ក្រុមយុវតីអាយុ១២ឆ្នាំ និយាយថា ពួកគេកំពុងធ្វើការនៅរោងចក្រកាត់ដេរក្នុងខេត្តកំពង់ស្ពឺ។ អ្នកខ្លះទៀតមានឯកសារបញ្ជាក់អត្តសញ្ញាណក្លែងក្លាយចេញដោយមន្ត្រីមូលដ្ឋាន។
ខណៈករណីឆ្លងរីករាលដាលនៃជំងឺកូវីដ-១៩ បានក្លាយជាហេតុផលស្តង់ដារសម្រាប់ការបណ្ដេញបុគ្គលិកកម្មករចេញពីការងារ តំណាងសហជីពទាំងឡាយបានលើកឡើងថា ករណីនេះកាន់តែបង្កជាការលំបាកក្នុងការចរចាលក្ខខណ្ឌការងារជាមួយនិយោជក និងស្នើសុំកម្មករឱ្យចូលបម្រើការងារឡើងវិញ ខណៈមានអ្នកខ្លះបានបាត់បង់ការងារអស់រយៈពេលជិតពីរឆ្នាំមកហើយ។
បើទោះបីជារដ្ឋាភិបាលបានព្យាយាមចាត់វិធានការហាមឃាត់កម្មករមិនឱ្យរស់នៅក្នុងអគារដែលកំពុងតែសាងសង់ បន្ទាប់ពីមានករណីដួលរលំអគារយ៉ាងណាក៏ដោយ យើងសង្កេតឃើញថា កម្មករជាច្រើននិងក្រុមគ្រួសាររបស់ពួកគេនៅតែបន្តរស់នៅក្នុងអគារដែលកំពុងសាងសង់ ខណៈកិច្ចគាំពារសង្គមតិចតួចសម្រាប់កម្មករក្រៅផ្លូវការទាំងនេះ ភាគច្រើនធ្វើឱ្យពួកគេងាយរងគ្រោះដោយសារគ្រោះថ្នាក់នៅកន្លែងការងារ និងការកេងប្រវ័ញ្ចកម្លាំងពលកម្ម។
គម្រោងរបស់ Vue Aston មិនមែនជាគម្រោងតែមួយគត់នៅក្នុងការអភិវឌ្ឍនេះនោះទេ។ គម្រោងកោះនរា ទំហំ១២៥ហិកតា គ្រប់គ្រងដោយក្រុមហ៊ុនវិនិយោគទុនអានិកជនកម្ពុជា (OCIC) របស់ឧកញ៉ា ពុង ឃាវសែ ក៏គ្រោងនឹងដាក់ទឹកប្រាក់វិនិយោគចំនួន២,៥ពាន់លានដុល្លារអាមេរិក ដើម្បីប្រែក្លាយចំណុចប្រសព្វនៃទន្លេមេគង្គ និងទន្លេបាសាក់នេះផងដែរ។ ការអភិវឌ្ឍដើម្បីពង្រីកទំហំកោះធម្មជាតិតូចមួយដែលស្រដៀងទៅនឹងកោះពេជ្រ ដោយក្រុមហ៊ុន OCIC នេះ ត្រូវបានរំពឹងថា នឹងប្រែក្លាយរូបភាពនៃតំបន់ក្នុងខណ្ឌច្បារអំពៅ។
រាល់ពេលដែលអ្នកស្រុកត្រូវចាកចេញពីភូមិតានី អ្នកស្រុកម្នាក់ទៀតចាំបាច់ត្រូវតែមកចាំនៅទីតាំង ដើម្បីមើលថែរក្សាការពារដីនិងផ្ទះសម្បែងនៅក្នុងភូមិ។ បើពុំដូច្នេះទេ សន្តិសុខប្រចាំការរបស់ក្រុមហ៊ុនចិន «ញូញៀន ឌឹវើលុបមែន គ្រុប (Union Development Group)» នៅទីនោះដែលប្រដាប់ដោយឧបករណ៍នានាមួយចំនួន ពេលខ្លះមានទាំងកាំភ្លើងផងដែរនោះ នឹងមករុះរើផ្ទះរបស់ ពួកគេជាក់ជាមិនខាន។
