ក្រោយពលរដ្ឋភៀសសឹកផ្ទុះការតវ៉ា រដ្ឋបាលខេត្តបន្ទាយមានជ័យបានចេញបំភ្លឺថា ការផ្តល់ផ្ទះឱ្យអ្នករងគ្រោះពីការឈ្លានពានរបស់ថៃ ធ្វើឡើងជាជំហានៗ តាមរយៈនៃការចាប់ឆ្នោតតាមលំដាប់លំដោយ រវាងអ្នកចុះឈ្មោះមុននិងអ្នកចុះឈ្មោះក្រោយ។
កម្ពុជាបង្ហាញការសោកស្តាយ ប្រសិនបើភាគីថៃដកខ្លួនពីអនុស្សរណៈនៃការយោគយល់គ្នាឆ្នាំ២០០១ ហៅ(MOU-2001)ពាក់ព័ន្ធនឹងដែនសមុទ្រ ដោយថា ការដកខ្លួនជាឯកតោភាគីរបស់ថៃនេះ ជាជំហានមួយងាកចេញពីស្មារតីសហប្រតិបត្តិការដែលជាមូលដ្ឋានគ្រឹះនៃឯកសារនេះ។
អ្នកធ្វើការផ្នែកសិទ្ធិមនុស្ស សាទរចំពោះសាលាឧទ្ធរណ៍បាត់ដំបង ដែលសម្រេចដោះលែងអ្នកសារព័ត៌មានអនឡាញ លោក ហែម វណ្ណា ឱ្យនៅក្រៅឃុំបណ្តោះអាសន្ន និងបានស្នើដល់តុលាការពិចារណាទម្លាក់បទចោទទៅលើរូបគាត់ រួមនិងការដោះលែងអ្នកសារព័ត៌មាន និងអ្នកជាប់ឃុំដោយសារការបញ្ចេញមតិផ្សេងទៀត ដើម្បីស្តារមុខមាត់កម្ពុជាឡើងវិញពីការរិះគន់។
សហមេធាវីការពារក្តីលោក កឹម សុខា និងក្រុមអ្នកតាមដាន ទាមទារឱ្យសាលាឧទ្ធរណ៍ បដិសេធសាលក្រមចោទប្រកាន់របស់សាលាដំបូង ដោយចាត់ទុកថា ការចោទជារឿងអយុត្តិធម៌ សម្រាប់មេដឹកនាំបក្សប្រឆាំងរូបនេះ ខណៈការកាត់ក្តីបានអូសពេលជិត១០ឆ្នាំ ដែលជឿថាមានចរិតនយោបាយ។
អ្នកជំនាញកិច្ចការព្រំដែន បន្តជំរុញឱ្យរដ្ឋាភិបាលលោកហ៊ុន ម៉ាណែត នៃបក្សប្រជាជនដាក់កងកម្លាំងឈរជើងការពារទឹកដីខ្មែរនៅលើដីជាក់ស្តែង ដើម្បីទប់ស្កាត់ការបន្តរុលចូលវាទយកទឹកដីខ្មែរតាមអំពើចិត្តជារៀងរាល់ថ្ងៃ ពីសំណាក់ទាហានថៃ និងត្រូវដាក់ពាក្យប្តឹងថៃជាបន្ទាន់ ជាជាងការបន្តចេញលិខិតថ្កោលទោសអំពើឈ្លានពានរបស់ថៃ និងស្នើឱ្យថៃចូលតុចរចា ខណៈថៃហាក់មិនអើពើចំពោះលិខិតជាង៧០០លើករបស់កម្ពុជាក្នុងរយៈពេលជាច្រើនខែមកនេះ។
ភាពស្របច្បាប់នៃអំណាចរបស់លោក ហ៊ុន ម៉ាណែត ក្នុងដំណាក់កាលអន្តរកាលនយោបាយកម្ពុជា តម្រូវឱ្យយើងពិនិត្យមើលទៅលើទិដ្ឋភាពពីរ ដែលហាក់មានលក្ខណៈផ្ទុយគ្នាស្រឡះ គឺរូបភាពដែលបង្ហាញទៅកាន់សហគមន៍អន្តរជាតិ និងតថភាពជាក់ស្តែងដែលកើតមានឡើងនៅក្នុងប្រទេស។
គិតត្រឹមថ្ងៃទី៨ ខែមេសា ឆ្នាំ២០២៦នេះ សំណុំរឿងរបស់លោក កឹម សុខា ដែលត្រូវបានកាត់ទោសឱ្យជាប់ឃុំក្នុងផ្ទះ ២៧ ឆ្នាំ តាំងពីឆ្នាំ២០២៣ ហើយត្រូវសាលាឧទ្ធរណ៍បើកសវនាការថ្ងៃនេះ ដែលគេជឿថាជាចំណុចរបត់ដ៏សំខាន់មួយឆ្លុះបញ្ចាំងពីឆន្ទៈនយោបាយពិតប្រាកដរបស់ លោក ហ៊ុន សែន និងលោក ហ៊ុន ម៉ាណែត ក្នុងការស្តារមុខមាត់លើឆាកអន្តរជាតិឡើងវិញ។
ពលរដ្ឋភៀសសឹក នៅភូមិបន្ទាយមានឫទ្ធិ ឃុំគោករមៀត ស្រុកថ្មពួក ខេត្តបន្ទាយមានជ័យ បានផ្ទុះការតវ៉ា ដោយចោទអាជ្ញាធរថា ការបែងចែកផ្ទះឱ្យពួកគាត់ ស្នាក់នៅបណ្តោះអាសន្នធ្វើឡើងខ្វះតម្លាភាព ប្រកាន់បក្ខពួក ដែលបញ្ហានេះ សង្គមស៊ីវិលនិងគណបក្សប្រឆាំង ជំរុញរដ្ឋាភិបាលពិនិត្យឡើងវិញ ដើម្បីកុំឱ្យគេជួបវិបត្តិផ្ទួនៗ ក្រោយរងគ្រោះដោយថៃឈ្លានពាន។
ខណៈអ្នកនយោបាយប្រឆាំងនៅតែទទួលរងការធ្វើទុក្ខបុកម្នេញ ពីគណបក្សកាន់អំណាចរបស់ លោក ហ៊ុន សែន ប្រធានព្រឹទ្ធសភា អ្នកឃ្លាំមើលជំរុញឱ្យអ្នកនយោបាយប្រឆាំងរួបរួមគ្នា ទើបអាចឈានទៅបញ្ចប់នយោបាយដឹកនាំប្រទេសជិះសេះលែងដៃ ធ្វើអ្វីៗតាមតែអំពើចិត្តរបស់បក្សប្រជាជន ដោយថា ការមិនរួបរួមសាមគ្គីគ្នា គឺជារូបមន្តចាញ់ដូចដែលបានកើតឡើងនាពេលកន្លងមក។
មន្ត្រីជាន់ខ្ពស់នៅខេត្តព្រះសីហនុ បានទម្លាយឱ្យដឹងថា ត្រឹមរយៈពេល២ថ្ងៃចុងសប្តាហ៍នេះ សមត្ថកិច្ចជំនាញបានចាប់ឃាត់ខ្លួនជនសង្ស័យចំនួន ១២១នាក់ ដែលភាគច្រើនជាជនជាតិចិន ពាក់ព័ន្ធនឹងបទឧក្រិដ្ឋឆបោកតាមអនឡាញនៅក្នុងខេត្តនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
