គណៈរដ្ឋមន្រ្តីបានសម្រេច​អនុ​ម័តលើសេចក្ដីព្រាងច្បា​ប់​ធម្មនុញ្ញស្តីពី «វិសោធ​នកម្មរដ្ឋធម្មនុញ្ញ ដើម្បីកំណត់ថ្នាក់ដឹកនាំជាតិត្រូវមានសញ្ជាតិខ្មែរតែមួយគត់» ខណៈអ្នកវិភាគរិះគន់ថា ការអនុម័តវិសោធនកម្មរដ្ឋធម្មនុញ្ញនេះប្រញាប់ប្រញាល់ពេកហើយ។

កិច្ចប្រជុំពេញអង្គគណៈរដ្ឋមន្រ្តី បានសម្រេច​អនុ​ម័តលើសេចក្ដីព្រាងច្បា​ប់​ធម្មនុញ្ញស្តីពី «វិសោធ​នកម្ម ដើម្បីកំណត់ថ្នាក់ដឹកនាំជាតិមានសញ្ជាតិខ្មែរតែមួយ» រួចហើយ នៅព្រឹកថ្ងៃសុក្រ ទី​៨ ខែតុលានេះ។

លោកនាយករដ្ឋមន្រ្តី ហ៊ុន សែន បញ្ជាឱ្យរដ្ឋមន្រ្តីក្រសួងយុត្តិធម៌សិក្សាអំពីការរៀបចំធ្វើវិសោធនកម្មរដ្ឋធម្មនុញ្ញ និង​ច្បាប់ពាក់ព័ន្ធ ដើម្បីកំណត់ឱ្យនាយករដ្ឋមន្រ្តី និងប្រធានរដ្ឋសភា ព្រឹទ្ធសភា និងប្រធានក្រុមប្រឹក្សាធម្មនុញ្ញ មានសញ្ជាតិ​ខ្មែរ​តែ​មួយ និងបញ្ចៀសនូវការជ្រៀតជ្រែកពីបរទេសមកលើអធិបតេយ្យកម្ពុជា។