លោកនាយករដ្ឋមន្ត្រី ហ៊ុន សែន សម្រេចដកអនុប្រធានគ្រប់គ្រងគ្រោះមហន្តរាយចេញពីតំណែងក្រោយហេតុការណ៍បាក់អគារនៅខេត្តព្រះសីហនុ។
លោកនាយករដ្ឋមន្ត្រី ហ៊ុន សែន បានសរសេរនៅលើហ្វេសបុកលោកនៅថ្ងៃនេះថា លោកបានសម្រេចចិត្តដកតំណែងជាទេសរដ្ឋមន្ត្រី និងជាអនុប្រធានគណៈកម្មាធិការជាតិគ្រប់គ្រងគ្រោះមហន្តរាយលោក ញឹម វណ្ណដា ចេញពីតំណែងដោយតែ ខ្វះការទទួលខុសត្រូវ និងភូតភរលោក។
ការដកតំណែងលោក ញឹម វណ្ណដា ចេញពីតំណែងនេះ គឺបន្ទាប់ពីផ្ទុះហេតុការណ៍បាក់អគារក្នុងខេត្តព្រះសីហនុ ដែលបានបណ្ដាលឲ្យមនុស្សស្លាប់នឹងរបួសជាច្រើននាក់កាលពីចុងសប្ដាហ៍មុន។
នៅថ្ងៃទី២៤ ខែមិថុនា ឆ្នាំ២០១៧ នេះដែរ លោកនាយករដ្ឋមន្ត្រី ហ៊ុន សែន ក៏បានសម្រេចតែងតាំងលោក គន់ គឹម ជំនួសលោកញឹម វណ្ណដា វិញ ចាប់ពីថ្ងៃនេះតទៅ។ នេះ បើតាមលិខិតនិងសេចក្តីសម្រេចរបស់រដ្ឋាភិបាល ដែលវីអូឌីទទួលបាន។
