កម្មករ-កម្មការិនីចំនួន ៣នាក់ បម្រើការងារនៅរោងចក្រ ស៊ិនឡន អ៊ិនធើណេសិនណល (ខេមបូឌា) ឯ.ក (CINLON INTERNATIONAL (CAMBODIA) CO.,LTD ស្ថិតតាមបណ្ដោយផ្លូវលេខជាតិ៤១ ក្នុងភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ បានស្នើទៅក្រសួងការងារជួយអន្តរាគមន៍ឱ្យពួកគាត់បានចូលធ្វើការងារវិញ ក្រោយថៅកែបញ្ឈប់ពីការងារដោយសារនាំគ្នាបង្កើតសហជីពក្នុងរោងចក្រ។
ក្រុមគ្រួសារ និងសាច់ញាតិកម្មករនៅខេត្តកំពង់ស្ពឺ ដែលជួបហេតុការណ៍គ្រោះថ្នាក់ចរាចរណ៍កាលពីឆ្នាំមុន បានតវ៉ាទាមទាររកយុត្តិធម៌ជូនកម្មករដែលស្លាប់និងរបួស ក្រោយហេតុការណ៍នេះបានកើតឡើងរយៈពេល១ឆ្នាំហើយ ប៉ុន្តែជនបង្កមិនត្រូវបានតុលាការចាប់មកទទួលខុសត្រូវ និងផ្ដល់សំណងដល់ជនរងគ្រោះតាមផ្លូវច្បាប់។
ផ្ដើមចេញពីទឹកចិត្តស្រឡាញ់ធនធានធម្មជាតិ បានជំរុញឱ្យប្រជាសហគមន៍មួយរូប វ័យ៧១ឆ្នាំ លោក សយ សាត បានលះបង់សេចក្ដីសុខផ្ទាល់ខ្លួន និងពេលវេលាប្រចាំថ្ងៃ ដើម្បីការពារ «ព្រៃសហគមន៍មេត្តាធម្មជាតិ» ឬ «ព្រៃឧត្ដមស្រែពស់» ស្ថិតនៅស្រុកឱរ៉ាល់ ខេត្តកំពង់ស្ពឺ ទោះបីជាធ្លាប់រងអំពើហិង្សាជាច្រើនដង និងកំពុងជាប់បណ្ដឹងចំនួន២នៅតុលាការ ដោយសារការរារាំងមិនឱ្យកាប់បំផ្លាញព្រៃសហគមន៍។
ម្តាយបុរសគថ្លង់មួយរូបដែលអះអាងថា ត្រូវបានសមត្ថកិច្ចធ្វើទារុណកម្មក្នុងអំឡុងពេលសួរចម្លើយនៅប៉ុស្តិ៍នគរបាលរដ្ឋបាលត្រែងត្រយឹងកាលពីខែមុន នឹងទៅកាន់ស្នងការដ្ឋាននគរបាលខេត្តកំពង់ស្ពឺ ដើម្បីសម្របសម្រួលទាក់ទងនឹងបណ្តឹងដែលខ្លួនបានដាក់។
ប្រជាសហគមន៍ឧត្តមស្រែពស់ ឬព្រៃមេត្តាធម្មជាតិ ដែលរស់នៅភូមិពោធិ៍មាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានបង្ហាញពីការអស់ជំនឿចិត្តចំពោះមន្រ្តីអាជ្ញាធរខេត្តនេះ ក្នុងការទប់ស្កាត់បទល្មើសការកាប់បំផ្លាញព្រៃសហគមន៍ ខណៈគាត់លើកឡើងថា ជនល្មើសនៅតែបន្តលួចចូលកាប់ព្រៃសហគមន៍ និងបានបំផ្លាញព្រះពុទ្ធរូបថែមទៀតផង។
អាជ្ញាធរខេត្តកំពង់ស្ពឺ បានអំពាវនាវឱ្យប្រជាពលរដ្ឋប្រុងប្រយ័ត្ន ដោយសារបច្ចុប្បន្នទឹកស្ទឹងព្រែកត្នោតបានហក់ឡើងខ្លាំង ដែលអាចបង្កឱ្យមានការលិចលង់តំបន់ខ្លះជាយថាហេតុ។
ប្រជាសហគមន៍ព្រៃមេត្តាធម្មជាតិបានអះអាងថា មានក្រុមជនល្មើសបន្តកាប់បំផ្លាញព្រៃឈើជុំវិញសាលាបុណ្យក្នុងព្រៃមួយនេះ ជាហេតុបណ្ដាលឱ្យព្រះពុទ្ធបដិមាចំនួន ៣អង្គ ត្រូវបានបែកបាក់ទាំងស្រុងដោយសារដើមឈើរលំលើ។
អភិបាលខេត្តកំពង់ស្ពឺ បានផ្ដល់ដីជិត១ ០០០ហិកតាដល់សហគមន៍ឧត្ដមស្រែពស់ តែពលរដ្ឋនៅមិនទាន់អាចទទួលយកបានឡើយ ដោយថា ដីនោះភាគច្រើនប៉ះពាល់ដីអាស្រ័យផលស្រាប់របស់អ្នកភូមិ។
ក្រុមអង្គការសង្គមស៊ីវិល បាននាំគ្នាយកកូនឈើទៅដាំសហគមន៍ឧត្តមស្រែពស់ និងព្រៃមេត្តាធម្មជាតិ ស្ថិតនៅឃុំត្រពាំងជោរ ស្រុកឱរ៉ាល់កំពង់ស្ពឺ ក្រោយទាហានរថក្រោះកងទ័ពជើងគោកដាក់គ្រឿងចក្រឈូសឆាយអស់ស្ទើរទាំងស្រុង។
អភិបាលខេត្តកំពង់ស្ពឺ អះអាងថា អាជ្ញាធរកំពុងស្នើទៅក្រសួងបរិស្ថាន សុំផែនទីពាក់ព័ន្ធព្រៃសហគមន៍ឧត្តមស្រែពស់ ដើម្បីយកទៅដោះស្រាយបញ្ចប់វិវាទដីព្រៃសហគមន៍មួយនេះ ខណៈព្រៃឈើនៅតំបន់នោះនៅតែរងការកាប់បំផ្លាញ និងឈូសឆាយឥតឈប់ឈរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
