រដ្ឋមន្ត្រីក្រសួងកសិកម្ម ហាក់បានស្តីបន្ទោសកសិករមួយចំនួន ដែលបានតវ៉ាត្អូញត្អែរ ពិវិបត្តិទីផ្សារលក់ផលិតផលដែលធ្វើឱ្យពួកគេលក់បានតម្លៃថោក ប្រឈមនឹងបញ្ហាជីវភាព ដែលជាដើមហេតុជំរុញឱ្យគេសម្រេចធ្វើចំណាកស្រុកទំាងគ្រួសារទៅរកការងារនៅប្រទេសជិតខាង ដើម្បីទប់ទល់នឹងបញ្ហាអត់ឃ្លាន។
កសិករដាំដំឡូងមី នៅតាមបណ្តាខេត្តមួយចំនួន បានសម្តែងការអស់សង្ឃឹម ខណៈឆ្នាំនេះដំឡូងមីបានធ្លាក់ថ្លៃយ៉ាងគំហុក ដែលការណ៍នេះ ជំរុញឱ្យមានការលើកឡើងថា បញ្ហាទាំងអស់នេះ មកពីកម្សោយនៃការប្តេជ្ញាចិត្ត របស់រដ្ឋាភិបាល ធ្វើឱ្យក្រុមឈ្មួញកំណត់វាសនាកសិករខ្មែរ។
ក្រសួងចំនួន២ និងសមាគមដំឡូងមី គ្រោងជួបប្រជុំគ្នា ដើម្បីរកដំណោះស្រាយពីបញ្ហាតម្លៃដំឡូងមី ខណៈប្រជាកសិករ ដែលដាំដំណាំប្រភេទនេះ បានត្អូញត្អែរពីតម្លៃដំឡូងមីធ្លាក់ថ្លៃដល់ក្រោម ២០០រៀលក្នុងមួយគីឡូក្រាម ដែលធ្វើឱ្យពួកគាត់ប្រឈមនឹងការខាតបង់ច្រើន។
រដ្ឋាភិបាល អំពាវនាវឱ្យប្រជាពលរដ្ឋ ដែលមានបំណងចង់ធ្វើប្រហុក ផ្អក និងធ្វើត្រីឆ្អើជាដើម រួសរាន់ទៅកាន់ទីតាំងប្រមូលផលនេសាទ ដោយថា ចាប់ផ្តើមខែនេះទៅ ត្រីចាប់ផ្តើមបន្លាស់ទី ចូលទៅបឹងទន្លេសាប ទន្លេមេគង្គ និងទន្លេបាសាក់ វិញ ដែលជាអំណោយផល នៃការប្រមូលផលនេសាទ។
ខណៈកសិករតាមបណ្តាខេត្តមួយចំនួននិយាយថា ស្រូវលក់បានថោកប្រឈមនឹងវិបត្តិបំណុលនោះ រដ្ឋលេខាធិការក្រសួងកសិកម្ម លោក បណ្ឌិត យ៉ង សំាងកុមារ ប្រាប់ពីប្រភេទស្រូវមានទីផ្សារ ដែលកសិករអាចលក់បានក្នុងតម្លៃសមរម្យលើ ១ពាន់រៀល ក្នុងមួយគីឡូក្រាម។
សាលាខេត្តពោធិ៍សាត់ ដែលជាខេត្តជាប់បឹងទន្លេសាប បានជូនដំណឹងឱ្យកសិករផ្អាកធ្វើស្រែប្រាំងលើកទី២ ដើម្បីបញ្ចៀសការខាតបង់ទាំងសម្ភារ ថវិកា ដោយសំអាង ពីមូលហេតុខ្វះទឹក។
ប្រជាកសិករមួយចំនួន បានស្នើឱ្យរដ្ឋាភិបាលបន្តរក្សាតម្លៃស្រូវជាង១ពាន់រៀលក្នុងមួយគីឡូ ដូចឆ្នាំមុន ក្រោមហេតុផលថា តម្លៃនេះ ទើបអាចទូទាត់ថ្លៃចំណាយលើជី ការភ្ជួររាស់ និងកម្លាំងពលកម្មបាន។
