ប្រជាពលរដ្ឋនៅតំបន់ព្រៃសហគមន៍ឧត្ដមស្រែពស់ ហៅព្រៃមេត្តាធម្មជាតិ បានអះអាងថា ក្រុមទាហាននៅតែបន្តធ្វើសកម្មភាពទន្ទ្រានយកដីព្រៃសហគមន៍មួយនេះ ខណៈអាជ្ញាធរនៅមិនទាន់ដោះស្រាយបញ្ហាវិវាទដីធ្លីនេះចប់នៅឡើយ។
តំបន់ការពារធម្មជាតិ និងធនធានធម្មជាតិរបស់ប្រទេសកម្ពុជា ដែលរួមមានព្រៃឈើ សត្វស្វា កេសរកូល (ផ្កាអ័រគីដេ) រួមនឹងខ្សាច់ នៅតែជាប្រភពចំណូលដ៏ពេញនិយមមួយ បើទោះបីជាមានការប្ដេជ្ញាទាំងឡាយ (និងការផ្ដល់មូលនិធិអន្តរជាតិ) ដើម្បីការពាររបស់អស់ទាំងនេះក៏ដោយ។
ផ្ដើមចេញពីទឹកចិត្តស្រឡាញ់ធនធានធម្មជាតិ បានជំរុញឱ្យប្រជាសហគមន៍មួយរូប វ័យ៧១ឆ្នាំ លោក សយ សាត បានលះបង់សេចក្ដីសុខផ្ទាល់ខ្លួន និងពេលវេលាប្រចាំថ្ងៃ ដើម្បីការពារ «ព្រៃសហគមន៍មេត្តាធម្មជាតិ» ឬ «ព្រៃឧត្ដមស្រែពស់» ស្ថិតនៅស្រុកឱរ៉ាល់ ខេត្តកំពង់ស្ពឺ ទោះបីជាធ្លាប់រងអំពើហិង្សាជាច្រើនដង និងកំពុងជាប់បណ្ដឹងចំនួន២នៅតុលាការ ដោយសារការរារាំងមិនឱ្យកាប់បំផ្លាញព្រៃសហគមន៍។
ប្រជាសហគមន៍ឧត្តមស្រែពស់ ឬព្រៃមេត្តាធម្មជាតិ ដែលរស់នៅភូមិពោធិ៍មាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានបង្ហាញពីការអស់ជំនឿចិត្តចំពោះមន្រ្តីអាជ្ញាធរខេត្តនេះ ក្នុងការទប់ស្កាត់បទល្មើសការកាប់បំផ្លាញព្រៃសហគមន៍ ខណៈគាត់លើកឡើងថា ជនល្មើសនៅតែបន្តលួចចូលកាប់ព្រៃសហគមន៍ និងបានបំផ្លាញព្រះពុទ្ធរូបថែមទៀតផង។
ប្រជាសហគមន៍ព្រៃមេត្តាធម្មជាតិបានអះអាងថា មានក្រុមជនល្មើសបន្តកាប់បំផ្លាញព្រៃឈើជុំវិញសាលាបុណ្យក្នុងព្រៃមួយនេះ ជាហេតុបណ្ដាលឱ្យព្រះពុទ្ធបដិមាចំនួន ៣អង្គ ត្រូវបានបែកបាក់ទាំងស្រុងដោយសារដើមឈើរលំលើ។
ក្រុមអង្គការសង្គមស៊ីវិល បាននាំគ្នាយកកូនឈើទៅដាំសហគមន៍ឧត្តមស្រែពស់ និងព្រៃមេត្តាធម្មជាតិ ស្ថិតនៅឃុំត្រពាំងជោរ ស្រុកឱរ៉ាល់កំពង់ស្ពឺ ក្រោយទាហានរថក្រោះកងទ័ពជើងគោកដាក់គ្រឿងចក្រឈូសឆាយអស់ស្ទើរទាំងស្រុង។
ព្រះរាជអាជ្ញារងអមសាលាដំបូងខេត្តកំពង់ស្ពឺ ពន្យារពេលស្ដាប់ការបំភ្លឺរបស់ដើមបណ្ដឹងជាប្រជាពលរដ្ឋនៅសហគមន៍ឧត្ដមស្រែពស់ចំនួន៦នាក់ ក្រោយមន្ត្រីរូបនោះបានឆ្លងជំងឺកូវីដ-១៩។
ប្រជាសហគមន៍ឧត្ដមស្រែពស់ ក្នុងឃុំត្រពាំងជោរ បានអះអាងថា មន្ត្រីជំនាញបរិស្ថានខេត្តកំពង់ស្ពឺបានប្រកាសប្រាប់ប្រជាពលរដ្ឋក្នុងវេទិកាសាធារណៈមួយកាលពីសប្ដាហ៍មុន ដោយសន្យាផ្ដល់ដីចំនួនជាង៤០០ហិកតា ដើម្បីសងទៅកាន់ប្រជាសហគមន៍ឧត្ដមស្រែពស់វិញ ក្រោយព្រៃមួយនេះរងការឈូសឆាយនិងកាប់បំផ្លាញ។
ប្រជាសហគមន៍អះអាងថា កុដិលោកនៅអាស្រមព្រៃមេត្តាធម្មជាតិ ស្ថិតនៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ត្រូវបានទាហានដុតបំផ្លាញ ខណៈព្រៃសហគមន៍ «ឧត្ដមស្រែពស់ និងព្រៃមេត្តាធម្មជាតិ» កំពុងមានជម្លោះជាមួយក្រុមទាហានរថក្រោះកងទ័ពជើងគោក និងពលរដ្ឋមួយចំនួននៅតំបន់នោះ។
ប្រជាសហគមន៍រកកិច្ចអន្តរាគមន៍ពីលោក ហ៊ុន ម៉ានី តំណាងរាស្ត្រមណ្ឌលខេត្តកំពង់ស្ពឺ ឱ្យជួយទប់ស្កាត់សកម្មភាពកាប់បំផ្លាញព្រៃឈើក្នុងសហគមន៍ «ឧត្ដមស្រែពស់ និងព្រៃមេត្តាធម្មជាតិ» ពីសំណាក់ក្រុមទាហាន «ង៧០» និងពលរដ្ឋមួយចំនួនស្ថិតនៅឃុំត្រពាំងជោរ ស្រុកឱរ៉ាល់ ក្រោយគ្មានដំណោះស្រាយពីអាជ្ញាធរពាក់ព័ន្ធ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
