សង្គមស៊ីវិលបារម្ភថាធនធានជាតិនឹងបន្តបាត់បង់ បើសំណុំរឿងបាត់ប្រេងឆៅខ្វះការទទួលខុសត្រូវ
ក្រុមអង្គការសង្គមស៊ីវិលបង្ហាញការព្រួយបារម្ភពីការកើតឡើងជាថ្មីទៀតនូវការគប់គិតគ្នាជាទ្រង់ទ្រាយធំ ប្រព្រឹត្តអំពើពុករលួយ លួចធនធានជាតិធ្វើជាសម្បត្តិផ្ទាល់ខ្លួន បើរដ្ឋាភិបាលខ្វះឆន្ទៈវែកមុខមន្ត្រីខិលខូចមកផ្ដន្ទាទោស ខណៈរឿងរសើបលួចប្រេងឆៅជិត៣០ម៉ឺនធុង ត្រូវបានមន្ត្រីចេញមុខបកស្រាយថា ជាការប៉ិនប្រសព្វរបស់អ្នកជំនួញអន្តរជាតិ មិនជាប់ពាក់ព័ន្ធនឹងអំពើពុករលួយរបស់មន្ត្រីកម្ពុជាណាម្នាក់នោះទេ។