ពលរដ្ឋរងផលប៉ះពាល់ពីគម្រោងផ្លូវល្បឿនលឿនភ្នំពេញ-ព្រះសីហនុមួយចំនួន តាមបណ្ដោយមហាវិថីឈ្នះឈ្នះ ឬផ្លូវកប់ស្រូវ ក្នុងខណ្ឌពោធិ៍សែនជ័យ រាជធានីភ្នំពេញ ខកចិត្តចំពោះការដែលអាជ្ញាធរបានវាយកម្ទេចផ្ទះពួកគេ ដោយមិនព្រមផ្ដល់សំណងសមរម្យដែលអាចទទួលយកបាន។
បុគ្គលិកបម្រើការងារនៅកាស៊ីណូអនឡាញមួយនៅខេត្តព្រះសីហនុ អះអាងថា បុគ្គលិកម្នាក់បានស្លាប់ និងជាង៤០០នាក់ផ្សេងទៀតត្រូវបានបង្ខាំងឱ្យធ្វើការងារទាំងមានជំងឺកូវីដ-១៩ ដោយគ្មានការយកចិត្តទុកដាក់ពីថៅកែនិងអាជ្ញាធរពាក់ព័ន្ធឡើយ។
មាត្រា៤៤ នៃរដ្ឋធម្មនុញ្ញ ចែងថា៖ «កម្មសិទ្ធិឯកជនស្របច្បាប់ ស្ថិតក្រោមការគាំពារនៃច្បាប់ ដែលនឹងដកហូតកម្មសិទ្ធិអំពីជនណាមួយបាននោះ លុះត្រាតែប្រយោជន៍សាធារណៈតម្រូវឱ្យធ្វើ ក្នុងករណីដែលច្បាប់បានបញ្ញត្តិទុក ហើយត្រូវផ្តល់សំណងជាមុនដោយសមរម្យនិងយុត្តិធម៌»។
គម្រោងសាងសង់ព្រលានយន្តហោះអន្តរជាតិថ្មី ត្រូវបានទទួលសិទ្ធិសាងសង់ដោយក្រុមហ៊ុនសាជីវកម្មវិនិយោគក្រៅប្រទេសកម្ពុជា ហៅកាត់ថា អូស៊ីអាយស៊ី (OCIC) របស់ឧកញ៉ា ពុង ឃាវសែ និងលេខាធិការដ្ឋានអាកាសចរណ៍ស៊ីវិល (SSCA) ដោយអ្នកភូមិនៅតំបន់នោះសង្ឃឹមថានឹងប្រែមុខមាត់ថ្មីទៅជាតំបន់អភិវឌ្ឍន៍ ជាពិសេសនោះគឺតម្លៃដីនឹងហក់ឡើងថ្លៃខ្ពស់ តែលទ្ធផលខុសពីការរំពឹងទុករបស់អ្នកភូមិ ដោយពួកគេថា ការផ្ដល់សំណងពីរដ្ឋាភិបាលមិនសមរម្យនឹងទទួលយកបាន។
លោក ផុន ប្រាប់ វីអូឌី ថា គាត់បានកើតនិងធំដឹងក្តីនៅក្នុងភូមិបណ្តែតទឹកក្នុងភូមិរាំងទិល ហើយបន្តរស់នៅប្រកបរបរនេសាទដូចអ្នកភូមិដទៃតរៀងមក។ ប៉ុន្តែលុះដល់ឆ្នាំនេះ គាត់បានសម្រេចបោះបង់ផ្ទះសម្បែង ធ្វើចំណាកស្រុកទៅរស់នៅកន្លែងផ្សេងជាមួយអ្នកភូមិរាប់រយនាក់ទៀតដោយសារបឹងទន្លេសាបកាន់តែខ្សត់ធនធានខ្លាំង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
