សាលាដំបូងរាជធានីភ្នំពេញ នៅថ្ងៃអង្គារនេះ បន្តបើកសវនាការសួរដេញដោលលើកញ្ញា សេង ធារី និងអតីតមេដឹកនាំបក្សប្រឆាំង និងអ្នកគាំទ្រជាង៤០នាក់ ក្នុងសំណុំរឿង «ញុះញង់ និងរួមគំនិតក្បត់»។
ក្រុមអង្គការសង្គមស៊ីវិល ទាមទារទៅរដ្ឋាភិបាលឱ្យទទួលខុសត្រូវចំពោះជនរងគ្រោះដែលត្រូវបានគេបាញ់សម្លាប់លើផ្លូវវេងស្រេង កាលពី៨ឆ្នាំមុន ក្នុងនាមប្រទេសដែលបានផ្ដល់សច្ចាប័នទៅលើអនុសញ្ញាអន្តរជាតិ ស្ដីពីការការពារជនគ្រប់រូបពីការបាត់ខ្លួនដោយបង្ខំ។
សាលាដំបូងរាជធានីភ្នំពេញ សម្រេចផ្អាកសវនាការ បន្ទាប់ពីជនជាប់ចោទម្នាក់ គឺកញ្ញា សេង ធារី បដិសេធឆ្លើយសំណួរបន្ត ដោយរង់ចាំទទួលបានភស្តុតាងពីមេធាវីដែលតុលាការយកមកដាក់បន្ទុកលើកញ្ញា ដោយថា សំណួររបស់ចៅក្រមសួរនោះមិនមានក្នុងឯកសារនិងភស្តុតាងដែលកញ្ញាថតចម្លងពីតុលាការនាពេលកន្លងមកឡើយ។
អតីតអនុប្រធានគណបក្សសង្គ្រោះជាតិ លោកស្រី មូរ សុខហួរ ចាត់ទុកការដែលមន្ត្រីតុលាការយករឿងសញ្ជាតិជាឧបសគ្គ រារាំងដល់ការវិលត្រលប់ចូលប្រទេសវិញ ដើម្បីតតាំងក្ដីនៅតុលាការនោះ ថាជាការសម្អាងហេតុដាក់បន្ទុកបែបនយោបាយ និងរំលោភរដ្ឋធម្មនុញ្ញ។
រិយាមន្ត្រីអតីតគណបក្សសង្គ្រោះជាតិនៅខេត្តឧត្តរមានជ័យ បានឱ្យដឹងថា សមត្ថកិច្ចបានចាប់ខ្លួនស្វាមីគាត់ដោយមិនមានដីកា និងបានបញ្ជូនទៅឃុំខ្លួននៅពន្ធនាគារ ពីបទ រួមគំនិតក្បត់ កាលពីចុងឆ្នាំ២០១៩ ពាក់ព័ន្ធនឹងជួបជុំគ្នាគាំទ្រគម្រោងដំណើរមាតុភូមិនិវត្តន៍របស់ លោក សម រង្ស៊ី ។
សហមេធាវីការពារក្ដីឱ្យអតីតប្រធានគណបក្សសង្រ្គោះជាតិ បង្ហាញក្ដីសង្ឃឹមថា រឿងក្ដីលោក កឹម សុខា នឹងមានដំណោះស្រាយក្នុងពេលឆាប់ៗខាងមុខ បន្ទាប់ពីសាលាដំបូងរាជធានីភ្នំពេញសម្រេចបន្តសវនាការឡើងវិញនៅដើមឆ្នាំក្រោយ។
អតីតសមាជិកសហជីពម្នាក់ដែលត្រូវបានសាលាដំបូងរាជធានីភ្នំពេញចោទប្រកាន់ក្នុងសំណុំរឿង «ញុះញង់ និងរួមគំនិតក្បត់» បានបដិសេធក្នុងសវនាការនៅថ្ងៃនេះថា ខ្លួនមិនបានគាំទ្រសកម្មភាពបង្កឱ្យមានហិង្សា និងផែនការវិលត្រលប់ចូលកម្ពុជារបស់លោក សម រង្ស៊ី នៅថ្ងៃទី៩វិច្ឆិកានោះទេ។
សាលាដំបូងរាជធានីភ្នំពេញ នឹងចុះអនុវត្តដីកាសម្រេចបង្គាប់ឱ្យស្រាវជ្រាវពីស្ថានភាពបច្ចុប្បន្ននៃអចលនវត្ថុរបស់លោក សម រង្ស៊ី ដែលជាអគារស្នាក់ការកណ្ដាលអតីតគណបក្សសង្គ្រោះជាតិ ស្ថិតនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ នៅដើមសប្ដាហ៍ក្រោយ។
អតីតមន្ត្រីក្រសួងមហាផ្ទៃម្នាក់ ដែលត្រូវបានចោទប្រកាន់ពាក់ព័ន្ធ «ចលនាសង្គ្រោះជាតិ» នៅក្រៅប្រទេសនោះ អះអាងថា ខ្លួនមិនមានទំនាក់ទំនងណាមួយជាមួយអតីតបក្សប្រឆាំង ហើយក៏មិនបានជាប់ពាក់ព័ន្ធចលនាសង្គ្រោះជាតិនោះដែរ ដោយថា ខ្លួនមិនបានប្រព្រឹត្តបទល្មើសឡើយ ក្រៅពីគាំទ្រនិងស្រឡាញ់រដ្ឋាភិបាលបច្ចុប្បន្ន។
យន្តការផ្ទេរអំណាចដោយសន្តិវិធីជាកត្តាចាំបាច់ ដែលប្រទេសប្រកាន់យកគោលការណ៍ប្រជាធិបតេយ្យបានប្រកាន់យក ព្រោះវាបានបញ្ចៀសជម្លោះនយោបាយ ជំរុញតម្លាភាពសង្គម។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
