មន្ត្រីជាន់ខ្ពស់គណបក្សកាន់អំណាច ប្រាប់មន្ត្រីនៅក្រោមឱវាទទាំងអស់ត្រូវយកចិត្តទុកដាក់ពន្លឿនដោះស្រាយរឿងអយុត្តិធម៌ដែលនៅសេសសល់ជូនប្រជាពលរដ្ឋ ដើម្បីកុំឱ្យបាត់បង់សំឡេងគាំទ្រគណបក្សប្រជាជនកម្ពុជាបន្ថែមទៀត ខណៈការបោះឆ្នោតថ្នាក់ជាតិកាន់តែខិតជិតចូលមកដល់។
ក្រសួងសាធារណការ និងដឹកជញ្ជូន បានអំពាវនាវដល់ម្ចាស់រថយន្តធុនធំ ក៏ដូចជាក្រុមហ៊ុនដឹកជញ្ជូន មិនត្រូវឆ្លៀតឱកាសក្នុងការប្រមូលផ្ដុំ ដើម្បីស្នើសុំលើលក្ខខណ្ឌណាមួយពាក់ព័ន្ធនឹងការកែច្នៃចង្កូតរថយន្តពីស្ដាំមកឆ្វេង ខណៈមន្ត្រីជំនាញកំពុងពិភាក្សានិងពិចារណាលើមតិសំណូមពរ។
អគ្គនាយកដ្ឋានគយ និងរដ្ឋាករកម្ពុជា អះអាងពីការរឹតបន្តឹងតាមច្រកព្រំដែន ជាពិសេសព្រំដែនកម្ពុជា-ថៃ ដើម្បីទប់ស្កាត់ការបន្លំនាំចូលរថយន្តចង្កូតស្តាំមកកម្ពុជាតទៅទៀត ខណៈអង្គភាពនេះមិនទាន់មានទិន្នន័យពីចំនួនរថយន្តចង្កូតស្តាំគ្មានពន្ធដែលមានស្រាប់សរុបនៅទូទាំងប្រទេសនៅឡើយ។
លោកនាយករដ្ឋមន្ត្រី ហ៊ុន សែន សម្រេចអនុញ្ញាតឱ្យម្ចាស់រថយន្តចង្កូតស្ដាំ អាចបង់ពន្ធបាន ដោយមិនចាំបាច់ដូរចង្កូត ប៉ុន្តែការអនុញ្ញាតនេះសម្រាប់តែរថយន្តចង្កូតស្ដាំដែលធ្វើចរាចរនៅកម្ពុជាប៉ុណ្ណោះ ហើយសម្រាប់ការនាំចូលរថយន្តចង្កូតស្ដាំបន្ថែម គឺហាមដាច់ខាត។
រដ្ឋាភិបាលកម្ពុជាតាមរយៈអន្តរក្រសួងបានសម្រេចជាផ្លូវការក្នុងការកំណត់ប្រាក់សោធននិវត្តន៍ ឬប្រាក់ចូលនិវត្តន៍ ចាប់ពីដើមខែកក្កដា ឆ្នាំ២០២២នេះទៅ ហើយអ្នកដែលទទួលបានប្រាក់ចូលនិវត្តន៍នេះ គឺទាំងបម្រើការងារនៅក្នុងវិស័យឯកជននិងរដ្ឋ ក្រោយដល់អាយុកំណត់ដោយច្បាប់។
ក្រុមអ្នកជំនាញអភិបាលកិច្ច និងគោលនយោបាយ មើលឃើញថា ការបង្កើនគណៈអភិបាលរាជធានី-ខេត្ត និងគណៈអភិបាលនៅថ្នាក់ក្រោមជាតិ ដែលមានចំនួនច្រើនជាងអាណត្តិមុនៗនោះ គឺជាយុទ្ធសាស្រ្តនយោបាយច្រើនជាងប្រសិទ្ធភាពការងារ ហើយក៏នាំឱ្យការចំណាយចរន្តកាន់តែមានទំហំធំជាងមុនដែរ ខណៈចំណូលសេដ្ឋកិច្ចជាតិស្ថិតក្នុងកម្រិតដែលមិនទាន់សមាមាត្រទៅនឹងតួលេខដែលរដ្ឋាភិបាលបានបង្កើនចំនួននេះនៅឡើយ។
យោងតាមវីដេអូមួយដែលត្រូវបានបង្ហោះក្នុងគណនីហ្វេសប៊ុករបស់មន្រ្តីសមាគមអាដហុកមួយរូប បានបង្ហាញឱ្យឃើញពីសកម្មភាពរបស់អភិបាលខេត្តបន្ទាយមានជ័យ លោក អ៊ុំ រាត្រី ដែលបានស្តីបន្ទោសខ្លាំងៗលើអភិបាលស្រុកភ្នំស្រុក លោក ជូ បុត្រ ទាក់ទងនឹងការរៀបចំបញ្ជីឈ្មោះពលរដ្ឋមិនគ្រប់គ្រាន់ដើម្បីចូលរួមពិធីមួយដែលនឹងត្រូវចូលរួមដោយលោកនាយករដ្ឋមន្ត្រីនៅក្នុងសប្ដាហ៍នេះ។
លោកនាយករដ្ឋមន្ត្រី ហ៊ុន សែន និងជាប្រធានគណបក្សប្រជាជនកម្ពុជា បានប្ដេជ្ញាចិត្តធ្វើឱ្យឃុំសង្កាត់មានភាពរីកចម្រើន និងធ្វើឱ្យប្រជាពលរដ្ឋរស់នៅក្នុងភាពសុខដុមរមនា ទាំងក្នុងសហគមន៍និងសង្គមជាតិ ដើម្បីឆ្លើយតបទៅនឹងការសន្យារបស់ខ្លួននាពេលឃោសនារកសំឡេងឆ្នោតថ្មីៗនេះ។
ប្រមុខរដ្ឋាភិបាល លោក ហ៊ុន សែន សម្រេចកំណត់ចំនួនគណៈអភិបាលរាជធានី-ខេត្តសរុបចំនួន២៧៥រូប និងគណៈអភិបាលក្រុង-ស្រុក-ខណ្ឌ សរុបចំនួន១ ៤២៨នាក់ នៅទូទាំងប្រទេស នាឆ្នាំ២០២២នេះ តាមសំណើរដ្ឋមន្ត្រីក្រសួងមហាផ្ទៃ។
មន្ត្រីជាន់ខ្ពស់រដ្ឋសភាលើកឡើងថា កន្លងមក រដ្ឋាភិបាលជួបឧបសគ្គច្រើនក្នុងការជំរុញឱ្យមន្ត្រី និងស្ថាប័នរដ្ឋ មានភាពស្អាតស្អំ និងគ្មានអំពើពុករលួយក្នុងកិច្ចការរដ្ឋបាលសាធារណៈ ដែលការណ៍នេះបានធ្វើឱ្យខាតប្រយោជន៍ជាតិ និងប៉ះពាល់ដល់ពលរដ្ឋដែលជាអ្នកបង់ពន្ធជូនរដ្ឋ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
