កូវីដ-១៩, ទំនាក់ទំនងអន្តរជាតិ, ព័ត៌មានជាតិ

វ៉ាក់សាំងចិនចំនួន២លានដូសទៀតបានមកដល់កម្ពុជានៅថ្ងៃនេះ

ព័ត៌មានជាតិ កូវីដ-១៩ ទំនាក់ទំនងអន្តរជាតិ-

លោក សេង ថៃ
| ១៧ វិច្ឆិកា ២០២១
ម៉ោង ១១:២៨

វ៉ាក់សាំងកូវីដ-១៩ (ស៊ីណូវ៉ាក់ – Sinovac) ដែលបានបញ្ជាទិញពីចិន ចំនួន១,៥លានដូស មកដល់ព្រលានយន្តហោះភ្នំពេញអន្តរជាតិ រាជធានីភ្នំពេញ នាព្រឹកថ្ងៃទី២៦ ខែមីនា ឆ្នាំ២០២១។ (ជន ចាន់រ៉ែន)

វ៉ាក់សាំងបង្ការជំងឺកូវីដ-១៩ដែលជាជំនួយរបស់រដ្ឋាភិបាលចិនចំនួន២លានដូសបន្ថែមទៀត បានមកដល់ប្រទេសកម្ពុជា នៅព្រឹកថ្ងៃទី១៧ ខែវិច្ឆិកានេះ។

លោកនាយករដ្ឋមន្ត្រី ហ៊ុន សែន និងឯកអគ្គរដ្ឋទូតចិនប្រចាំនៅកម្ពុជា បានអញ្ជើញទៅទទួលដោយផ្ទាល់នៅឯព្រលានយន្តហោះអន្តរជាតិភ្នំពេញ។

ប្រទេសចិនបានក្លាយជាប្រទេសឈានមុខគេក្នុងការផ្គត់ផ្គង់វ៉ាក់សាំងបង្ការជំងឺកូវីដ-១៩ មកដល់ប្រទេសកម្ពុជា។ គិតចាប់តាំងពីការផ្ដល់ជូនដំបូងដល់កម្ពុជា នៅថ្ងៃទី៧ ខែកុម្ភៈ ឆ្នាំ២០២១មក កម្ពុជាបានទទួលជំនួយវ៉ាក់សាំងការពារជំងឺកូវីដ-១៩ ពីរដ្ឋាភិបាលចិនចំនួនជាង៦លានដូស និងបានបញ្ជាទិញពីក្រុមហ៊ុនចិនចំនួនជាង៣៤លានដូស។

គិតត្រឹមថ្ងៃទី១៤ ខែវិច្ឆិកា កម្ពុជាបានចាក់វ៉ាក់សាំងការពារជំងឺកូវីដ-១៩ ជូនដល់ប្រជាពលរដ្ឋខ្មែរដែលមានអាយុចាប់ពី៥ឆ្នាំឡើង បានចំនួនសរុបជាង១៤លាននាក់ ស្មើនឹងជិត៨៨ភាគរយនៃប្រជាពលរដ្ឋសរុប១៦លាននាក់៕

COVID19, កូវីដ១៩, វ៉ាក់សាំងកូវីដ១៩, វ៉ាក់សាំងចិន

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។