មន្ត្រីជាន់ខ្ពស់ខេត្តព្រះវិហារទទួលស្គាល់ថា បទល្មើសព្រៃឈើនៅតាមដែនជម្រកបរិស្ថានសំខាន់ៗ ដូចជាដែនជម្រកព្រៃព្រះរការ ព្រៃឡង់ និងព្រៃសហគមន៍ផ្សេងៗទៀតតែងតែកើតមាន បើទោះអាជ្ញាធរខេត្តចាត់មន្ត្រីអភិរក្សឱ្យប្រចាំការយ៉ាងណាក្ដី។
ចៅក្រមសាលាដំបូងរាជធានីភ្នំពេញ បានកាត់ទោសសកម្មជនគណបក្សសង្គ្រោះជាតិ និងជាសកម្មជនការពារព្រៃឡង់ លោក វឿន វាសនា ឱ្យជាប់ពន្ធនាគារ២ឆ្នាំ និងពិន័យជាប្រាក់២លានរៀល ក្រោមបទចោទ «ញុះញង់» ដែលបានប្រព្រឹត្តលើបណ្ដាញសង្គម។
ប្រជាសហគមន៍មួយចំនួននៅខេត្តជុំវិញតំបន់ព្រៃឡង់លើកឡើងស្រដៀងគ្នាថា អាជ្ញាធរ និងមន្ត្រីជំនាញនៅតែបន្តបំបិទសិទ្ធិសេរីភាពរបស់ពួកគាត់ ដោយពួកគេមិនអនុញ្ញាតឱ្យចូលរួមការពារព្រៃឈើនៅតំបន់ព្រៃឡង់តាមរយៈសកម្មភាពចុះល្បាតឡើយ ស្របពេលបទល្មើសបន្តកើតឡើងជាហូរហែក្នុងដែនជម្រកសត្វព្រៃមួយនេះ។
សកម្មជនការពារបរិស្ថានបានលើកឡើងថា ការរកចំណូលបានជិត១០ពាន់លានដុល្លាររបស់វៀតណាមក្នុងការនាំឈើនិងគ្រឿងសង្ហារិមទៅក្រៅប្រទសកាលពីឆ្នាំ២០២១ វាឆ្លុះបញ្ចាំងឱ្យឃើញពីភាពបរាជ័យរបស់អាជ្ញាធរកម្ពុជាក្នុងការទប់ស្កាត់បទល្មើសព្រៃឈើ ត្បិតបទល្មើសនៅតែកើតមានឡើងឥតឈប់ឈរ ពិសេសបទល្មើសនាំឈើចេញទៅវៀតណាម ខណៈចំណូលកម្ពុជាទទួលបានតិចតួច។
ប្រជាសហគមន៍ការពារព្រៃឈើនៅតំបន់ព្រៃឡង់ ស្នើរដ្ឋាភិបាលឱ្យចាត់មន្ត្រីជំនាញចុះទៅសិក្សាពីមហន្តរាយនៃការកាប់បំផ្លាញព្រៃឈើនៅក្នុងតំបន់នោះ ដោយកុំទុកឱ្យហួសពេលហើយទើបមានវិធានការទប់ស្កាត់ ដូចករណីទន្ទ្រានព្រៃលិចទឹកនៅបឹងទន្លេសាប។
ប្រជាសហគមន៍រកឃើញថា មានសកម្មភាពកាប់និងដឹកជញ្ជូនឈើនៅក្នុងតំបន់ព្រៃឡង់ ក្នុងស្រុករវៀង ខេត្តព្រះវិហារ កើតឡើងថ្មីៗទៀតច្រើន ហាក់ដូចមិនមានការទប់ស្កាត់ពីមន្ត្រីមានសមត្ថកិច្ចនោះទេ។
ប្រជាសហគមន៍ និងសមកម្មជនបរិស្ថាន រកឃើញបទល្មើសព្រៃឈើបន្តកើតឡើងឥតថមថយឡើយក្នុងព្រៃសហគមន៍មួយចំនួននៅខេត្តក្រចេះ ដែលកំពុងរងការបាត់បង់គម្របព្រៃឈើគួរឱ្យបារម្ភ។
និស្សិតមួយក្រុមរៀនជំនាញផ្នែកបរិស្ថាន អំពាវនាវដល់អាជ្ញាធរពាក់ព័ន្ធបើកទូលាយសម្រាប់ការចុះកម្មសិក្សានៅតាមព្រៃសហគមន៍នានា បន្ទាប់ពីអាជ្ញាធរខេត្តកំពង់ធំរារាំងមិនឱ្យពួកគេចុះកម្មសិក្សា ក្រោមហេតុផលបង្ការការឆ្លងរាលដាលមេរោគកូវីដ-១៩ និងទាមទារលក្ខខណ្ឌផ្សេងៗទៀត។
សាលាដំបូងខេត្តកំពង់ធំ បានសម្រេចផ្តន្ទាទោសសកម្មជនព្រៃឡង់ម្នាក់ឱ្យជាប់ពន្ធនាគារ២ឆ្នាំ ក្រោមបទចោទ «ហិង្សាដោយចេតនាមានស្ថានទម្ងន់ទោស» ប៉ុន្តែទោសនោះត្រូវបានព្យួរទាំងអស់។
សមាជិកបណ្ដាញព្រៃឡង់ម្នាក់នៅស្រុកសណ្ដាន់ ខេត្តកំពង់ធំ បង្ហាញការខកចិត្តនិងចាត់ទុកការលើកពេលប្រកាសសាលក្រមរបស់សាលាដំបូងខេត្តកំពង់ធំ ថាបានធ្វើឱ្យប៉ះពាល់ផ្លូវចិត្តរបស់លោក ត្បិតសំណុំរឿងនេះបានពន្យារ២លើករួចមកហើយ បើគិតទាំងក្នុងដំណាក់កាលសវនាការ ខណៈលោកកំពុងគេចខ្លួនដោយបារម្ភពីសុវត្ថិភាព។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
