មន្ត្រីសេតវិមានមួយរូបបានឱ្យដឹងនៅថ្ងៃអាទិត្យម្សិលមិញថា ប្រធានាធិបតីអាមេរិក លោក ចូ បៃដិន នឹងធ្វើការបញ្ជាក់នៅក្នុងកិច្ចប្រជុំទ្វេភាគីរបស់លោកជាមួយប្រធានាធិបតីចិន លោក ស៊ី ជីនពីង នៅក្នុងប្រទេសឥណ្ឌូនេស៊ី ថាអាមេរិក គឺមិនស្វែងរកជម្លោះជាមួយចិននោះទេ។
អ្នកឃ្លាំមើលសង្គមមួយចំនួនបង្ហាញជាទស្សនៈថា ផែនការបន្តវេនរបស់បក្សកាន់អំណាចគំរាមកំហែងដល់ការជំរុញឱ្យបើកលំហប្រជាធិបតេយ្យឡើងវិញ ដែលការណ៍នេះនឹងបន្តឱ្យកម្ពុជាបាត់ឱកាសចាប់យកអំណោយផលសេដ្ឋកិច្ចពីប្លុកលោកសេរី បើទោះជាមានជំនួបកំពូលរវាងប្រធានាធិបតីសហរដ្ឋអាមេរិក លោក ចូ បៃដិន និងលោកនាយករដ្ឋមន្ត្រី ហ៊ុន សែន មេដឹកនាំកម្ពុជាក្ដី។
ក្រុមស្ត្រីថ្ងៃសុក្រ បានប្រមូលផ្ដុំគ្នានៅមុខស្ថានទូតសហរដ្ឋអាមេរិកប្រចាំនៅកម្ពុជា នៅថ្ងៃសុក្រនេះ ដើម្បីស្នើប្រទេសប្រកាន់លទ្ធិប្រជាធិបតេយ្យមួយនេះ ជួយជំរុញទៅរដ្ឋាភិបាលកម្ពុជាឱ្យដោះលែងស្វាមី និងសាច់ញាតិរបស់ពួកគេ ព្រមទាំងអ្នកទោសនយោបាយ ដែលកំពុងជាប់ពន្ធនាគារឱ្យមានសេរីភាពវិញ។
អ្នកនាំពាក្យក្រសួងការបរទេសសហរដ្ឋអាមេរិក លោក ណេត ប្រាយស៍ (Ned Price) បានឱ្យដឹងថា ការប្រកាសរបស់រុស្ស៊ី ក្នុងការផ្អាកអនុវត្តកិច្ចព្រមព្រៀងនាំគ្រាប់ធញ្ញជាតិចេញតាមច្រកសមុទ្រខ្មៅ (Black Sea Grain Initiative) នឹងមានផលប៉ះពាល់ដល់សន្តិសុខស្បៀងលើពិភពលោក និងធ្វើឱ្យតម្លៃស្បៀងអាហារឡើងថ្លៃ។
អ្នកវិភាគ និងសាស្ត្រាចារ្យភូមិសាស្រ្តនយោបាយ បង្ហាញក្ដីសង្ឃឹមតិចតួចថា កម្ពុជានឹងងាកមកស្ដារឡើងវិញនូវសិទ្ធិមនុស្ស និងលទ្ធិប្រជាធិបតេយ្យ ក្រោយកិច្ចប្រជុំកំពូលអាស៊ាន និងកិច្ចប្រជុំកំពូលប្រចាំឆ្នាំអាស៊ាន-អាមេរិក។
សេតវិមានបានឱ្យដឹងនៅក្នុងសេចក្តីថ្លែងការណ៍មួយថា ប្រធានាធិបតីអាមេរិក លោក ចូ បៃឌិន (Joe Biden) និងនាយករដ្ឋមន្ត្រីអង់គ្លេសថ្មី លោក រីឈី ស៊ូណាក់ (Rishi Sunak) នៅក្នុងជំនួបតាមរយៈទូរសព្ទនៅថ្ងៃអង្គារម្សិលមិញ បានអះអាងសាជាថ្មីពីការកសាងទំនាក់ទំនងពិសេសរវាងប្រទេសទាំងពីរ ដែលក្នុងនោះ ពួកគេក៏បានក្រើនរំលឹកពីសារៈសំខាន់នៃការគាំទ្រដល់អ៊ុយក្រែនផងដែរ។
អ្នកនយោបាយជាន់ខ្ពស់នៃគណបក្សជំទាស់ បានលើកឡើងដោយផ្ទាល់ជាមួយមន្រ្តីអគ្គរដ្ឋទូតប្រទេសមហាអំណាចផ្នែកប្រជាធិបតេយ្យ អំពីលំហប្រជាធិបតេយ្យ និងនីតិវិធីនៃសវនាការរបស់ខ្លួន ដែលរឿងក្ដីនេះកំពុងស្ថិតនៅក្នុងដៃតុលាការនៅឡើយ ខណៈសហរដ្ឋអាមេរិកក៏ចង់ឃើញភាពជឿនលឿននៃដំណើរការនីតិវិធីនេះដោះស្រាយឱ្យបានឆាប់ និងជំរុញឱ្យស្ដារឡើងវិញនូវសិទ្ធិធ្វើនយោបាយ ដើម្បីជាប្រយោជន៍សម្រាប់កម្ពុជា។
សហរដ្ឋអាមេរិក បាននិយាយកាលពីថ្ងៃព្រហស្បតិ៍ម្សិលមិញថា យោធាអ៊ីរ៉ង់កំពុងបង្វឹកកងកម្លាំងរុស្ស៊ីអំពីរបៀបប្រើប្រាស់យន្តហោះគ្មានមនុស្សបើក ដែលផលិតដោយអ៊ីរ៉ង់ នៅក្នុងតំបន់គ្រីមេ ដើម្បីវាយប្រហារគោលដៅនានាក្នុងប្រទេសអ៊ុយក្រែន។
សហរដ្ឋអាមេរិកកំពុងពិចារណាលើផែនការផលិតអាវុធរួមគ្នាជាមួយតៃវ៉ាន់ ដែលជាគំនិតផ្ដួចផ្ដើមមួយមានបំណងពន្លឿនការផ្ទេរអាវុធ ដើម្បីជួយពង្រឹងការការពាររបស់ទីក្រុងតៃប៉ិ ពីប្រទេសចិន។
ប្រធានាធិបតីអាមេរិក លោក ចូ បៃឌិន បានឱ្យដឹងថា រូបលោកមិនគិតថាប្រធានាធិបតីរុស្ស៊ី លោក វ្លាឌីមៀរ ពូទីន នឹងប្រើប្រាស់អាវុធនុយក្លេអ៊ែរបែបយុទ្ធសាស្ត្រ ក្នុងសង្គ្រាមជាមួយអ៊ុយក្រែននោះទេ បើទោះបីជាប្រធានាធិបតីរូបនេះបានព្រមានពីហានិភ័យខ្ពស់នៃសង្រ្គាមនុយក្លេអ៊ែរ កាលពីសប្ដាហ៍មុនក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
