ការចោទប្រកាន់គ្នាពីសំណាក់អ្នកនយោបាយកំពូលៗពីការលួចសន្លឹកឆ្នោត បានកើតឡើងជាថ្មីទៀតនៅអាណត្តិថ្មីនេះ ក្រោយពីការបោះឆ្នោតជ្រើសរើសក្រុមប្រឹក្សាឃុំ-សង្កាត់បានបិទបញ្ចប់ទៅកាលពីថ្ងៃទី៥ ខែមិថុនា ឆ្នាំ២០២២នេះ។
គណបក្សប្រជាជនកម្ពុជា ប្ដឹងអនុប្រធានគណបក្សភ្លើងទៀន ដែលចោទប្រកាន់គណបក្សកាន់អំណាចចាស់វស្សាមួយនេះថា បានគ្រប់គ្រងគណៈកម្មាធិការជាតិរៀបចំការបោះឆ្នោត (គ.ជ.ប) ទាំងស្រុង តាំងពីថ្នាក់លើដល់ថ្នាក់ក្រោម និងថាលទ្ធផលបោះឆ្នោតមិនបានឆ្លុះបញ្ចាំងឆន្ទៈរបស់ពលរដ្ឋនោះទេ ខណៈស្ថាប័នជាតិរៀបចំការបោះឆ្នោតក៏ព្រមានប្ដឹងក្នុងកម្មវត្ថុដូចគ្នានេះប្រឆាំងលោក សុន ឆ័យ ដែរ។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានឱ្យដឹងថា មុនបោះឆ្នោតមួយថ្ងៃ រហូតមកដល់ថ្ងៃចន្ទនេះ ស្ថាប័នជាតិមួយនេះ ទទួលបានជិត២០០បណ្ដឹងពីគណបក្សនយោបាយមួយចំនួន ពាក់ព័ន្ធនឹងភាពមិនប្រក្រតី ជុំវិញការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ អាណត្តិទី៥នេះ។
ប្រធានគណបក្សប្រជាជនកម្ពុជា បបួលក្រុមអ្នករិះគន់ស្បថស្បែក្រោមបណ្ដាសាផ្សេងៗ ដែលនៅតែចោទប្រកាន់ថា គណបក្សគ្រប់គ្រងអំណាចលួចសន្លឹកឆ្នោតសម្រាប់ការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់កន្លងទៅថ្មីៗនេះ ដើម្បីបញ្ជាក់ពីភាពក្លាហាន ហើយហ៊ានទទួលយកការពិតចំពោះការចោទប្រកាន់នេះ។
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថានឹងធ្វើការត្រួតពិនិត្យនិងផ្ទៀងផ្ទាត់លទ្ធផលនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ពីថ្ងៃទី១៣ ដល់១៤ ខែមិថុនា ឆ្នាំ២០២២។
គណៈកម្មាធិការជាតិរៀបចំការបោះឆ្នោត (គ.ជ.ប) បានឱ្យដឹងថា គិតចាប់ពីមុនបោះឆ្នោត១ថ្ងៃ រហូតដល់ថ្ងៃទី៩ ខែមិថុនានេះ ស្ថាប័នមួយនេះទទួលបានពាក្យបណ្តឹងសរុបទូទាំងប្រទេសចំនួន «៨៥បណ្ដឹង» ពីគណបក្សចំនួន៣ ពាក់ព័ន្ធនឹងភាពមិនប្រក្រតីនៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិនេះ។
ក្រុមអង្គការសង្គមស៊ីវិលមួយចំនួនបង្ហាញក្ដីបារម្ភពីការកើនឡើងនូវជម្លោះដីធ្លីដែលជាបញ្ហាចម្បងមិនអាចទប់ស្កាត់បាន បើទោះបីពេលនេះ កម្ពុជាមានថ្នាក់ដឹកនាំចម្រុះឡើងវិញនៅថ្នាក់មូលដ្ឋានក្ដី ដោយហេតុថា ការប្រែប្រួលនេះគ្មានឥទ្ធិពលចាប់បង្ខំដល់ការសម្រេចចិត្តរបស់គណបក្សកាន់អំណាចនោះទេ។
លោកឧបនាយករដ្ឋមន្ត្រី ស ខេង បានសម្រេចបែងចែកស្រាបៀរកម្ពុជា (Cambodia Beer) សរុបចំនួន១២ ០០០កេស ជូនដល់សមាជិកគណបក្សប្រជាជនកម្ពុជាក្នុងខេត្តព្រៃវែង ដែលធ្វើឡើងបន្ទាប់ពីលទ្ធផលបោះឆ្នោតឃុំ-សង្កាត់នៅខេត្តនេះ គណបក្សកាន់អំណាចទទួលបានជោគជ័យ។
តំណាងគណបក្សភ្លើងទៀននៅខេត្តបន្ទាយមានជ័យ បានដាក់ពាក្យបណ្ដឹងទៅគណៈកម្មការឃុំសង្កាត់រៀបចំការបោះឆ្នោត (គឃ.សប) ឱ្យជួយដោះស្រាយ ជុំវិញភាពមិនប្រក្រតីនាអំឡុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ប៉ុន្តែប្រធាន (គឃ.សប) ច្រានចោលក្រោមហេតុផលថា ក្នុងពាក្យបណ្ដឹងនោះមិនមានអត្ថន័យគ្រប់គ្រាន់ និងមិនដឹងសំដៅបុគ្គលណាម្នាក់នោះទេ។
គណបក្សប្រជាជនកម្ពុជា គ្រោងធ្វើសន្និបាតវិសាមញ្ញរបស់គណៈកម្មាធិការកណ្ដាលគណបក្ស ដើម្បីលើកទិសដៅសម្រាប់យកឈ្នះការបោះឆ្នោតជ្រើសតាំងតំណាងរាស្ត្រនៅឆ្នាំ២០២៣ ក្រោយពីឆ្លងកាត់បទពិសោធន៍នៃការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ អាណត្តិទី៥រួច។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
