សង្គមស៊ីវិលដែលសកម្មក្នុងកិច្ចការពារសិទ្ធិមនុស្ស ជំរុញឱ្យស្ថាប័នពាក់ព័ន្ធអនុវត្តច្បាប់ព្រហ្មទណ្ឌចំពោះមន្ត្រីខណ្ឌ៧មករា ដែលបានប្រើអំពើហិង្សាទៅលើម្ចាស់រទេះអេតចាយ ជាជាងអនុវត្តត្រឹមវិន័យរដ្ឋបាល ដើម្បីបញ្ចៀសរូបភាពហិង្សាដដែលនេះកើតឡើងលើជនរងគ្រោះដទៃទៀត។
សង្គមស៊ីវិលលើកឡើងថា ការចូលរួមមតិរបស់ពលរដ្ឋក្នុងតំបន់ ពាក់ព័ន្ធបញ្ហាសិទ្ធិមនុស្សនិងកង្វល់នានា បើទោះបានជំរុញនូវភាពជោគជ័យឬអត់ក្ដី ក៏បានបង្ហាញនូវការយកចិត្តទុកដាក់ ជួយរក្សាលំហសង្គមមិនឱ្យបិទ និងរំឭករដ្ឋាភិបាលឱ្យគោរពមតិពលរដ្ឋដែលធានាដោយច្បាប់។
អង្គការសង្គមស៊ីវិល និងស្ថាប័នព័ត៌មានជាង៣០ ជំរុញឱ្យអាជ្ញាធរមានវិធានការស៊ើបអង្កេត និងចាប់ឧក្រិដ្ឋជនសម្លាប់អ្នកសារព័ត៌មានយកមកផ្ដន្ទាទោសតាមច្បាប់ ដើម្បីផ្ដល់យុត្តិធម៌ជូនជនរងគ្រោះ និងបញ្ចប់និទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាននៅកម្ពុជា។
ក្រុមអង្គការសង្គមស៊ីវិលបង្ហាញការយល់ឃើញថា ប្រព័ន្ធដឹកនាំដែលប្រទាក់ក្រឡាគ្នាដោយសែស្រឡាយ ជាឧបសគ្គចម្បងរារាំងដល់យន្តការពង្រឹងនីតិរដ្ឋ ការកសាងលទ្ធិប្រជាធិបតេយ្យ ក្រោមដំបូលរដ្ឋធម្មនុញ្ញ ដែលបញ្ហានេះនឹងជំរុញឱ្យមានភាពផុយស្រួយនៃការបែកបាក់ជាតិ បើគ្មានវិធានការកែលម្អ។
រដ្ឋមន្ដ្រីក្រសួងព័ត៌មាន អះអាងថា សេចក្តីព្រាងច្បាប់ស្តីពីសិទ្ធិទទួលព័ត៌មានបានបញ្ជូនទៅដល់ដៃគណៈរដ្ឋមន្ត្រីមួយរយៈហើយ ដោយរង់ចាំតែស្ថាប័ននេះប្រជុំពិនិត្យប៉ុណ្ណោះ។
មន្ត្រីសង្គមស៊ីវិលដែលធ្វើការពាក់ព័ន្ធនឹងការអប់រំផ្នែកប្រព័ន្ធផ្សព្វផ្សាយនិងព័ត៌មាន លើកឡើងថា កង្វះចំណេះដឹងផ្នែកការប្រើប្រាស់ប្រព័ន្ធផ្សព្វផ្សាយ អាចបណ្ដាលឱ្យអ្នកប្រើបណ្ដាញសង្គមងាយនឹងរងគ្រោះពីការឃោសនា ឬកេងប្រវ័ញ្ចទាំងផ្នែកនយោបាយនិងសេដ្ឋកិច្ច ខណៈពួកគេមើលឃើញថា ចំនួនអ្នកប្រើប្រាស់បណ្តាញសង្គមនៅកម្ពុជាកាន់តែកើនឡើង ស្របពេលអ្នកមួយចំនួនមិនអាចបែងចែកបានថាព័ត៌មានណាពិត ឬមិនពិត។
មន្រ្តីសង្គមស៊ីវិលអំពាវនាវទៅអាជ្ញាធរពាក់ព័ន្ធពង្រឹងការអនុវត្តច្បាប់ និងចាប់ជនល្មើសបាញ់បោះដោយសេរីនៅក្នុងរាជធានីភ្នំពេញ មកផ្តន្ទាទោសតាមច្បាប់ ដើម្បីកុំឱ្យប៉ះពាល់សណ្ដាប់ធ្នាប់សាធារណៈ និងសន្តិសុខ សុវត្ថិភាពប្រជាពលរដ្ឋ ។
សង្គមស៊ីវិល និងពលរដ្ឋមួយចំនួន ជំរុញដល់រដ្ឋាភិបាលបញ្ឈប់នូវការរើសអើង ការគំរាមកំហែង និងការធ្វើទុក្ខបុកម្នេញផ្នែកនយោបាយ និងសិទ្ធិសេរីភាពបញ្ចេញមតិ ទៅលើអ្នកនយោបាយ ពលរដ្ឋម្ចាស់ឆ្នោត និងសង្គមស៊ីវិល ខណៈពួកគេមិនចង់ឃើញរូបភាពរឹតត្បិត និងការប្រឈមមុខដាក់គ្នាកាន់តែខ្លាំងរវាងគណបក្សដឹកនាំរដ្ឋាភិបាល និងគណបក្សដែលមាននិន្នាការផ្ទុយ។
សង្គមស៊ីវិលជិត ១០០ស្ថាប័ន ជំរុញឱ្យរដ្ឋាភិបាលពន្លឿនការដោះស្រាយជម្លោះដីធ្លីនៅព្រលានយន្តហោះថ្មីឱ្យបានឆាប់ ក្រោយកត់សម្គាល់ថា វិវាទដីធ្លីដ៏រ៉ាំរ៉ៃរវាងក្រុមហ៊ុនOCICនិងពលរដ្ឋម្ចាស់ដីមានភាពធ្ងន់ធ្ងរ ក្នុងនោះពលរដ្ឋរងគ្រោះជាច្រើនកំពុងរងការបណេ្តញចេញដោយបង្ខំទាំងមិនទាន់ទទួលបានដំណោះស្រាយសមរម្យខណៈអាជ្ញាធររដ្ឋបានខកខានបំពេញតួនាទីជាអ្នកបម្រើរាស្ត្រហើយថែមទាំងបានបង្កើតនូវបរិយាកាសភ័យខ្លាចដល់ពលរដ្ឋទៅទៀត។
អង្គការសង្គមស៊ីវិល និងតំណាងជនជាតិដើមភាគតិច ស្នើទៅរដ្ឋាភិបាលបើកលំហក្នុងការផ្ដល់ព័ត៌ជូនសាធារណជនឱ្យបានទូលំទូលាយ និងស្នើដាក់ធាតុចូលបន្ថែមនៅក្នុងច្បាប់ស្ដីពី «សិទ្ធិទទួលព័ត៌មាន» ដើម្បីកាត់បន្ថយអំពើពុករលួយ ខណៈពួកគេនៅតែជួបបញ្ហាប្រឈមមួយចំនួនក្នុងការទទួលបានព័ត៌មានរស៊ើបពីស្ថាប័នរដ្ឋ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
