អនុប្រធានគណបក្សភ្លើងទៀនប្រចាំខេត្តប៉ៃលិន បញ្ជាក់ថា ការប្ដឹងប្រឆាំងអំពីសារនយោបាយក្នុងពេលឃោសនារកសំឡេងឆ្នោតពីសំណាក់គណបក្សប្រជាជនកម្ពុជា គឺជាផ្នែកមួយមានចេតនារើសអើង និងជារូបភាពធ្វើទុក្ខបុកម្នេញខាងនយោបាយ បើទោះជាសារនយោបាយរបស់ខ្លួនបានអនុលោមតាមគោលការណ៍និងនីតិវិធីដែលមានកំណត់ដោយច្បាប់ស្ដីពីការបោះឆ្នោតយ៉ាងណាក្ដី។
ផែនការកោះហៅមន្ត្រីការិយាល័យបោះឆ្នោត ទៅទទួលការបណ្ដុះបណ្ដាលពីសំណាក់បក្សកាន់អំណាចនេះ នាំឱ្យមានការរិះគន់ពីគណបក្សនយោបាយមួយចំនួន ដោយពួកគេចាត់ទុកថា ប្រសិនបើលិខិតអញ្ជើញដែលចេញដោយមន្ទីរគណៈកម្មាធិការនៃគណបក្សកាន់អំណាចដោយពិតប្រាកដមែន វានឹងឆ្លុះបញ្ចាំងអំពីលទ្ធផលឆ្នោតខាងមុខនេះ គ្មានសេរី ត្រឹមត្រូវ និងយុត្តិធម៌ទេ ខណៈយុទ្ធសាស្រ្តនេះកើតឡើងនៅចំពេលដែលគណបក្សនយោបាយទើបតែចាប់ផ្តើមបើកយុទ្ធនាការនៃការឃោសនាស្វែងរកសំឡេងឆ្នោត។
តុលាការខេត្តប៉ៃលិន បានចេញដីកាកោះហៅប្រធានក្រុមការងារគណបក្សភ្លើងទៀន ១រូប ប្រចាំខេត្តនេះ ជាលើកទី៣ ដើម្បីចូលឆ្លើយបំភ្លឺពាក់ព័ន្ធសំណុំរឿង «ញុះញង់» ប៉ុន្តែមន្ត្រីបក្សក្រៅរដ្ឋាភិបាលមួយនេះបន្តចាត់ទុកការកោះហៅនោះ ថាជារឿងនយោបាយច្រើនជាងការអនុវត្តច្បាប់។
គណបក្សភ្លើងទៀន គ្រោងហែក្បួនឃោសនាបោះឆ្នោតក្នុងទ្រង់ទ្រាយធំនៅរាជធានីភ្នំពេញ នៅថ្ងៃសៅរ៍ ទី២១ ខែឧសភា ដែលជាថ្ងៃដំបូងនៃការបើកយុទ្ធនាការឃោសនាបោះឆ្នោតក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២នេះ។
គណបក្សនយោបាយមួយចំនួននៅកម្ពុជា បានត្រៀមខ្លួនបើកយុទ្ធនាការឃោសនាបោះឆ្នោតឃុំសង្កាត់អាណត្តិទី៥ ដែលនឹងចាប់ផ្ដើមនៅថ្ងៃសៅរ៍ចុងសប្ដាហ៍នេះ ខណៈគណបក្សនយោបាយមួយចំនួនទៀតនឹងបើកធ្វើនៅថ្ងៃបន្តបន្ទាប់នៅតាមមូលដ្ឋានរៀងៗខ្លួន។
តុលាការខេត្តកោះកុងព្រមានបេក្ខភាពចៅសង្កាត់បក្សភ្លើងទៀនម្នាក់ ដោយថា ប្រសិនបើនៅតែរឹងទទឹងមិនចូលខ្លួនឆ្លើយបំភ្លឺតបតាមដីកាកោះហៅជាលើកទី២នេះទេ តុលាការនឹងប្រើកម្លាំងសាធារណៈ ដើម្បីបង្ខំសាម៉ីខ្លួនឱ្យចូលមកបង្ហាញខ្លួននៅចំពោះមុខតុលាការតែម្តង។
បេក្ខភាពចៅសង្កាត់គណបក្សភ្លើងទៀនខេត្តកោះកុងមួយរូប បានដាក់លិខិតទៅតុលាការដើម្បីស្នើសុំពន្យារពេលចូលរួមសវនាការ ជុំវិញបណ្ដឹងរបស់តំណាងគណបក្សប្រជាជនកម្ពុជា ដោយថា ពេលវេលាខ្លីពេក និងមិនទាន់មានមេធាវីការពារក្ដីនោះទេ។
អ្នកនយោបាយនៅគណបក្សក្រៅរដ្ឋាភិបាល និងសហជីពដែលមានជំហរកណ្ដាល បង្ហាញជំហរគាំទ្រចំពោះសេចក្ដីសម្រេចចិត្តរបស់សភាអឺរ៉ុបនៅក្នុងជំហានបន្ទាប់ទៀតនេះ ដែលព្រមានពីការផ្ដាច់ប្រព័ន្ធអនុគ្រោះពន្ធ ប្រសិនបើរកឃើញថា ដំណើរការបោះឆ្នោតនាពេលខាងមុខ ប្រព្រឹត្តទៅដោយគ្មានភាពសេរី ត្រឹមត្រូវ និងយុត្តិធម៌។
គណបក្សភ្លើងទៀន ចោទប្រកាន់អាជ្ញាធរសង្កាត់ទួលសង្កែទី១ ថាបានកាប់បំផ្លាញ និងផ្ដួលរំលំផ្លាកគណបក្សក្រៅរដ្ឋាភិបាលមួយនេះ ខណៈអាជ្ញាធរបានចេញគោលការណ៍បិទផ្លូវមិនឱ្យគណបក្សភ្លើងទៀនបន្តលើកផ្លាកនៅតាមទីតាំងសាធារណៈ បើទោះជាគណបក្សបានជូនដំណឹងរួចហើយក្ដី។
តុលាការខេត្តប៉ៃលិន បានចេញដីកាកោះហៅប្រធានក្រុមការងារគណបក្សភ្លើងទៀនប្រចាំខេត្តនេះម្នាក់ជាលើកទី២ ដើម្បីចូលឆ្លើយបំភ្លឺពាក់ព័ន្ធសំណុំរឿង «ញុះញង់» ប៉ុន្តែមន្ត្រីបក្សក្រៅរដ្ឋាភិបាលមួយនេះហៅការកោះហៅនោះជារឿងនយោបាយច្រើនជាងការអនុវត្តច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
