គណបក្សកម្លាំងជាតិ ចោទប្រកាន់ថា នគរបាលស្រុកប្រាសាទបាគង ចាប់ខ្លួនសមាជិកគណៈកម្មាធិការប្រតិបត្តិខេត្តរបស់គណបក្សក្រៅរដ្ឋាភិបាលនៅពេលនេះ គឺជារូបភាពគំរាមកំហែង និងដើរផ្ទុយពីគោលការណ៍ច្បាប់ ដែលធានាពីប្រជាធិបតេយ្យ និងសេរីពហុបក្ស។

នៅចំពេលដែលស្ថានការណ៍នយោបាយ នៅតាមខ្សែបន្ទាត់ព្រំដែនកម្ពុជា-ថៃ កំពុងមានភាពរង្គោះរង្គើសារជាថ្មីទៀតនេះ សម្រាប់សហមេធាវីតំណាងដោយអាណត្តិរបស់ លោក កឹម សុខា បានលើកឡើងថា បើនៅពេលនេះ កូនក្តីរបស់ខ្លួនអាចប្រើប្រាស់សិទ្ធិក្នុងការសំដែងមតិបាន អំឡុងពេលអនុវត្តទោស ម៉្លេះលោក កឹម សុខា ក៏មានជំហរស្របនឹងរដ្ឋាភិបាលដែរ ក្នុងការនាំយកវិវាទនេះ ទៅដោះស្រាយគ្នានៅឯតុលាការយុត្តិធម៌អន្តរជាតិ ទីក្រុងឡាអេ។

គណបក្សក្រៅរដ្ឋាភិបាលចំនួន២ ចាត់ទុកការចាប់ខ្លួនសមាជិករបស់ខ្លួនចំនួន២នាក់ ក្រោមការចោទពីបទ ញុះញង់ និងក្លែងឯកសារសាធារណៈ ថាជាការគំរាមកំហែង និងធ្វើទុក្ខបុកម្នេញផ្នែកនយោបាយ ដែលការណ៍នេះ ត្រូវបានអាជ្ញាធររដ្ឋច្រានចោលដោយសំអាង​ថា ជាការអនុវត្តច្បាប់។