របពេលក្រសួងរកឃើញថា រយៈពេលប្រមាណ ១០ឆ្នាំចុងក្រោយចំនួនសត្វត្មាត៣ប្រភេទនៅកម្ពុជាមានការធ្លាក់ចុះគួរឱ្យកត់សម្គាល់។
ក្រុមអ្នកជំនាញបរិស្ថានបានលើកឡើងថា ដើម្បីឈានទៅបញ្ចប់វិបត្តិអន្ទាក់ និងការជួញដូរសត្វព្រៃខុសច្បាប់នៅកម្ពុជា គឺត្រូវចាប់ផ្តើមចេញពីការអនុវត្តច្បាប់ឱ្យបានតឹងរឹងពីសំណាក់អាជ្ញាធរមូលដ្ឋាន និងទាមទារការចូលរួមរបស់ប្រជាពលរដ្ឋផងដែរ។
ក្រុមយុវជន សហជីព និងអង្គការសង្គមស៊ីវិល បង្ហាញក្ដីបារម្ភក្រោយរកឃើញថា ការទន្ទ្រានដីយកធ្វើជាកម្មសិទ្ធិបានបន្តគំរាមកំហែងយ៉ាងធ្ងន់ធ្ងរដល់តំបន់ព្រៃឈើ តំបន់ការពារធម្មជាតិ តំបន់បឹងទន្លេសាប និងព្រៃសហគមន៍ ខណៈរដ្ឋាភិបាលពុំបានឆ្លើយតបទាន់ពេលវេលាទៅនឹងការកើនឡើងនូវសកម្មភាពកាប់បំផ្លាញទាំងនោះទេ។
ក្រុមយុវជននិងសង្គមស៊ីវិលដែល «ជិះកង់ ៦០០គីឡូម៉ែត្រ ដើម្បីបរិស្ថាន» ស្នើរដ្ឋាភិបាលពង្រឹងការទប់ស្កាត់ការកាប់បំផ្លាញព្រៃឈើ និងការទន្ទ្រានយកដីក្នុងតំបន់ព្រៃឡង់ ក្រោយពួកគេបានប្រទះឃើញកំណាត់ឈើជាច្រើនតំបន់ក្នុងព្រៃឡង់ អំឡុងពេលធ្វើយុទ្ធនាការជិះកង់រយៈពេលជិត១០ថ្ងៃនេះ ។
ក្រសួងបរិស្ថាន សង្គមស៊ីវិល និងអាជ្ញាធរពាក់ព័ន្ធ បន្តធ្វើយុទ្ធនាការ «អន្ទាក់សូន្យ» នៅខេត្តព្រះវិហារ នៅថ្ងៃចន្ទនេះ ដើម្បីលុបបំបាត់ការដាក់អន្ទាក់សត្វព្រៃគ្រប់ប្រភេទ នៅក្នុងតំបន់ការពារធម្មជាតិ។
ក្រុមអង្គការសង្គមស៊ីវិល ជំរុញរដ្ឋាភិបាលអនុវត្តគោលនយោបាយដែលមានស្រាប់ឱ្យបានពេញលេញ ដើម្បីលើកកម្ពស់ការចូលរួមរបស់ប្រជាពលរដ្ឋប្រកបដោយបរិយាបន្ន ក្នុងកិច្ចការពារបរិស្ថាន ធនធានធម្មជាតិ និងបញ្ហាបម្រែបម្រួលអាកាសធាតុ។
មន្ត្រីរដ្ឋាភិបាល និងសង្គមស៊ីវិល អំពាវនាវដល់ប្រជាពលរដ្ឋ ជាពិសេសសហគមន៍មូលដ្ឋាន ចូលរួមឱ្យកាន់តែសកម្មបន្ថែមទៀត ដើម្បីបញ្ឈប់ការដាក់អន្ទាក់គ្រប់ប្រភេទនៅក្នុងតំបន់ការពារធម្មជាតិ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
