មន្ត្រីជាន់ខ្ពស់នៃស្នងការដ្ឋាននគរបាលខេត្តបន្ទាយមានជ័យ បញ្ជាក់ថា សមត្ថកិច្ចបានបញ្ជូនខ្លួនអ្នកសារព័ត៌មានម្នាក់ទៅតុលាការខេត្តកំពង់ធំរួចរាល់ហើយកាលពីម្សិលមិញ ក្រោយចាប់ខ្លួនបុគ្គលរូបនោះតាមដីការបស់តុលាការ ជុំវិញការចោទប្រកាន់ពីបទ «កំហែងយក»។
ចៅក្រមសាលាឧទ្ធរណ៍ខេត្តបាត់ដំបង សម្រេចតម្កល់សាលក្រមរបស់សាលាដំបូងខេត្តបាត់ដំបង ដែលផ្ដន្ទាទោសអ្នកសារព័ត៌មានម្នាក់ឈ្មោះ កៅ ពិសិដ្ឋ ឱ្យជាប់ពន្ធនាគារ២ឆ្នាំ ទុកជាបានការ ខណៈអ្នកសារព័ត៌មានរូបនោះបានសរសេរអត្ថបទរិះគន់រឿងវ៉ាក់សាំងកូវីដ-១៩។
អ្នកជំនាញប្រព័ន្ធផ្សព្វផ្សាយបានលើកឡើងថា ការរឹតត្បិតសេរីភាពសារព័ត៌មាន តាមរយៈអាជ្ញាធរបានបណ្ដេញអ្នកសារព័ត៌មាន និងបង្ខំឱ្យពួកគេលុបរូបភាពឬវីដេអូដែលថតបាន នៅពេលអ្នកទាំងនោះចុះរាយការណ៍ផ្ទាល់នៅទីតាំងសាធារណៈ គឺជាការរំលោភបំពានធ្ងន់ធ្ងរទៅលើសេរីភាពអ្នកសារព័ត៌មាន។
ចៅក្រមសាលាដំបូងរាជធានីភ្នំពេញ បានព្រមានជាលើកដំបូងទៅលើអ្នកសារព័ត៌មានដោយដាក់ឈ្មោះក្នុងបញ្ជីខ្មៅ ប្រសិនបើរកឃើញអ្នកសារព័ត៌មាននោះលួចថតសំឡេងចេញពីបន្ទប់សវនាការ ក្នុងពេលតុលាការកំពុងបន្តនីតិវិធីជំនុំជម្រះ ទោះជារឿងក្ដីនោះជាប្រភេទរឿងក្ដីព្រហ្មទណ្ឌ ឬជាសំណុំរឿងរដ្ឋប្បវេណី។
ក្រុមអង្គការសង្គមស៊ីវិលចំនួន៣៣ស្ថាប័នដែលធ្វើការផ្នែកប្រព័ន្ធផ្សព្វផ្សាយនិងសិទ្ធិមនុស្ស បានដាក់លិខិតស្នើសុំការអន្តរាគមន៍ពីលោកនាយករដ្ឋមន្ត្រី ហ៊ុន សែន ដើម្បីពន្លឿនបញ្ចប់ដំណើរការនៃការតាក់តែងសេចក្តីព្រាងច្បាប់ស្តីពី “សិទ្ធិទទួលព័ត៌មាន” ដោយស្នើដាក់បញ្ចូលនូវធាតុចូលពីក្រុមអង្គការសង្គមស៊ីវិល និងដាក់ជូនទៅកាន់រដ្ឋសភាដើម្បីពិភាក្សានិងអនុម័ត។
អ្នកសារព័ត៌មានត្រូវបានគេឱ្យតម្លៃថា ជាកញ្ចក់ឆ្លុះបញ្ចាំងសង្គម និងបានរួមចំណែកកែទម្រង់ស្ថាប័នរដ្ឋ ដើម្បីជំរុញដំណើរការលទ្ធិប្រជាធិបតេយ្យ តបតាមរដ្ឋធម្មនុញ្ញ។
អង្គការអ្នកកាសែតគ្មានព្រំដែន (Reporters Without Borders) បានចាត់ចំណាត់ថ្នាក់សេរីភាពសារព័ត៌មានកម្ពុជាឆ្នាំ២០២២ នៅតែអាក្រក់ដដែល ពោលគឺស្ថិតនៅលេខរៀងទី១៤២ លើ១៨០ប្រទេសនៅលើពិភពលោក។
អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក អះអាងថា រដ្ឋាភិបាលមិនបានច្រានចោលនូវរាល់របាយការណ៍ដែលរកឃើញពីការធ្លាក់ចុះនូវសេរីភាពសារព័ត៌មាន ឬសេរីភាពបញ្ចេញមតិនៅកម្ពុជាឡើយ ប៉ុន្តែរដ្ឋាភិបាលនឹងពិនិត្យមើលរបាយការណ៍ទាំងនោះ ដើម្បីកែលម្អឱ្យកាន់តែប្រសើរថែមទៀត។
ប្រមុខរដ្ឋាភិបាលបង្ហាញការប្ដេជ្ញាចិត្តក្នុងការគាំពារសិទ្ធិសេរីភាពនៃការបញ្ចេញមតិ និងសេរីភាពខាងសារព័ត៌មាន នៅក្នុងក្របខណ្ឌប្រទេសប្រជាធិបតេយ្យ សេរីពហុបក្ស ខណៈរដ្ឋាភិបាលបានផ្ដល់អាទិភាពជាចម្បងដល់វិស័យសារព័ត៌មានឱ្យចូលរួមចំណែកក្នុងការលើកស្ទួយប្រជាធិបតេយ្យ ប្រយុទ្ធប្រឆាំងអំពើពុករលួយ និងកែទម្រង់ប្រព័ន្ធយុត្តិធម៌ រួមនឹងវិស័យមួយចំនួនទៀត។
សង្គមស៊ីវិលជាង២០ ដែលធ្វើការលើផ្នែកលើកកម្ពស់សិទ្ធិទទួលព័ត៌មាន ទាមទារឱ្យរដ្ឋាភិបាលចាត់វិធានការឱ្យមានប្រសិទ្ធភាព ដើម្បីបញ្ចប់និទណ្ឌភាពចំពោះរាល់បទឧក្រិដ្ឋទាំងឡាយប្រឆាំងនឹងអ្នកសារព័ត៌មាន ដោយផ្ដន្ទាទោសជនដៃដល់និងជនពាក់ព័ន្ធដែលប្រព្រឹត្តបទឧក្រិដ្ឋលើអ្នកសារព័ត៌មានទៅតាមច្បាប់ ដើម្បីផ្ដល់យុត្តិធម៌ដល់ជនរងគ្រោះ ព្រមទាំងដើម្បីឱ្យពួកគេអាចបន្តចូលរួមសកម្មភាពផ្ដល់ព័ត៌មានជូនពលរដ្ឋបន្តទៀត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