កសិករដាំដំឡូងមីមួយចំនួន ត្អូញត្អែរជុំវិញតម្លៃដំឡូងមីធ្លាក់ថ្លៃ ដែលថាពិបាកក្នុងការទូទាត់លើការចំណាយថ្លៃដើម និងពេលវេលាក្នុងការដាំដុះ ប្រឈមនឹងបញ្ហាជីវភាព ដែលទាមទារឱ្យរដ្ឋាភិបាលជួយរកទីផ្សារលក់ផលិតផលក្នុងតម្លៃសមរម្យ ដើម្បីកុំឱ្យពួកគេរួមរឹតដោយវិបត្តិបំណុល។ ការបន្សល់ទុកវិបត្តិទីផ្សារសម្រាប់លក់កសិកផល ក្នុងវិស័យកសិកម្មច្រើនឆ្នាំទៅនេះ វាបានឆ្លុះបញ្ចាំងថា រដ្ឋាភិបាលគ្រួសារហ៊ុន បានបរាជ័យការអនុវត្តគោលនយោបាយគាំពារកសិករ មិនបានបំពេញកាតព្វកិច្ច ដើម្បីបម្រើប្រជាពលរដ្ឋ តបតាមស្មារតីរដ្ឋធម្មនុញ្ញទៀតផង។ កសិករជាជនជាតិដើមភាគតិចព្នង រស់នៅក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី ដែលជាខេត្តជាប់ព្រំដែនវៀតណាម អ្នកស្រី ភ្លឹក ភារម្យ មានប្រសាសន៍ថា នៅខេត្តមណ្ឌលគិរី តម្លៃទីផ្សារដំឡូងមីស្រស់បានធ្លាក់ថ្លៃពី ៥៣០រៀលក្នុងមួយគីឡូ កាលពីឆ្នាំមុន មកត្រឹម ៣១០រៀលប៉ុណ្ណោះនៅក្នុងឆ្នាំនេះ។ កសិករមានផ្ទៃដីដាំដំឡូងមី ទំហំ៣ហិកតារូបនេះ បានអះអាងថា តម្លៃត្រឹមជាង ៣០០រៀលក្នុងមួយគីឡូនេះ ពុំអាចទូទាត់លើការចំណាយថ្លៃដើម ថ្លៃដកដំឡូង ៧ម៉ឺនរៀលក្នុងមួយតោន និងថ្លៃដឹកជញ្ជូន ៧ម៉ឺនរៀលក្នុងមួយតោន នោះទេ។ អ្នកស្រី បន្តថា នៅក្នុងតំបន់របស់អ្នកស្រី លុះត្រាតែដំឡូងមីស្រស់ មានតម្លៃ ៦០០រៀល ទើបជាតម្លៃសមរម្យ និងអាចទប់ទល់នឹងការចំណាយបាន។
ក្រសួងកសិកម្ម រុក្ខាប្រមាញ់ និងនេសាទ គ្រោងសាកល្បងរៀបចំឃុំចំនួន១០ នៅតាមបណ្ដាខេត្តមួយចំនួនឱ្យក្លាយទៅជាឃុំ កសិកម្មគំរូនៅក្នុងឆ្នាំនេះ ដើម្បីជួយដល់ប្រជាកសិករ និងលើកស្ទួយវិស័យកសិកម្មឱ្យមានការរីកចម្រើន។
រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ អំពាវនាវទៅប្រជាពលរដ្ឋដែលចង់ធ្វើប្រហុក ផ្អក ត្រីឆ្អើរ ឬទឹកត្រី សម្រាប់ទុកបរិភោគប្រចាំឆ្នាំ អាចរកទិញត្រីបានក្នុងភូមិសាស្ត្រខេត្តកណ្ដាល និងរាជធានីភ្នំពេញ ចាប់ពីថ្ងៃព្រហស្បតិ៍ស្អែកនេះទៅ ដោយសារជារដូវត្រី ឬអ្នកនេសាទនឹងរកត្រីបានច្រើន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
