ប្រធានាធិបតីចិន លោក ស៊ី ជីនពីង បានប្ដេជ្ញាកាលពីថ្ងៃសៅរ៍កន្លងទៅ ដើម្បីសម្រេចបាននូវការបង្រួបបង្រួមជាតិដោយសន្តិវិធីជាមួយកោះតៃវ៉ាន់ ខណៈដែលលោកមិនបានលើកឡើងដោយផ្ទាល់អំពីការប្រើប្រាស់កម្លាំងរបស់ខ្លួនទៅលើដែនកោះមួយនេះដែលកើតឡើងកាលពីពេលថ្មីៗនោះទេ។
អភិបាលរងក្រុងកូឡុំបូ (Colombo) លោក Muhammad Iqbal បានលើកឡើងថា ផែនការរបស់រដ្ឋាភិបាលស្រីលង្កាក្នុងការអភិវឌ្ឍគម្រោងវិនិយោគនានានៅក្នុងប្រទេស គឺមិនសមស្របនោះទេសម្រាប់សេដ្ឋកិច្ចជាតិ ជាពិសេសការប្រគល់ដីដែលមានតម្លៃខ្ពស់ចំនួន៣ទីតាំងនៅទីក្រុងកូឡុំបូសម្រាប់គម្រោងដែលផ្អែកលើការជួលរយៈពេល៩៩ឆ្នាំ។
មន្រ្តីជាន់ខ្ពស់អាមេរិកមួយរូបបានឱ្យដឹងបន្ទាប់ពីកិច្ចប្រជុំរវាងមន្រ្តីជាន់ខ្ពស់នៃសហរដ្ឋអាមេរិកនិងចិន កាលពីថ្ងៃពុធកន្លងទៅថា ប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីចិន លោក ស៊ី ជីនពីង បានព្រមព្រៀងក្នុងការជួបពិភាក្សាគ្នា ដែលជំនួបនោះនឹងធ្វើឡើងតាមរយៈប្រព័ន្ធវីដេអូនៅចុងឆ្នាំនេះ។
ប្រធានាធិបតីតៃវ៉ាន់ អ្នកស្រី Tsai Ing-wen បានថ្លែងប្រាប់មន្រ្តីជាន់ខ្ពស់បារាំងនិងអូស្ត្រាលីកាលពីថ្ងៃព្រហស្បតិ៍ម្សិលមិញ ថាតៃវ៉ាន់នឹងព្យាយាមធ្វើការជាមួយរដ្ឋាភិបាលនៃបណ្ដាប្រទេសប្រជាធិបតេយ្យនានា ក្នុងការធានាឱ្យបាននូវសន្តិភាពនិងស្ថិរភាពក្នុងតំបន់។
ខណៈប្រទេសមីយ៉ាន់ម៉ាជួបប្រទះបញ្ហាអសន្ដិសុខ ប្រទេសចិនបាននិងកំពុងខិតខំប្រឹងប្រែងនិងឆ្លៀតយកឱកាសនេះ ដើម្បីទទួលបានឥទ្ធិពលកាន់តែខ្លាំងឡើងលើប្រទេសដែលស្ថិតនៅក្នុងភាពចលាចលមួយនេះ។
កាលពីថ្ងៃ១៥ ខែកញ្ញា ឆ្នាំ២០២១ ភាពជាដៃគូយុទ្ធសាស្ត្រថ្មីដែលរួមមានសហរដ្ឋអាមេរិក អង់គ្លេស និងអូស្ត្រាលី ជាកញ្ចក់ឆ្លុះបង្ហាញពីរបៀបដែលពិភពលោកដំណើរការតាមទ្រឹស្តីប្រាកដនិយមនៃតុល្យភាពអំណាច ដោយចរិតនយោបាយទប់ស្កាត់ការរះឡើងរបស់ចិន។
សេតវិមាន នៅថ្ងៃចន្ទសប្ដាហ៍នេះ បានថ្លែងថា ការដោះលែងនាយកប្រតិបត្តិជាន់ខ្ពស់មួយរូបរបស់ក្រុមហ៊ុន Huawei និងជនជាតិកាណាដា ២រូបផ្សេងទៀត មិនមែនជាការដោះដូរអ្នកទោសនោះទេ។
នាប៉ុន្មានទសវត្សរ៍ចុងក្រោយនេះ ទន្លេមេគង្គដែលគ្របដណ្ដប់លើប្រទេសមីយ៉ាន់ម៉ា ថៃ ឡាវ កម្ពុជា និងវៀតណាម បានក្លាយជាចំណុចស្នូលនៃយុទ្ធសាស្ត្ររបស់មហាអំណាចធំៗ ដោយសារកត្តាសេដ្ឋកិច្ច និងកត្តាភូមិសាស្ត្រនយោបាយ។ អ្វីដែលលេចធ្លោជាងគេនោះ គឺសារៈសំខាន់នៃការរីកចម្រើនរបស់តំបន់នេះនៅក្នុងផ្លូវពាណិជ្ជកម្មពិភពលោក ដែលជាទីតាំងភូមិសាស្ត្រនៅជិតចំណុចក្តៅ (ដូចជា សមុទ្រចិនខាងត្បូង និង ច្រកម៉ាឡាកា) និងវត្តមានសេដ្ឋកិច្ច ការទូត យោធារបស់ចិននៅក្នុងតំបន់ កំពុងកើនឡើង។
មន្រ្តីអង្គការសង្គមស៊ីវិលយល់ឃើញថា ក្នុងរយៈពេលជិត៣០ឆ្នាំមកនេះ ខ្លឹមសារសំខាន់ៗមួយចំនួនដូចមានកំណត់នៅក្នុងរដ្ឋធម្មនុញ្ញ រដ្ឋាភិបាលហាក់មិនបានអនុវត្តឱ្យបានពេញលេញនោះទេ ដែលជាហេតុនាំឱ្យមានការរិះគន់ថា មានការរំលោភទៅនឹងស្មារតីនៃកិច្ចព្រមព្រៀងទីក្រុងប៉ារីសផងនិងរដ្ឋធម្មនុញ្ញផង។
ប្រជាពលរដ្ឋជាច្រើននៅទីក្រុងហុងកុង បានសម្រេចភៀសខ្លួនទៅកាន់បណ្ដាប្រទេសអឺរ៉ុបនិងប្រទេសជិតខាងផ្សេងទៀត បន្ទាប់ពីការផ្ទេរអធិបតេយ្យភាពទៅឱ្យចិន ស្របពេលដែលគោលនយោបាយជាប្រព័ន្ធរបស់អាជ្ញាធរដែលកំពុងតែកាន់អំណាចបានបំបិទសំឡេងរិះគន់ និងមានការរំលោភសិទ្ធិមនុស្ស ជាដើម។ ពលរដ្ឋហុងកុងត្រូវបង្ខំចិត្តភៀសខ្លួនចេញ ដោយសារតែភាពភ័យខ្លាចក្នុងការក្លាយទៅជាជនរងគ្រោះនៃការសងសឹកទាំងនេះដោយអាជ្ញាធរសន្តិសុខ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
