ប្រព័ន្ធផ្សព្វផ្សាយរដ្ឋរបស់ប្រទេសចិន ហាក់មិនសូវមានការយកចិត្តទុកដាក់ពីភាពធ្ងន់ធ្ងរនៃការកើនឡើងនៃការឆ្លងមេរោគកូវីដ-១៩ នៅក្នុងប្រទេស ខណៈអង្គការសុខភាពពិភពលោក (WHO) បាននិងកំពុងស្វែងរកព័ត៌មានលម្អិតអំពីការវិវត្តនៃមេរោគនេះ។
សេតវិមាន បានឱ្យដឹងនៅថ្ងៃអង្គារម្សិលមិញថា ប្រធានាធិបតីអាមេរិក លោក ចូ បៃដិន នឹងជួបជាមួយនាយករដ្ឋមន្ត្រីជប៉ុនលោក ហ្វូមីអូ គីស៊ីដា (Fumio Kishida) នៅឯសេតវិមាន នៅថ្ងៃទី១៣ ខែមករា សប្ដាហ៍ក្រោយនេះ ដើម្បីពិភាក្សាលើប្រធានបទមួយចំនួនដែលទាក់ទងនឹងប្រទេសកូរ៉េខាងជើង អ៊ុយក្រែន ភាពតានតឹងរវាងចិនជាមួយតៃវ៉ាន់ និងឥណ្ឌូ-ប៉ាស៊ីហ្វិក ប្រកបដោយសេរីនិងបើកចំហ។
ប្រធានាធិបតីហ្វីលីពីន លោក ហ្វឺឌីណាន់ ម៉ាកូស ជេអ (Ferdinand Marcos Jr) នឹងធ្វើដំណើរទៅកាន់ទីក្រុងប៉េកាំង សម្រាប់ដំណើរទស្សនកិច្ចរយៈពេល៣ថ្ងៃ ចាប់ពីថ្ងៃទី៣ ដល់ថ្ងៃទី៥ ខែមករា ឆ្នាំ២០២៣ ដោយក្នុងនោះ លោកក៏ត្រូវបានរំពឹងថានឹងជួបពិភាក្សាអំពីសកម្មភាពរបស់ទីក្រុងប៉េកាំងនៅក្នុងជម្លោះសមុទ្រចិនខាងត្បូង ក្នុងចំណោមប្រធានបទផ្សេងៗទៀតផងដែរ។
លោកនាយករដ្ឋមន្ត្រី ហ៊ុន សែន ប្រកាសស្វាគមន៍អ្នកទេសចរបរទេស ជាពិសេសជនជាតិចិន ត្រលប់មកកាន់ប្រទេសកម្ពុជាជាថ្មីទៀតនៅឆ្នាំនេះ ដោយលោករំពឹងថា កម្ពុជានឹងទទួលបានអ្នកទេសចរចិន២លាននាក់ឡើងវិញ ក្រោយពេលចិនបើកឱ្យពលរដ្ឋចេញក្រៅប្រទេស។
មេដឹកនាំកម្ពុជា បញ្ជាឱ្យស្ថាប័នពាក់ព័ន្ធរៀបចំយន្តការចាក់វ៉ាក់សាំងដល់ពលរដ្ឋ ដើម្បីទប់ស្កាត់ការឆ្លងជំងឺសកលកូវីដ-១៩ ខណៈធ្លាប់អះអាងថា ពលរដ្ឋជិត៤លាន់នាក់នៅមិនទាន់មកទទួលដូសទី៣នៅឡើយ ដែលការណ៍នេះ លោកបង្ហាញពីហានិភ័យសុខភាពសាធារណៈចៃដន្យណាមួយអាចនឹងកើតឡើង។ ការប្រកាសរបស់លោក ហ៊ុន សែន នេះ ក្នុងពេលដែលមានការបារម្ភថា ជំងឺកូវីដ-១៩ អាចផ្ទុះឡើងវិញជាថ្មី និងខណៈដែលអ្នកឆ្លងជំងឺកូវីដ-១៩ កំពុងកើនឡើងជាថ្មីនៅក្នុងប្រទេសចិន។
យោធាអាមេរិកបាននិយាយកាលពីថ្ងៃព្រហស្បតិ៍ថា យន្តហោះចម្បាំងចិនមួយគ្រឿងហោះចូលកៀកនឹងយន្តហោះចម្បាំងអាមេរិកចម្ងាយប្រហែលជា៣ម៉ែត្រពីគ្នា នៅក្នុងដែនអាកាសនៃសមុទ្រចិនខាងត្បូងដែលកំពុងមានជម្លោះ កាលពីសប្តាហ៍មុន ហើយយន្តហោះចម្បាំងអាមេរិកត្រូវបង្ខំចិត្តគេចចេញ ដើម្បីចៀសវាងការប៉ះទង្គិចគ្នានៅក្នុងដែនអាកាសអន្តរជាតិ។
បណ្ដាប្រទេសមួយចំនួនក្នុងនោះរួមមាន សហរដ្ឋអាមេរិក អ៊ីតាលី ជប៉ុន ឥណ្ឌា កូរ៉េខាងត្បូង និងតៃវ៉ាន់ ជាដើម តម្រូវឱ្យអ្នកដំណើរមកពីប្រទេសចិនធ្វើតេស្តរកជំងឺកូវីដ-១៩។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Shine នៅថ្ងៃទី២៨ ខែធ្នូ ឆ្នាំ២០២២។
ប្រធានាធិបតីតៃវ៉ាន់ លោកស្រី សៃ អ៊ីងវេន (Tsai Ing-wen) បាននិយាយនៅថ្ងៃអង្គារនេះថា កោះតៃវ៉ាន់នឹងបង្កើនរយៈពេលនៃកាតព្វកិច្ចយោធាចាប់ពី៤ខែ ដល់១ឆ្នាំ ចាប់ពីឆ្នាំ២០២៤ ដោយសារមានការគំរាមកំហែងកាន់តែខ្លាំងឡើងពីប្រទេសចិន។
ក្រសួងការពារជាតិតៃវ៉ាន់ ប្រកាសឱ្យដឹងនៅថ្ងៃទី២៦ ខែធ្នូនេះថា ទីក្រុងប៉េកាំងកំពុងបន្តសកម្មភាពយោធារបស់ខ្លួននៅជិតដែនកោះមួយនេះ ក្រោយពីយន្តហោះចំនួន៤៣គ្រឿងរបស់កងទ័ពអាកាសចិន បានហោះឆ្លងកាត់ខ្សែបន្ទាត់ [មធ្យម] នៃច្រកសមុទ្រតៃវ៉ាន់ កាលពីម្សិលមិញ។
ប្រទេសហ្វីលីពីន បានបញ្ជាឱ្យយោធារបស់ខ្លួនពង្រឹងវត្តមាននៅក្នុងសមុទ្រចិនខាងត្បូង កាលពីថ្ងៃព្រហស្បតិ៍ម្សិលមិញ ដោយលើកឡើងពី «ការគំរាមកំហែង» ដល់តំបន់នេះ បន្ទាប់ពីចិនបង្កើនសកម្មភាពយោធារបស់ខ្លួន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
