កម្ពុជា តាមរយៈក្រសួងមហាផ្ទៃ បានទម្លាយឱ្យដឹងកាលពីថ្ងៃពុធ ពីដំណឹងចាប់ខ្លួនមេឧក្រិដ្ឋជនឆ្លងដែន និងបក្ខពួក២នាក់ទៀត បញ្ជូនទៅប្រទេសចិន ក្រោយសហគមន៍អន្តរជាតិ មានសហរដ្ឋអាមេរិក ចក្រភពអង់គ្លេស សិង្ហបុរី កូរ៉េខាងត្បូង ជាដើម បានចាត់វិធានការបង្កកទ្រព្យសម្បត្តិមេឧក្រិដ្ឋជនរូបនេះ ជាបន្តបន្ទាប់ អស់រយៈពេលជាង៣ខែមកនេះ។
អ្នកឃ្លាំមើល បន្តរិះគន់វិធានរបស់ប្រព័ន្ធតុលាការថាអនុវត្តច្បាប់ស្តង់ដាពីរ និងមានភាពយឺតយ៉ាវ ក្នុងការជំនុំជម្រះក្តី សម្រាប់សកម្មជននយោបាយ បរិស្ថាន និងសង្គម ដែលត្រូវបានចាប់ខ្លួនដោយការប្រើប្រាស់សិទ្ធិបញ្ចេញមតិ ដោយសំណុំរឿងខ្លះ តុលាការពន្យាពេលនីតិវិធី រហូតដល់ជនជាប់ចោទអនុវត្តទោសជិតចប់ ទើបមានការប្រកាសសាលដីកា ប៉ុន្តែសម្រាប់ជនជាប់ចោទជាឧក្រិដ្ឋជនមួយចំនួន បែរជាមានការដោះលែងឱ្យនៅក្រៅឃុំទៅវិញ។
តុលាការកំពូល បានសម្រេចតម្កល់ការផ្តន្ទាទោស លោក នី ណាក់ អ្នកអធិប្បាយបញ្ហាសង្គម ឱ្យជាប់ពន្ធនាគាររយៈពេល ២ឆ្នាំ និងបង់សំណងទៅដើមបណ្តឹងដែលជារដ្ឋមន្ត្រីក្រសួងការងារ ២០០លានរៀល ក្រោមការចោទពីបទ ញុះញង់ និងបរិហាកេរ្តិ៍ ពាក់ព័ន្ធនឹងការរិះគន់មន្ត្រីរដ្ឋាភិបាល។
សង្គមស៊ីវិល រំពឹងថា សាលាឧទ្ធរណ៍នឹងពិនិត្យទៅលើសំណុំរឿងរបស់លោក ជា ចាន់ថា ថ្នាក់ដឹកនាំសមាគម IDEA នៅខេត្តស្វាយរៀងឡើងវិញ និងផ្តល់យុត្តិធម៌ដល់គាត់ តាមរយៈការទម្លាក់ចោលប្រកាន់ និងដោះលែងឱ្យមានសេរីភាពវិញ ក្រោយតុលាការជាន់ខ្ពស់បានបង្វែរសំណុំរឿងទៅសាលាឧទ្ធរណ៍បើកសវនាការឡើងវិញ។
សាលាឧទ្ធរណ៍ភ្នំពេញ រងការរិះគន់ថា បានព្យាយាមផ្អឹបយុត្តិធម៌យុវជនចលនាមាតាធម្មជាតិ៥រូប ជិត៦ខែមកនេះ តាមរយៈការពន្យាពេលសវនាការ ធ្វើឱ្យប៉ះពាល់ដល់សិទ្ធិទទួលបានការជំនុំជម្រះដោយយុត្តិធម៌ និងសិទ្ធិទទួលបានការសន្មតទុកជាមុនថាគ្មានទោសរបស់ពួកគេ។
