អនុប្រធានបក្សភ្លើងទៀន អះអាងថា គណបក្សនឹងប្រកាសបេក្ខភាពនាយករដ្ឋមន្ត្រីរបស់គណបក្សនៅជិតថ្ងៃបោះឆ្នោត ដោយថាបេក្ខភាពដែលត្រូវជ្រើសរើសអាចជាបុគ្គលនៅក្នុង ឬបុគ្គលចូលរួមជាមួយបក្ស គឺមានលក្ខណៈសម្បត្តិគ្រប់គ្រាន់អាចឱ្យប្រជាពលរដ្ឋជឿទុកចិត្ត។
សន្តិសុខខណ្ឌដូនពេញពីរនាក់រារាំងសកម្មជនយុវជនម្នាក់ រួមជាមួយនឹងក្រុមយុវជនខ្មែរថាវរៈ មិនឱ្យរៀបចំបណ្ណាល័យចល័តតូចមួយនៅលើសួនច្បារមុខវត្តបទុមវតី រាជធានីភ្នំពេញ។
រដ្ឋាភិបាលកម្ពុជា ប្រកាសផ្ដល់ជំនួយមនុស្សធម៌ចំនួន ១០ម៉ឺនដុល្លារ ដល់ប្រទេសតួកគីដែលកំពុងទទួលរងគ្រោះរញ្ជួយដីបណ្តាលឱ្យមនុស្សជាច្រើនពាន់នាក់បាត់បង់ជីវិត។ រដ្ឋាភិបាលអះអាងថា ជំនួយមនុស្សធម៌នេះ គឺដើម្បីជួយដល់កិច្ចខិតខំប្រឹងប្រែងជួយសង្គ្រោះ។
លោកនាយករដ្ឋមន្រ្តី ហ៊ុន សែន គ្រោងបំពេញទស្សនកិច្ចទៅកាន់ប្រទេសចិន ចាប់ពីថ្ងៃទី៩ ដល់ថ្ងៃទី១១ ខែកុម្ភៈនេះ ដែលរដ្ឋាភិបាលកម្ពុជាថាធ្វើឡើងដើម្បីរឹតចំណងកិច្ចសហប្រតិបត្តិការរវាងប្រទេសទាំងពីរ។
ប្រធានគណបក្សយុវជនកម្ពុជា អះអាងថា នឹងមិនប្ដឹងមន្ត្រីថ្នាក់ក្រោមរបស់ខ្លួនដែលបានលាឈប់ពីគណបក្សនេះ បន្ទាប់ពីលោកថា មន្ត្រីទាំងនោះបានបដិសេធចំពោះការចុះផ្សាយថា លោក ពេជ្រ ស្រស់ ទទួលលុយពីលោក ហ៊ុន សែន ដើម្បីយកមកបង្កើតគណបក្សបច្ចុប្បន្ន។
សាលាដំបូងរាជធានីភ្នំពេញ បានបើកសវនាការជំនុំជម្រះលើបណ្ដឹងទាស់ទៅនឹងអតីតមេឃុំគណបក្សសង្គ្រោះជាតិ ដែលត្រូវបានហាមឃាត់មិនឱ្យចាកចេញពីប្រទេសកាលពីឆ្នាំមុន បន្ទាប់ពីត្រូវបានផ្ដន្ទាទោសកំបាំងមុខពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។
អតីតឧត្ដមទីប្រឹក្សាគណបក្សភ្លើងទៀន លោក គង់ គាំ អរគុណលោកនាយករដ្ឋមន្ត្រី ហ៊ុន សែន និងមន្ត្រីពាក់ព័ន្ធ ក្រោយពីបក្សកាន់អំណាចដកពាក្យបណ្ដឹងនៅតុលាការខេត្តត្បូងឃ្មុំ លាយឡំនឹងការស្ដាយនូវការបាត់ទ្រព្យសម្បត្តិយ៉ាងគំហុកប្រមាណជា៥០លានដុល្លារ ដោយសាររិះគន់ប្រភពថ្ងៃ៧មករា។
អ្នកឃ្លាំមើលបានលើកឡើងប្រហាក់ប្រហែលគ្នាថា បើគណបក្សភ្លើងទៀនបន្ថយការរិះគន់ចំណុចខ្វះខាតរបស់គណបក្សកាន់អំណាច ព្រោះតែខ្លាចការធ្វើទុក្ខបុកម្នេញ អាចនឹងធ្វើឱ្យគណបក្សនេះបាត់បង់ការគាំទ្រច្រើនពីម្ចាស់ឆ្នោត។
គណបក្សប្រជាជនកម្ពុជាខេត្តត្បូងឃ្មុំ បានដកពាក្យបណ្តឹង ដែលប្តឹងលោក គង់ គាំ អតីតឧត្តមទីប្រឹក្សាគណបក្សភ្លើងទៀន ពីសាលាដំបូងខេត្តត្បូងឃ្មុំវិញ។
ប្រធានគណបក្សសង្គ្រោះជាតិដែលត្រូវបានតុលាការរំលាយ បានលើកឡើងថា សូមឱ្យមនុស្សគ្រប់រូប ដែលតាំងខ្លួនថាប្រាថ្នាចង់បាននូវសន្តិភាព ត្រូវយល់ដឹងពីអត្ថន័យនៃ«សន្តិភាព»ពិតនោះ គឺជាសន្តិភាពដែលកើតមាននៅក្នុងផ្លូវចិត្តរបស់បុគ្គលរៀងៗខ្លួន ដែលស្តែងចេញតាមរយៈកាយ និងវាចា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
