តុលាការបានចេញដីកាបញ្ជាឱ្យជនបង្កគ្រោះថ្នាក់ចរាចរណ៍ចូលបំភ្លឺ ពាក់ព័ន្ធនឹងរឿងបើកបរធ្វេសប្រហែសបណ្ដាលឱ្យរបួស និងមានទារកអាយុ២ខែម្នាក់ស្លាប់ លើស្ពានជ្រោយចង្វារ កាលពីខែធ្នូ ឆ្នាំមុន ប៉ុន្តែជនបង្កមិនបានចូលបំភ្លឺនៅចំពោះមុខតំណាងអយ្យការនោះទេ រហូតមកទល់ពេលនេះ។
ជនរងគ្រោះថ្នាក់ចរាចរណ៍ ដែលបណ្ដាលឱ្យរបួស និងមានកូនអាយុ២ខែម្នាក់ស្លាប់ ក្នុងករណីគ្រោះថ្នាក់ចរាចរណ៍នៅលើស្ពានជ្រោយចង្វា កាលពីខែធ្នូ ឆ្នាំមុន នៅមិនទាន់ពេញចិត្តចំពោះការសម្រេចរបស់តុលាការ ដែលចោទប្រកាន់ជនបង្កត្រឹមតែបទ «បើកបរបណ្ដាលឱ្យអ្នកដទៃស្លាប់ និងរបួសដោយអចេតនា» នោះឡើយ ដោយថា វាមិនសមដែលជនបង្កផឹកស្រាស្រវឹង និងបើកបរធ្វេសប្រហែស បង្កគ្រោះថ្នាក់ដល់អ្នកដទៃ ហើយបានរត់គេចពីកន្លែងកើតហេតុថែមទៀតផង។
មន្ត្រីនគរបាលចរាចរណ៍ខេត្តកំពង់ស្ពឺ ចំនួន១០រូប ត្រូវបានដកបញ្ឈរជើងបណ្ដោះអាសន្ន បន្ទាប់ពីមន្ត្រីម្នាក់ក្នុងចំណោមមន្ត្រីទាំងនេះបានផាកពិន័យអ្នកបើកបរដោយមិនចេញវិក្កយបត្រ និងបានឱ្យអ្នកបើកបរផ្ទេរប្រាក់ចូលក្នុងគណនីធនាគារផ្ទាល់ខ្លួន។
ស្នងការដ្ឋាននគរបាលខេត្តកណ្ដាល បានច្រានចោលចំពោះការផ្សាយ ដែលថា មន្ត្រីនគរបាលចរាចរណ៍ខេត្តកណ្ដាល ទទួលសំណូកពីម្ចាស់រថយន្តឈ្នួលដែលដឹកលើសចំណុះ ជាថ្នូរនឹងការមិនចាត់វិធានការតាមច្បាប់ចរាចរណ៍ និងថាមិនមានការគំរាមកំហែងណាមួយទៅលើអ្នកសារព័ត៌មានពលរដ្ឋ ឱ្យលុបរូបថត និងវីដេអូនោះទេ។
ចាប់តាំងពីដើមខែធ្នូ ឆ្នាំ២០២២ រហូតដល់ពេលនេះ សមត្ថកិច្ចថានៅមិនទាន់រកឃើញជនបង្កគ្រោះថ្នាក់ចរាចរណ៍ដែលបណ្ដាលឱ្យទារិកាអាយុ២ខែម្នាក់ស្លាប់ ទោះបីជាតុលាការបានចេញដីកាបង្គាប់ឱ្យចាប់ខ្លួនក្ដី។
ស្រ្តីជាជនរងគ្រោះ និងជាម្តាយទារក ក្នុងករណីគ្រោះថ្នាក់ចរាចរណ៍ ស្នើតុលាការពន្លឿននីតិវិធីក្នុងការស្វែងរកយុត្តិធម៌ និងចាត់វិធានការទៅលើជនបង្ក ក្រោយកូនរបស់ខ្លួនបានទទួលមរណភាព។
ស្ត្រីដែលអះអាងថាជាម្តាយរបស់ទារករងគ្រោះថ្នាក់ចរាចរណ៍កាលពីថ្ងៃទី៥ ខែធ្នូ បញ្ជាក់ថា កូនរបស់គាត់នៅមានដង្ហើមនៅឡើយ ខណៈបដិសេធទទួលយក «សំណង ២ ៥០០ដុល្លារ បញ្ចប់រឿង»។
ប្រធានក្រុមមេធាវីស្ម័គ្រចិត្តរបស់លោកនាយករដ្ឋមន្ត្រី ហ៊ុន សែន អះអាងថា គ្រួសារជនរងគ្រោះពីករណីគ្រោះថ្នាក់ចរាចរណ៍កាលពីថ្ងៃទី៥ ខែធ្នូ បានបដិសេធលើការព្រមព្រៀងទទួលយក «សំណង ២ ៥០០ដុល្លារ ដើម្បីបញ្ចប់រឿង» នោះវិញហើយ ខណៈលោកចាត់ទុកថា ការព្រមព្រៀងទទួលយកសំណងដែលមានចរិតបង្ខិតបង្ខំ សម្លុត បំភ័យដល់ជនរងគ្រោះ ក្នុងស្ថានភាពកំពុងមានវិការ ពុំអាចចាត់ទុកជាការអនុវត្តត្រឹមត្រូវតាមច្បាប់ឡើយ។
ស្ត្រីដែលអះអាងថាជាជនរងគ្រោះក្នុងករណីគ្រោះថ្នាក់ចរាចរណ៍នៅលើស្ពានជ្រោយចង្វារអះអាងថា គាត់ពិតជាមិនបានផ្ដិតមេដៃទទួលយកសំណង២ ៥០០ដុល្លារដើម្បីបញ្ចប់រឿងដូចការចុះផ្សាយឡើយ ដោយថាមានគេកាន់ដៃគាត់ទៅផ្ដិតមេដៃលើលិខិតទទួលយកសំណង ទាំងកំពុងសន្លប់បាត់បង់ស្មារតី។
រដ្ឋមន្ត្រីក្រសួងមហាផ្ទៃ លោក ស ខេង ប្រកាសមិនគាំទ្រចំពោះអ្នកបើកបរដោយបង្កគ្រោះថ្នាក់ដល់អាយុជីវិតអ្នកដទៃជាដើម ហើយបែរជាប្រើលុយដោះស្រាយបញ្ចប់រឿងដើម្បីរួចខ្លួន ដោយលោកអះអាងថា កំពុងតាមដានព័ត៌មានជាក់លាក់នៃគ្រោះថ្នាក់ចរាចរណ៍ទៅលើពលរដ្ឋមួយគ្រួសារ ដើម្បីចាត់វិធានការឱ្យបានសមស្របផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
