រដ្ឋមន្ត្រីក្រសួងមហាផ្ទៃ លោក ស ខេង ឆ្លើយតបនឹងអ្នករាយការណ៍ពិសេសអង្គការសហប្រជាជាតិ ពាក់ព័ន្ធទៅនឹងការប្រឆាំងនឹងអំពើជួញដូរមនុស្ស ពលកម្មដោយបង្ខំ និងការកេងប្រវ័ញ្ចលើពលកម្មនោះ ថា កម្ពុជាក៏ជាប្រទេសដែលរងគ្រោះដោយសារអំពើទាំងនេះ ដោយពួកឧក្រិដ្ឋជនយកកម្ពុជា ជាកន្លែងដើម្បីធ្វើការឆបោកប្រព្រឹត្តអំពើជួញដូររត់ពន្ធមនុស្សនេះ។
ភាពប្រទាក់ក្រឡាគ្នាជាលក្ខណៈគ្រួសារនិយមកាន់តំណែងក្នុងក្រសួង និងស្ថាប័នរដ្ឋ ត្រូវបានគេមើលឃើញថា ជាបញ្ហាចម្បងមួយជំរុញឱ្យមានអំពើពុករលួយជាប្រព័ន្ធក្នុងសង្គមកម្ពុជា មិនងាយនឹងលុបបំបាត់បាន បើទោះបីជាថ្មីៗនេះ រដ្ឋមន្ត្រីក្រសួងមហាផ្ទៃបានបង្ហាញឆន្ទៈវះកាត់មន្ត្រីខិលខូច ដើម្បីពង្រឹងយន្តការធ្វើកំណែទម្រង់នគរបាលជាតិយ៉ាងណាក្ដី។
រដ្ឋមន្រ្ដីក្រសួងសាធារណការ និងដឹកជញ្ជូន ស្នើក្រសួងមហាផ្ទៃចាត់កម្លាំងនគរបាល ដើម្បីឆ្មក់ចាប់រថយន្តមិនត្រួតពិនិត្យលក្ខណៈបច្ចេកទេសនៅតាមផ្លូវសាធារណៈ ខណៈសង្គមស៊ីវិលថាការអនុវត្តនេះត្រូវធ្វើឡើងប្រកបដោយតម្លាភាពនិងប្រសិទ្ធភាព ទើបអាចកាត់បន្ថយគ្រោះថ្នាក់ចរាចរណ៍តាមដងផ្លូវបាន។
រដ្ឋមន្ត្រីក្រសួងមហាផ្ទៃ លោក ស ខេង បញ្ចប់មុខតំណែងអនុរដ្ឋលេខាធិការម្នាក់ ដើម្បីជំរុញប្រសិទ្ធភាពកំណែទម្រង់នគរបាលជាតិ ក្រោយរកឃើញថា មន្ត្រីរូបនោះបានប្រព្រឹត្តអំពើពុករលួយ ដើរសន្យាលក់ក្រមខណ្ឌនគរបាលជាតិ ជាថ្នូរនឹងទទួលបានប្រាក់ ដែលទង្វើនេះបានធ្វើឱ្យប៉ះពាល់មុខមាត់ក្រសួង។
រដ្ឋមន្រ្តីក្រសួងមហាផ្ទៃ លោក ស ខេង បានជំរុញជាថ្មីឱ្យគណៈកម្មាធិការជាតិសុវត្ថិភាពចរាចរណ៍ផ្លូវគោក និងស្ថាប័នពាក់ព័ន្ធ ពង្រឹងការអនុវត្តច្បាប់ និងពិនិត្យឡើងវិញនូវចំណុចអវិជ្ជមានទាំងឡាយ ដើម្បីដោះស្រាយបញ្ហាប្រឈម ខណអត្រាគ្រោះថ្នាក់ចរាចរណ៍ផ្លូវគោកក្នុងរយៈពេល៦ខែដើមឆ្នាំនេះ បានកើនឡើង បើធៀបនឹងរយៈពេលដូចគ្នាកាលពីឆ្នាំមុន។
ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជំរុញទៅប្រជាពលរដ្ឋមិនទាន់ចុះឈ្មោះ ឬដល់អាយុចុះឈ្មោះ ត្រូវទៅចុះឈ្មោះបោះឆ្នោតឱ្យបានគ្រប់ៗគ្នា ហើយអាជ្ញាធរពាក់ព័ន្ធត្រូវផ្តល់សេវាជូនពលរដ្ឋឱ្យបានល្អ។
ក្រសួងមហាផ្ទៃ នឹងបើកប្រតិបត្តិការទ្រង់ទ្រាយធំត្រួតពិនិត្យកន្លែងរស់នៅរបស់ជនបរទេសទាំងអស់នៅក្នុងប្រទេសកម្ពុជា លើកលែងតែមន្ត្រីការទូត ដើម្បីពិនិត្យភាពស្របច្បាប់ និងទប់ស្កាត់មុខសញ្ញាពាក់ព័ន្ធនឹងការជួញដូរមនុស្ស។
អ្នកឃ្លាំមើលមួយចំនួនបង្ហាញការព្រួយបារម្ភថា ក្រុមឧក្រិដ្ឋជននឹងប្រើប្រាស់ប្រទេសកម្ពុជាធ្វើជាដែនដីសម្រាប់លាងលុយខុសច្បាប់ បង្កជាឧបសគ្គដល់ប្រព័ន្ធធនាគារ សេដ្ឋកិច្ច និងការទាក់ទាញអ្នកវិនិយោគ បើកម្ពុជាមិនអាចរើខ្លួនពីបញ្ជីខ្មៅនៃការជួញដូរមនុស្សរបស់អាមេរិកបានទេនោះ។
ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានថ្លែងថា កម្ពុជាសម្រេចជាលើកដំបូងក្នុងការអនុវត្តព្យួរទោសសាកល្បង និងទោសការងារសហគមន៍ទៅលើទណ្ឌិត ដើម្បីកាត់បន្ថយភាពចង្អៀតណែនក្នុងពន្ធនាគារ។
មន្ត្រីជាន់ខ្ពស់គណបក្សកាន់អំណាច ប្រាប់មន្ត្រីនៅក្រោមឱវាទទាំងអស់ត្រូវយកចិត្តទុកដាក់ពន្លឿនដោះស្រាយរឿងអយុត្តិធម៌ដែលនៅសេសសល់ជូនប្រជាពលរដ្ឋ ដើម្បីកុំឱ្យបាត់បង់សំឡេងគាំទ្រគណបក្សប្រជាជនកម្ពុជាបន្ថែមទៀត ខណៈការបោះឆ្នោតថ្នាក់ជាតិកាន់តែខិតជិតចូលមកដល់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
