តុលាការកំពូល នៅថ្ងៃសុក្រនេះ បានតម្កល់សាលដីកាសាលាឧទ្ធរណ៍លើសំណុំរឿង «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» លើយុវជនចលនាមាតាធម្មជាតិ ៣នាក់ ទុកជាបានការដដែល។
សកម្មជនការពារព្រៃឈើ និងបរិស្ថានម្នាក់ នៅខេត្តរតនគិរី បានស្នើដល់តុលាការទម្លាក់ចោលបទចោទប្រកាន់ ក្រោយពីលោករងបណ្ដឹងរបស់អាជ្ញាធរមូលដ្ឋាន ពាក់ព័ន្ធនឹងបទ «កាប់គាស់ រុករានដីព្រៃ ឆ្ការ ដុត និងឈូសឆាយដីព្រៃ ដើម្បីយកដីជាកម្មសិទ្ធិ»។
ក្រុមអង្គការសង្គមស៊ីវិល ជំរុញអាជ្ញាធរបើកលំហសិទ្ធិសេរីភាពពេញលេញដល់យុវជន ដោយមិនមានការលាបពណ៌ផ្នែកនយោបាយ ដើម្បីបង្កបរិយាកាសអំណោយផលដល់ការការពារព្រៃឈើ ខណៈយុវជនជាអ្នករួមចំណែកយ៉ាងសំខាន់ក្នុងកិច្ចការពារនេះ។
យុវជនចលនាមាតាធម្មជាតិចំនួន៣នាក់ ស្នើតុលាការកំពូលទម្លាក់ចោលបទចោទលើពួកគេ ពាក់ព័ន្ធនឹងបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» ដោយពួកគេអះអាងថាមិនបានប្រព្រឹត្តកំហុសដូចការចោទប្រកាន់។
យុវជនចលនាមាតាធម្មជាតិ ៣នាក់ អះអាងថា ពួកគេនឹងចូលខ្លួនបំភ្លឺនៅតុលាការកំពូលតាមការកោះហៅ ពាក់ព័ន្ធនឹងបទចោទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» ដែលប្រព្រឹត្តកាលពីអំឡុងឆ្នាំ២០១៣ ដល់ឆ្នាំ២០២០។
សាលាឧទ្ធរណ៍ត្បូងឃ្មុំ នៅថ្ងៃពុធនេះ បានប្រកាសច្រានចោលសាលក្រមរបស់សាលាដំបូងខេត្តរតនគិរី ដែលបានផ្ដន្ទាទោសសកម្មជនព្រៃឈើ លោក ឆន ផល្លា ដាក់ពន្ធនាគារចំនួន៥ឆ្នាំ ក្រោមបទចោទ «កាប់រានដីព្រៃ ឈូសឆាយ និងហ៊ុមព័ទ្ធកាន់កាប់ដីព្រៃ» ប៉ុន្តែសកម្មជនរូបនេះនៅបន្តរងការចោទប្រកាន់មួយទៀតនៅសាលាដំបូងខេត្តរតនគិរី។
សកម្មជនចលនាមាតាធម្មជាតិ (Mother Nature Cambodia) ឬសកម្មជនបរិស្ថាន ចំនួន៦រូប បានចេញវីដេអូទាមទារឱ្យតុលាការទម្លាក់បទចោទប្រកាន់ទាំងឡាយប្រឆាំងពួកគេ ដោយអះអាងថា រាល់សកម្មភាពដែលពួកគេធ្វើកន្លងមកគ្រាន់តែដើម្បីចូលរួមការពារធនធានធម្មជាតិតែប៉ុណ្ណោះ និងមិនបានប្រព្រឹត្តដូចអ្វីដែលតុលាការចោទប្រកាន់នោះទេ។
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) អះអាងថា ខ្លួននឹងជំរុញឱ្យទីភ្នាក់ងារអង្គការសហប្រជាជាតិ (UN) និងស្ថានទូតនានានៅកម្ពុជា កាន់តែសកម្មក្នុងការការពារសកម្មជនសិទ្ធិមនុស្ស និងអង្គការក្រៅរដ្ឋាភិបាលនានា ដែលស្ថិតនៅក្រោមការគំរាមកំហែងពីរដ្ឋាភិបាលកម្ពុជាបច្ចុប្បន្ន។
អង្គការសហប្រជាជាតិប្រចាំនៅកម្ពុជា (UN) សម្ដែងការព្រួយបារម្ភជាខ្លាំងចំពោះការចោទប្រកាន់និងឃុំខ្លួនលើសកម្មជនព្រៃឈើ លោក ឆន ផល្លា ដោយចាត់ទុកសកម្មភាពនេះថា ជាការគំរាមកំហែង និងរំលោភលើសិទ្ធិអ្នកការពារសិទ្ធិមនុស្សផ្នែកបរិស្ថាន។
បើទោះបីជានៅក្នុងផែនការជាតិ គោលនយោបាយជាតិរបស់រាជរដ្ឋាភិបាលកម្ពុជា កំណត់ជាអាទិភាពក្នុងការយកចិត្តទុកដាក់និងគាំពារទៅលើស្ត្រី ក្មេងស្រីគ្រប់រូប ដោយបញ្ចៀសឱ្យបាននូវទម្រង់ហិង្សាគ្រប់ប្រភេទទៅលើពួកគេ ហើយច្បាប់នឹងការពារពួកគេដោយស្មើភាពគ្នាដោយគ្មានការរើសអើងក៏ដោយ ក៏ប៉ុន្តែស្ត្រីមួយចំនួន ពិសេសក្រុមស្ត្រីជួរមុខក្នុងការតតាំងរឿងអយុត្តិធម៌សង្គមនានា នៅតែត្រូវបានគេរកឃើញថា ប្រឈមអំពើហិង្សា ការបៀតបៀន ការប្រមាថមាក់ងាយ ជាដើម តែការអនុវត្តច្បាប់លើអ្នកប្រព្រឹត្តល្មើសទាំងនោះត្រូវបានក្រុមស្ត្រីរងគ្រោះអះអាងថាគ្មានប្រសិទ្ធភាពឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
