គណបក្សភ្លើងទៀន ចោទប្រកាន់អាជ្ញាធរនៅតាមមូលដ្ឋានមកពីគណបក្សប្រជាជនកម្ពុជានៅតាមបណ្ដារាជធានី-ខេត្តមួយចំនួនថា នៅបន្តគំរាមកំហែងនិងបំភិតបំភ័យបេក្ខជនដែលឈរឈ្មោះឱ្យគណបក្សក្រៅរដ្ឋាភិបាលមួយនេះក្រោមរូបភាពផ្សេងៗ។
តំណាងគណបក្សនយោបាយមួយចំនួនដែលនៅក្រៅរដ្ឋាភិបាល បានចោទប្រកាន់អាជ្ញាធរមូលដ្ឋានមកពីគណបក្សកាន់អំណាចថា បានគំរាមកំហែងពួកគេនៅចំថ្ងៃនៃការដាក់បញ្ជីបេក្ខភាពមេឃុំ-ចៅសង្កាត់ ក្នុងរូបភាពនិងហេតុផលផ្សេងៗ ខណៈមន្រ្តីជាន់ខ្ពស់គណបក្សប្រជាជនកម្ពុជាជំរុញឱ្យបក្សនយោបាយដែលអះអាថាខ្លួនត្រូវរងភាពអយុត្តិធម៌ ប្ដឹងតវ៉ាប្រឆាំងការរុកកួនផ្នែកនយោបាយនេះ។
អ្នកវិភាគមួយចំនួនមើលឃើញថា ការដែលក្រុមអ្នកនយោបាយជំទាស់បំបែកខ្លួនជាផ្នែកតូចៗមកបង្កើតគណបក្សថ្មីដើម្បីចូលរួមការបោះឆ្នោត អាចគ្រាន់តែជាការកំដរឆាកបក្សកាន់អំណាចប៉ុណ្ណោះ និងគ្មានឥទ្ធិពលជំរុញដល់ការស្ដារប្រព័ន្ធប្រជាធិបតេយ្យឱ្យប្រសើរឡើងវិញទេ បើពួកគេមិនរួបរួមគ្នាបង្កើតជាសំឡេងតែមួយទេនោះ។
ក្រោមដំបូលរដ្ឋធម្មនុញ្ញជិត៣០ឆ្នាំមកនេះ ការប្រកួតអំណាចនៅកម្ពុជាមិនទាន់បានអនុវត្តប្រព័ន្ធប្រជាធិបតេយ្យឱ្យបានពេញលេញ ដើម្បីការពារឯកភាពជាតិ បម្រើពលរដ្ឋ ដូចច្បាប់កំពូលនេះបានចែងទេ ដែលបញ្ហានេះបង្កឱ្យមានជម្លោះនយោបាយកើតឡើងស្ទើរគ្រប់អាណត្តិ។
មន្ត្រីជាន់ខ្ពស់របស់គណបក្សប្រជាជនកម្ពុជា អះអាងថា គោលនយោបាយឃុំ-សង្កាត់សម្រាប់ប្រកួតប្រជែងការបោះឆ្នោតនៅអាណត្តិទី៥ខាងមុខនេះ នៅតែផ្ដោតសំខាន់លើការបង្ក្រាបគ្រឿងញៀន។
អ្នកនាំពាក្យគណបក្សប្រជាជនកម្ពុជា អះអាងថា គោលនយោបាយសម្រាប់ការប្រកួតប្រជែងការបោះឆ្នោតឃុំ-សង្កាត់អាណត្តិទី៥ នៅឆ្នាំ២០២២នេះ នៅតែដាក់បញ្ចូលចំណុចពង្រឹងគុណភាពការដាំដុះ និងជួយរកទីផ្សារសម្រាប់លក់កសិផលជូនកសិករដូចគោលនយោបាយអាណត្តិមុនៗដែរ។
អ្នកភូមិប្រហែល៣០នាក់ មកពីខេត្តកណ្ដាល និងតាកែវ ដែលកំពុងមានបញ្ហាដីធ្លីជាមួយគម្រោងអភិវឌ្ឍន៍ព្រលានយន្តហោះអន្តរជាតិថ្មី (OCIC) បាននាំគ្នាប្រមូលផ្ដុំនៅមុខស្នាក់ការកណ្ដាលគណបក្សប្រជាជនកម្ពុជា នៅព្រឹកថ្ងៃអង្គារ ដើម្បីដាក់ញត្តិស្នើដល់ស្ថាប័នមួយនេះជួយដោះស្រាយសំណងដីធ្លីសមរម្យដល់ពួកគេ ប៉ុន្តែត្រូវបានបដិសេធដោយមន្ត្រីបក្សនៅទីនោះ។
នយោបាយក្នុងកម្រិតខ្ពស់ ជាសកម្មភាពស៊ីវិល័យដែលនាំមកនូវសន្តិភាព វិបុលភាព សុខុមាលភាពសង្គមសេដ្ឋកិច្ច ការគោរពសិទ្ធិមនុស្ស នីតិរដ្ឋ និងអភិបាលកិច្ចប្រជាធិបតេយ្យ។ ក្នុងន័យនេះ នយោបាយក្នុងសង្គមប្រជាធិបតេយ្យ មិនអាចខ្វះបាននូវគណបក្សនយោបាយដែលមានគុណភាពក្នុងការប្រកួតប្រជែងក្នុងទីលានអំណាចនយោបាយបែបប្រជាធិបតេយ្យនោះទេ។
យន្តការផ្ទេរអំណាចដោយសន្តិវិធីជាកត្តាចាំបាច់ ដែលប្រទេសប្រកាន់យកគោលការណ៍ប្រជាធិបតេយ្យបានប្រកាន់យក ព្រោះវាបានបញ្ចៀសជម្លោះនយោបាយ ជំរុញតម្លាភាពសង្គម។
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចប្រើប្រាស់ពេលវេលានៃការពិនិត្យនិងចុះឈ្មោះបោះឆ្នោត បម្រើឱ្យការបោះឆ្នោតជ្រើសរើសក្រុមប្រឹក្សាឃុំ-សង្កាត់សម្រាប់អាណត្តិទី៥ ដែលនឹងប្រព្រឹត្តទៅពេលខាងមុខ ត្រូវប្រើពេលច្រើនថ្ងៃដែលពុំធ្លាប់មាន បើប្រៀបធៀបទៅនឹងការបោះឆ្នោតជ្រើសរើសក្រុមប្រឹក្សាឃុំ-សង្កាត់កាលពី៤អាណត្តិកន្លងទៅ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