តុលាការកំពូល នៅព្រឹកថ្ងៃពុធនេះ បានបើកសវនការលើសំណុំរឿង លោក នី ណាក់ ជុំវិញការរិះគន់មន្ត្រីរដ្ឋាភិបាល ដែលការណ៍នេះ រងការរិះគន់ថា ខ្ជីខ្ជា ក្នុងការរកយុត្តិធម៌ឱ្យអ្នកជំនាញផ្នែកកសិកម្មរូបនេះ ដោយសារតែមិនមានវត្តមានជនជាប់ចោទអំឡុងពេលសវនការ។
ជាថ្មីម្ដងទៀត សវនាការលើសំណុំរឿងប្ដឹងទាស់របស់ លោក កឹម សុខា អតីតប្រធានគណបក្សសង្គ្រោះជាតិ ដែលត្រូវជំនុំជម្រះនៅថ្ងៃទី១៨ ខែធ្នូ ស្អែកនេះ ត្រូវបានប្រកាសលើកពេល ដោយគ្មានការបញ្ជាក់មូលហេតុ។ នេះបើតាមសេចក្តីជូនដំណឹងរបស់សាលាឧទ្ធរណ៍ភ្នំពេញ ចុះថ្ងៃទី១៦ ខែធ្នូ ឆ្នាំ២០២៥។
សាលាឧទ្ធរណ៍ភ្នំពេញ ច្រានចោលបណ្តឹងសុំឱ្យដោះលែងឱ្យមានសេរីភាពរបស់សកម្មជនផ្សព្វផ្សាយកិច្ចព្រមព្រៀងសន្តិភាពទីក្រុងប៉ារីស លោក ស៊្រុន ស៊្រន និងសកម្មជនផ្សេងទៀត ខណៈសហមេធាវីរបស់ពួកគេនៅតែបន្តស្នើសុំឱ្យដោះលែង ដោយថា នីតិវិធីនៃការឃុំខ្លួនបានអូសបន្លាយជាង១ឆ្នាំទៅហើយ។
ការរីករាលដាលនៃបទឧក្រិដ្ឋអំពើចាប់ជម្រិតល្បែងអនឡាញ និងអំពើឆបោកគ្រប់ទម្រង់កាន់តែខ្លាំងនៅកម្ពុជា នាពេលបច្ចុប្បន្ន ត្រូវបានអ្នកជំនាញឯករាជ្យមើលឃើញថា គឺកើតឡើងដោយសារតែកង្វះនីតិរដ្ឋ ការរីករាលដាលពេញបន្ទុកនៃអំពើពុករលួយ ចាប់តាំងពីរដ្ឋាភិបាលគ្រួសារហ៊ុន បានរំលាយប្រព័ន្ធដឹកនាំរដ្ឋតាមបែបពហុបក្ស ដោយចាប់ផ្តើមពីការរំលាយគណបក្សសង្គ្រោះជាតិ កាលពីចុងឆ្នាំ២០១៧ហើយថែមទាំងបានរិតបន្តឹង និងរំលាយស្ថាប័នព័ត៌មានឯករាជ្យ និងចាប់ឃុំខ្លួនសកម្មជននយោបាយ និងសកម្មជនសង្គមជាបន្តបន្ទាប់តាមអំពើចិត្ត។
អ្នកឃ្លាំមើល យល់ថា ការបន្តឃុំខ្លួនសកម្មជនចលនាមាតាធម្មជាតិទាំង៥រូប មិនមានផលចំណេញណាមួយដល់កម្ពុជានោះទេ តែផ្ទុយទៅវិញ វាឆ្លុះបញ្ចាំងពីការកើនឡើងការរំលោភសិទ្ធិមនុស្ស ប្រព័ន្ធយុត្តិធម៌ និងនីតិរដ្ឋចុះខ្សោយ ដែលរដ្ឋាភិបាលចាំបាច់ត្រូវកែប្រែជាបន្ទាន់ ដើម្បីស្តារមុខមាត់កម្ពុជា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
