នៅតាមតំបន់មួយចំនួន ក្នុងខេត្តបាត់ដំបង ដូចជាស្រុកឯកភ្នំ ស្រុកសង្កែ និងស្រុកថ្មគោល ជាដើម កសិករហាក់មមាញឹកក្នុងការប្រមូលផលស្រូវស្រងែ នៅពាក់កណ្ដាលខែវស្សានេះ ដោយកសិករខ្លះកំពុងបញ្ជាម៉ាស៊ីនច្រូត និងខ្លះទៀតបរគោយន្តកន្ត្រៃដឹកស្រូវ។ តែយ៉ាងណា កសិករហាក់មិនសូវសប្បាយចិត្តនឹងទិន្នផលទាំងនេះនោះទេ ដោយសារទិន្នផលមានតម្លៃថោក។
ប្រធានព្រឹទ្ធសភា លោក ហ៊ុន សែន ប្រកាសទុករយៈពេល២៤ម៉ោង ឱ្យភាគីថៃដើម្បីធ្វើឱ្យស្ថានភាពតាមច្រកព្រំដែនវិលត្រឡប់ទៅស្ថានភាពដើមវិញ បើមិនដូច្នោះទេ កម្ពុជានឹងបិទការនាំចូលបន្លែ និងផ្លែឈើថៃនៅគ្រប់ច្រកព្រំដែនទាំងអស់។
សមាជរដ្ឋសភា និងព្រឹទ្ធសភាកម្ពុជា នៅថ្ងៃទី៣ ខែមិថុនានេះ កំពុងដំណើរពិភាក្សាលើប្រធានបទសំខាន់ទីបី នោះគឺវិស័យកសិកម្ម។ កិច្ចប្រជុំនេះនឹងដំណើរការទៅរយៈពេលមួយថ្ងៃពេញ ដឹកនាំដោយប្រធានព្រឹទ្ធសភា លោក ហ៊ុន សែន ដោយមាននាយករដ្ឋមន្ត្រី មន្ត្រីរាជការ និងតំណាងរាស្ត្រចូលរួមចំនួន១៨២នាក់។
បញ្ហាកសិផលគ្មានទីផ្សារ បានក្លាយទៅជាវិបត្តិសង្គមរីកកាន់តែធំឡើងៗ ធ្វើឱ្យប្រជាកសិករខ្មែរកាន់តែច្រើនឡើង បានទុកដីស្រែដីចម្ការរបស់ខ្លួនចោល ហើយធ្វើចំណាកស្រុកឡើងស្ងាត់ភូមិទៅកាន់ប្រទេសថៃ និងទៅតាមតំបន់ផ្សេងទៀត ដើម្បីរកប្រាក់បង់សងធនាគារ។
ការដែលឈ្មួញអាចទម្លាក់តម្លៃកសិផលតាមទំនើងចិត្ត នារដូវប្រមូលផលច្រើនទសវត្សរ៍ ធ្វើឱ្យកសិករជាប់ផុងក្នុងអន្ទាក់បំណុលតជំនាន់នោះ បណ្តាលមកពីកត្តាធំៗ៤ ក្នុងនោះរួមទាំងកង្វះឆន្ទៈរបស់ស្ថាប័នរដ្ឋ ក្នុងការជំរុញឱ្យឈ្មួញចុះកិច្ចសន្យាតំណត់តម្លៃកសិផលជាមុន ជាមួយកសិករមុនធ្វើការផលិត។
អនុប្រធានទី១ក្រុមប្រឹក្សាអភិវឌ្ឍន៍កម្ពុជា លោក ស៊ុន ចាន់ថុល បាននិយាយថា ធនធានទឹកជាចំនុចស្នូលនៃវិស័យកសិកម្ម និងធានាសន្តិសុខស្បៀង ជាយុទ្ធសាស្ត្រអាទិភាពរបស់រដ្ឋាភិបាល ជំរុញការលើកកម្ពស់ជីវភាពប្រជាពលរដ្ឋ ខណៈកសិករខ្លះប្រឈមខ្វះទឹកធ្វើស្រែ និងចិញ្ចឹមសត្វ។
នៅឆ្នាំនេះ ក៏មិនខុសពីឆ្នាំមុនៗដែរ ប្រជាកសិករបានជួបវិបត្តិទីផ្សារជាថ្មីទៀត ដោយស្រូវនិងដំឡូងមី រួមទាំងកសិផលផ្សេងទៀតចុះថោក ។ រីឯក្រសួងកសិកម្ម ក៏ដូចជារដ្ឋាភិបាល ក្រៅពីបន្ទោសប្រជាពលរដ្ឋថា មកពីយកពូជស្រូវវៀតណាមមកដាំដុះ មិនដាំដុះពូជស្រូវខ្មែរ ដែលមានតម្រូវការទីផ្សារនោះ គេមិនឃើញមានវិធានការអ្វីជាដុំកំភួនក្រៅពីជំរុញឱ្យប្រជាកសិករ ចូលរួមបង្កើតសហគមន៍កសិកម្មទំនើប ដើម្បីកាត់បន្ថយថ្លៃដើមផលិតកម្ម និងងាកមកដាំដុះពូជស្រូវខ្មែរនោះឡើយ
រឿងកសិផលរបស់កសិករធ្លាក់ថ្លៃ គ្មានទីផ្សារ នៅរដូវប្រមូលផលចូលមកដល់ វាមិនមែនជារឿងថ្មីនោះទេ ពីព្រោះរឿងនេះ វាបានកើតឡើងជារៀងរាល់ឆ្នាំរាប់សិបឆ្នាំមកហើយ ហើយរដ្ឋាភិបាលពីមួយអាណត្តិទៅមួយអាណត្តិ ក៏នៅតែមិនឃើញអាចដោះស្រាយបញ្ចប់បញ្ហានេះបានដែរ ដែលហេតុដូច្នេះហើយ ទើបធ្វើឱ្យប្រជាកសិករជាច្រើន នៅតែមិនអាចងើបមុខរួចពីភាពក្រីក្រ រហូតដល់កសិករខ្លះធ្លាក់ខ្លួនជំពាក់បំណុលគេវ័ណ្ឌក ហើយត្រូវបង្ខំចិត្តលក់ដីលក់ស្រែសងបំណុលគេក៏មាន។
ក្រុមមន្ត្រីអន្តរក្រសួង បានទទួលយកសំណើររបស់ប្រជាកសិករជាង ៣ពាន់គ្រួសារ នៅស្រុកបាទី ខេត្តតាកែវ ដោយក្រសួងធនធានទឹក និងឧតុនិយម នឹងបូមទឹកពីទន្លេបាទីដាក់ចូលក្នុងប្រឡាយដែលរីងស្ងួត ដើម្បីជួយសង្គ្រោះស្រូវប្រាំងដែលកំពុងខ្វះទឹកស្រោចស្រព។
ប្រជាកសិករប្រមាណ ១៥០នាក់ បានប្រមូលផ្តុំគ្នាតវ៉ា នៅព្រឹកថ្ងៃអង្គារនេះ ដោយបិទកំណាត់ផ្លូវជាតិលេខ២ ប្រមាណជាង១ម៉ោង នៅចំណុចឃុំកណ្តឹង ស្រុកបាទី ខេត្តតាកែវ ទាមទារឱ្យក្រសួងស្ថាប័ន និងអាជ្ញាធរពាក់ព័ន្ធ ដោះស្រាយបូមទឹកស្រោចស្រពដំណាំស្រែប្រាំងរបស់ពួកគាត់ ដែលប្រឈមនឹងការខូចខាតដោយសារខ្វះទឹក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
