ដីចម្ការប្រមាណ ៥០ហិកតា នៅក្បែរជើងភ្នំកំចាយ ស្ថិតនៅចំណុចភូមិត្រពាំងកក់ ស្រុកទឹកឈូ ខេត្តកំពត ត្រូវបានក្រុមឈ្មួញទិញពីអ្នកភូមិនៅតំបន់នោះ ប៉ុន្តែពលរដ្ឋដែលបានលក់ដី អះអាងថា មិនបានទទួលលុយគ្រប់ចំនួន ដោយអូសបន្លាយរយៈពេលជាង១០ឆ្នាំមកហើយ។
ប្រជាពលរដ្ឋមកពីសហគមន៍ចំនួន១០ នៅខេត្តកោះកុង ស្នើដល់អាជ្ញាធរខេត្ត និងមន្រ្តីពាក់ព័ន្ធ ពន្លឿនការដោះស្រាយបញ្ហាជម្លោះដីធ្លី បញ្ឈប់ការរើសអើងលើអ្នកមានបញ្ហាដីធ្លី និងលើកលែងការចោទប្រកាន់លើពលរដ្ឋចំនួន ៣២នាក់ដែលសកម្មក្នុងការតវ៉ារឿងដីធ្លី។
ជនជាតិដើមភាគតិចពូនង ចំនួន៩គ្រួសារ នៅភូមិពូរ៉ាង ឃុំសែនមនោរម្យ ស្រុកអូររាំង ខេត្តមណ្ឌលគិរី ចោទអភិបាលស្រុក លោក សៀក មុន្នី និងឧកញ៉ា ស្រី ចន្ធូ ថាគប់គិតគ្នាក្លែងឯកសាររំលោភយកដីជិត៣៦ហិកតារបស់ពួកគាត់ ប៉ុន្តែការចោទប្រកាន់នេះត្រូវបានអភិបាលស្រុកច្រានចោល។
ប្រជាសហគមន៍បានឱ្យដឹងថា ទាហាននៃបញ្ជាការដ្ឋានរថក្រោះកងទ័ពជើងគោក ចាប់ផ្ដើមធ្វើសកម្មភាពឈូសឆាយរំលោភបំពានដីសហគមន៍ «ឧត្ដមស្រែពស់ និងព្រៃមេត្តាធម្មជាតិ» ស្ថិតនៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ជាថ្មីទៀត ខណៈអាជ្ញាធរបានកាត់ឆ្វៀលដីនោះឱ្យទៅប្រជាសហគមន៍រួចទៅហើយ។
ជនជាតិដើមភាគតិចពូនង៧នាក់ តំណាងឱ្យពលរដ្ឋជាង១៣០គ្រួសារ នៅឃុំសែនមនោរម្យ ស្រុកអូររាំង ខេត្តមណ្ឌលគិរី នៅថ្ងៃទី២៨ ខែវិច្ឆិកា បានដាក់ញត្តិតាមស្ថាប័នរដ្ឋថ្នាក់ជាតិមួយចំនួន ដើម្បីសុំអន្តរាគមន៍ជួយដោះស្រាយជម្លោះដីធ្លី ២៥៥ហិកតា ជាមួយឧកញ៉ា។
អង្គការសង្គមស៊ីវិល និងតំណាងសហគមន៍មកពីបណ្តារាជធានី-ខេត្តមួយចំនួន លើកឡើងថា ពលរដ្ឋនៅតែជួបបញ្ហាប៉ះពាល់ដីធ្លី ផ្ទះសម្បែង និងមិនទាន់ទទួលបានសំណងសមរម្យ ដោយសាររដ្ឋាភិបាលធ្វើការអភិវឌ្ឍមិនបានសិក្សាពីផលប៉ះពាល់ជាមុន ហើយអាជ្ញាធរនៅតែបន្តឃ្លាំមើល និងគំរាមកំហែងអ្នកមានជម្លោះដីធ្លី។
ប្រជាពលរដ្ឋជាង១៣០នាក់ នៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប បានទាមទារឱ្យអាជ្ញាធរឃុំ ផ្តល់តំណែងឱ្យលោក ពេញ ព្រូន ធ្វើជាប្រធានភូមិឡើងវិញ ដោយអះអាងថា ការដកតំណែងអតីតប្រធានភូមិរូបនេះ ជារឿងអយុត្តិធម៌ ខណៈរូបគាត់តែងតែការពារផលប្រយោជន៍ និងជួយដោះស្រាយបញ្ហារបស់ពលរដ្ឋ ជាពិសេសបញ្ហាដីធ្លី។
ប្រជាពលរដ្ឋប្រមាណ៣០០នាក់ដែលឡើងមកពីខេត្តចំនួន៣ ដោយជំរុញឱ្យក្រសួង៣ និងខុទ្ទកាល័យលោកនាយករដ្ឋមន្ត្រី ហ៊ុន សែន ពន្លឿនការដោះស្រាយវិវាទដីធ្លីជូនពួកគេ ក្រោយជម្លោះនេះបានអូសបន្លាយជាង១០ឆ្នាំហើយ។
ប្រជាសហគមន៍ប្រមាណ៣០០នាក់ មកពីខេត្តចំនួន៣ បានប្រមូលផ្ដុំគ្នាដាក់ញត្តិនៅខុទ្ទកាល័យនាយករដ្ឋមន្ត្រី និងក្រសួងពាក់ព័ន្ធមួយចំនួនទៀត នៅរាជធានីភ្នំពេញ នាថ្ងៃព្រហស្បតិ៍នេះ ដើម្បីទាមទារឱ្យក្រសួងស្ថាប័នទាំងនោះពន្លឿនការដោះស្រាយបញ្ហាដីធ្លីជូនពួកគាត់។
ប្រជាពលរដ្ឋ និងអាជីវករប្រមាណ២០គ្រួសារដែលរស់នៅនិងលក់ដូរជុំវិញជើងភ្នំសំពៅ ស្នើសុំឱ្យអាជ្ញាធរពាក់ព័ន្ធជួយដោះស្រាយសំណងទៅតាមតម្លៃទីផ្សារឱ្យបានសមរម្យ ជាថ្នូរនឹងការរុះរើទៅតាំងទីលំនៅថ្មី ខណៈដែលអាជ្ញាធរអះអាងថា វិធានការរបស់ខ្លួន គឺដើម្បីយកទីតាំងនេះរៀបចំសណ្ដាប់ធ្នាប់ឡើងវិញ សម្រាប់បម្រើឱ្យវិស័យទេសចរណ៍។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
