សហមេធាវីការពារសិទ្ធិឱ្យអតីតមន្រ្តីជាន់ខ្ពស់ នៃគណបក្សសង្រ្គោះជាតិដែលត្រូវបានតុលាការរំលាយ រិះគន់ថា សំណុំរឿងនេះដូចមិនមានភាពជឿនលឿនទេ ខណៈដែលអង្គហេតុចុងក្រោយ ដែលតុលាការបានកំណត់ ហើយដាក់ឱ្យគ្រប់ភាគីមានការដេញដោលលើនីតិវិធីនៃអង្គសេចក្ដី នៅបន្តសាចុះសាឡើង ដែលជំរុញឱ្យសវនាការនេះចេះតែបន្តអូសបន្លាយពេលវេលាកាន់តែយូរទៅៗ។
ក្រុមអង្គការសង្គមស៊ីវិលជាង១០០ស្ថាប័ន បង្ហាញការព្រួយបារម្ភជុំវិញការធ្វើវិសោធនកម្មរដ្ឋធម្មនុញ្ញលើកទី១០ ខណៈរដ្ឋសភានឹងប្រជុំពិភាក្សាលើសេចក្ដីព្រាងច្បាប់វិសោធនកម្មរដ្ឋធម្មនុញ្ញ និងច្បាប់ធម្មនុញ្ញបន្ថែម នៅថ្ងៃស្អែកនេះ។
តុលាការកំពូល នៅថ្ងៃពុធនេះ បានបដិសេធបណ្ដឹងសុំនៅក្រៅឃុំបណ្ដោះអាសន្នរបស់លោក សៀម ភ្លុក ស្ថាបនិកគណបក្សបេះដូងជាតិ ដោយសម្អាងថា ការអនុញ្ញាតឱ្យនៅក្រៅឃុំបណ្ដោះអាសន្ន ប៉ះពាល់ដល់ដំណើរការនីតិវិធីតុលាការ។
ក្រសួងមហាផ្ទៃ នឹងបើកប្រតិបត្តិការទ្រង់ទ្រាយធំត្រួតពិនិត្យកន្លែងរស់នៅរបស់ជនបរទេសទាំងអស់នៅក្នុងប្រទេសកម្ពុជា លើកលែងតែមន្ត្រីការទូត ដើម្បីពិនិត្យភាពស្របច្បាប់ និងទប់ស្កាត់មុខសញ្ញាពាក់ព័ន្ធនឹងការជួញដូរមនុស្ស។
អង្គការសមាគមមិនមែនរដ្ឋាភិបាលនៅកម្ពុជា ថ្កោលទោសការប្រហារជីវិតសកម្មជននយោបាយបក្សប្រឆាំងនៅមីយ៉ាន់ម៉ា ថាជាអំពើអមនុស្សធម៌ និងធ្វើឡើងក្នុងបរិបទឧក្រិដ្ឋកម្មមនុស្សជាតិលើពលរដ្ឋខ្លួន ព្រមទាំងជាការបង្ក្រាបជាប្រព័ន្ធលើសំឡេងស៊ីវិល និងអ្នកប្រជាធិបតេយ្យ ជាពិសេសពលរដ្ឋស្លូតត្រង់។
អង្គការសមាគមមិនមែនរដ្ឋាភិបាលនៅកម្ពុជា បានចេញមុខថ្កោលទោសយ៉ាងដាច់អហង្ការចំពោះការប្រហារជីវិតសកម្មជននយោបាយបក្សប្រឆាំងចំនួន៤រូប ដោយរបបយោធាមីយ៉ាន់ម៉ា ឬភូមា ដោយពួកគេចាត់ទុកទង្វើនេះ ថាជាអំពើអមនុស្សធម៌ រំលោភលើសិទ្ធិមនុស្ស និងសិទ្ធិជាមូលដ្ឋានរបស់មនុស្សជាតិ។
គណបក្សប្រជាធិបតេយ្យមូលដ្ឋាន ដែលដឹកនាំការចងសម្ពន្ធភាពជាមួយគណបក្សនយោបាយដែលនៅក្រៅរដ្ឋាភិបាលចំនួន៤ផ្សេងទៀត កំពុងរៀបចំផែនការ ដើម្បីជំរុញឱ្យល្បឿននៃសម្ពន្ធភាពអ្នកប្រជាធិបតេយ្យនេះចេញឱ្យបានឆាប់ នៅមុនការបោះឆ្នោតជ្រើសតាំងតំណាងរាស្រ្តនីតិកាលទី៧មកដល់ ខណៈគណបក្សគ្រប់គ្រងអំណាចក៏កំពុងតែរិះរកមធ្យោបាយ ដើម្បីទប់ទល់នឹងការស្រកស្រុត និងឧបសគ្គក្នុងការជ្រើសរើសនាយករដ្ឋមន្រ្តី សម្រាប់បង្កើតរដ្ឋាភិបាល តាមរយៈយន្តការរដ្ឋសភា។
រដ្ឋមន្ត្រីក្រសួងមហាផ្ទៃបានឱ្យដឹងថា ក្រសួងមួយនេះបានស្នើទៅរដ្ឋាភិបាលសុំតាក់តែងសេចក្ដីព្រាងច្បាប់ថ្មីមួយសម្រាប់គ្រប់គ្រងសារធាតុគីមីផ្សំដែលនាំចូលមកកម្ពុជា ដើម្បីទប់ស្កាត់កុំឱ្យមានការលួចកែច្នៃសារធាតុគីមីផ្សំទាំងនោះទៅជា«គ្រឿងញៀន»នៅកម្ពុជា។
រាជរដ្ឋាភិបាល តាមរយៈអគ្គនាយកដ្ឋានគយ និងរដ្ឋាករកម្ពុជា (អគរ) បានជំរុញទៅដល់ម្ចាស់រថយន្តចង្កូតស្ដាំទាំងអស់ត្រូវប្រញាប់ប្រញាល់ទៅចុះបញ្ជីឱ្យបានមុនថ្ងៃឱសានវាទមកដល់ ដោយកាលបរិច្ឆេទបញ្ចប់ការចុះបញ្ជីនេះនៅត្រឹមចុងខែកក្កដា ឆ្នាំ២០២២នេះ។
ក្នុងនាមជាប្រធានអាស៊ានប្ដូរវេន លោកនាយករដ្ឋមន្ត្រី ហ៊ុន សែន បង្ហាញការសោកស្ដាយដែលមេដឹកនាំយោធាមីយ៉ាន់ម៉ាប្រហារជីវិតសមាជិកបក្សប្រឆាំង៤រូប បើទោះបីជាលោកធ្លាប់បានស្នើឱ្យពិចារណាឡើងវិញលើការសម្រេចផ្ដន្ទាទោសជនទាំងនោះក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
