ប្រទេសកម្ពុជាបានចាប់ផ្ដើមដំណើរការធ្វើជំរឿនស្ថិតិប្រជាជនរបស់ខ្លួននៅថ្ងៃអាទិត្យនេះ ដែលជាជំរឿនលើកទី៣ នៅក្នុងរយៈពេល ២០ឆ្នាំចុងក្រោយមកនេះ។
រដ្ឋសភាកម្ពុជាដែលកាន់កាប់អាសនៈទាំងអស់ដោយតំណាងរាស្ត្ររបស់បក្សកាន់អំណាចនោះ បានសម្រេចកែប្រែច្បាប់គណបក្សនយោបាយកាលពីពាក់កណ្ដាលខែធ្នូឆ្នាំមុន ជាការបើកផ្លូវឲ្យអតីតថ្នាក់ដឹកនាំបក្សប្រឆាំង អាចវិលទៅប្រឡូកក្នុងឆាកនយោបាយឡើងវិញ ក្រោយត្រូវបានហាមឃាត់សិទ្ធិធ្វើនយោបាយរយៈពេល ៥ឆ្នាំនោះ។ ប៉ុន្តែ មានតែថ្នាក់ដឹកនាំបក្សសង្គ្រោះជាតិ ៣រូបប៉ុណ្ណោះ ទទួលបានសិទ្ធិធ្វើនយោបាយឡើងវិញ ក្រោយពីការកែប្រែច្បាប់នោះចូលជាធរមានមក។
សហភាពអឺរ៉ុប(EU)ផ្តល់ជំនួយជិត១លានដុល្លារ ដើម្បីចូលរួមចំណែកជាមួយអាជ្ញាធរថ្នាក់មូលដ្ឋានលើផ្នែកអភិបាលកិច្ចល្អ និងការអភិវឌ្ឍន៍ថ្នាក់ក្រោមជាតិ។
របាយការណ៍របស់ក្រសួងមហាផ្ទៃបង្ហាញថា ចំនួននៃបទល្មើសចោរឆក់ឥវ៉ាន់នៅឆ្នាំ២០១៨ មានការកើនឡើងជាង៣០០ករណីបើប្រៀបធៀបជាមួយឆ្នាំ២០១៧។ នេះបើតាមការចុះផ្សាយរបស់គេហទំព័រនគរបាលជាតិ។
អាជ្ញាធរជាតិអប្សរាជូនដំណឹងទៅស្ថាប័នជាតិ និងអន្តរជាតិ ជួយណែនាំភ្ញៀវទេសចរទាំងអស់កុំឲ្យបរិភោគអាហារក្នុងបរិវេណប្រាសាទ អំឡុងពេលចូលទស្សនាប្រាសាទអង្គរវត្ត និងបាយ័ន ដោយថា ប្រាសាទទាំងពីរនេះ ជាទីគោរពសក្ការៈដ៏ស័ក្តិសិទ្ធិ និងជាដួងព្រលឹងរបស់ជាតិខ្មែរទាំងមូល។
ក្រសួងធនធានទឹក និងឧតុនិយម ណែនាំឲ្យពលរដ្ឋមានការប្រុងប្រយ័ត្នចំពោះបាតុភូតរន្ទះ និងខ្យល់កន្ត្រាក់ដែលអាចកើតមានឡើងជាយថាហេតុ ក្នុងរយៈពេលមួយសប្តាហ៍នេះ។
រដ្ឋាភិបាលកម្ពុជា ជំរុញឲ្យប្រទេសឥណ្ឌា និងប៉ាគីស្ថាន រក្សាការអត់ធ្មត់ខ្ពស់បំផុត ហើយធ្វើការដោះស្រាយទំនាស់នៅតំបន់កាស្មៀរដោយសន្តិវិធី។
នគរបាលរាជធានីភ្នំពេញ អះអាងថា នរគរបាលរាជធានីភ្នំពេញ បានរកឃើញក្លឹបកម្សាន្ត និងបារបារាំងជិត ១៣០០កន្លែង បានប្រើប្រាស់គ្រឿងញៀន ក្នុងនោះក្លឹបជាង ១ពាន់កន្លែង បានធ្វើកិច្ចសន្យាដើម្បីបញ្ឈប់ការប្រើប្រាស់ និងចែកចាយគ្រឿងញៀនរួចហើយ។
ពលរដ្ឋខ្មែរជិត ៣០នាក់ ក្នុងនោះភាគច្រើនជាកុមារ ត្រូវបានអាជ្ញាធរវៀតណាមចាប់បញ្ជូនមកប្រទេសកំណើតវិញកាលពីថ្ងៃម្សិលមិញនេះ ក្រោយឆ្លងដែនខុសច្បាប់ចូលទៅវៀតណាម។ នេះបើតាមអគ្គនាយកដ្ឋានអន្តោប្រវេសន៍កម្ពុជា។
រដ្ឋាភិបាលលើកឡើងថា ចំណូលពន្ធគយក្នុងឆ្នាំ២០១៨កន្លងទៅ កម្ពុជាទទួលបានប្រមាណ១០ ទ្រីលានរៀល ឬស្មើនឹងជាង២ ៥០០លានដុល្លារអាមេរិក កើនលើសឆ្នាំ២០១៧ប្រមាណ៣២ភាគរយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
