សមាជិកក្រុមប្រឹក្សាជាប់ឆ្នោតមកពីគណបក្សចំនួន៣ដែលទទួលបានអាសនៈក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ក្នុងឃុំមួយនៅខេត្តកំពង់ធំ ប្ដេជ្ញាធ្វើការរួមគ្នាដើម្បីបម្រើពលរដ្ឋដោយមិនប្រកាន់និន្នាការនយោបាយ។
តំណាងគណបក្សនយោបាយនៅក្រៅរដ្ឋាភិបាលមួយចំនួនបានអះអាងជាថ្មីទៀតថា ពួកគេកំពុងស្វះស្វែងរកច្រកចេញ ដើម្បីបង្កើតទៅជាកម្លាំងអ្នកប្រជាធិបតេយ្យ ដោយជ្រកក្រោមឆ័ត្រមួយថ្មីទៀត សម្រាប់ត្រៀមប្រកួតប្រជែងដណ្ដើមកៅអីក្នុងរដ្ឋសភាជាមួយគណបក្សកាន់អំណាច ក្នុងពេលឆាប់ៗខាងមុខនេះ។
សង្គមស៊ីវិល ទាមទារឱ្យប្រមុខរដ្ឋាភិបាលបង្កើនឆន្ទៈនយោបាយ និងមានការប្តេជ្ញាចិត្តខ្ពស់ ក្នុងការជំរុញឱ្យស្ត្រីបានចូលរួមប្រឡូកក្នុងកិច្ចការដឹកនាំនយោបាយ ដើម្បីឱ្យស៊ីសង្វាក់ទៅនឹងការដែលតែងតែលើកឡើងថា ផ្តល់ឱកាសដល់ស្ត្រី ខណៈពួកគេអះអាងថា វត្តមានស្ត្រីចូលរួមក្នុងកិច្ចការនយោបាយនៅតែមានតិចតួចនៅឡើយ។
គណបក្សប្រជាជនកម្ពុជាដែលកំពុងបន្តគ្រប់គ្រងអំណាច បានប្ដេជ្ញាជាថ្មីទៀត ក្រោយគណបក្សមួយនេះទទួលបានសំឡេងគាំទ្រតាមរយៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ សម្រាប់នីតិកាលទី៥ កន្លងទៅថ្មីៗនេះ ដោយថា ជួយជនក្រីក្រនិងជនដែលងាយរងគ្រោះតាមកម្មវិធីនយោបាយរបស់ខ្លួន ដោយគ្មានការរើសអើងនិន្នការនយោបាយ ឬប្រកាន់បក្ខពួកនិយមណាមួយនោះទេ។
បេក្ខភាពចៅសង្កាត់រងទី២ជាប់ឆ្នោតរបស់គណបក្សភ្លើងទៀន នៅសង្កាត់ច្បារអំពៅ រាជធានីភ្នំពេញ ស្នើទៅក្រសួងសុខាភិបាលឱ្យពិនិត្យមើលចំពោះការសម្រេចលុបឈ្មោះខ្លួនចេញក្របខណ្ឌក្រសួង ក្រោមហេតុផលថាបានធ្វើខុសវិន័យនោះឡើងវិញ។
រដ្ឋមន្ត្រីក្រសួងមហាផ្ទៃ ជំរុញទៅបេក្ខភាពដែលជាប់ឆ្នោតជាមេឃុំ ជំទប់ទី១ ជំទប់ទី២ និងសមាជិកក្រុមប្រឹក្សាឃុំ-សង្កាត់ ត្រូវសហការគ្នាជួយដោះស្រាយបញ្ហាប្រឈមជូនប្រជាពលរដ្ឋ ដោយកុំប្រកាន់និន្នាការនយោបាយ ខណៈលោកថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិនេះ មានភាពសេរី ត្រឹមត្រូវ យុត្តិធម៌ និងគ្មានការលួចបន្លំសន្លឹកឆ្នោត ដូចការលើកឡើងរបស់គណបក្សក្រៅរដ្ឋាភិបាលមួយចំនួននោះទេ។
បេក្ខភាពចៅសង្កាត់រងទី២របស់គណបក្សភ្លើងទៀននៅសង្កាត់ច្បារអំពៅ ត្រូវបានក្រសួងសុខាភិបាលលុបឈ្មោះចេញពីក្របខណ្ឌរបស់ក្រសួង។
បេក្ខភាពមេឃុំគណបក្សភ្លើងទៀនមួយរូបនៅខេត្តកំពង់ចាម បានប្ដឹងទៅកាន់គណៈកម្មាធិការជាតិរៀបចំការបោះឆ្នោត (គ.ជ.ប) ក្រោយគណៈកម្មការរៀបចំការបោះឆ្នោតខេត្តកំពង់ចាមសម្រេចពិន័យរូបលោកចំនួន៥លានរៀល ពាក់ព័ន្ធនឹងបណ្ដឹងរបស់តំណាងគណបក្សប្រជាជនកម្ពុជា។
អនុប្រធានគណបក្សកាន់អំណាច និងជារដ្ឋមន្ត្រីក្រសួងមហាផ្ទៃ លោក ស ខេង អំពាវនាវដល់គ្រប់ភាគីពាក់ព័ន្ធ ត្រូវគោរពសិទ្ធិនយោបាយឱ្យបានពេញលេញតាមគោលការណ៍ប្រជាធិបតេយ្យ បើទោះជាគណបក្សនយោបាយដែលឈ្នះការបោះឆ្នោតឃុំសង្កាត់ និងឈានទៅដឹកនាំរដ្ឋបាលនៅថ្នាក់ក្រោមជាតិ មកពីកូតាគណបក្សប្រឆាំងក្ដី។
មន្រ្តីជាន់ខ្ពស់គណបក្សភ្លើងទៀន ទទួលស្គាល់ថា បេក្ខជនរបស់ខ្លួនមួយចំនួនពិតជាបានចុះចូលជាមួយបក្សកាន់អំណាចប្រាកដមែន ដោយសារតែពួកគេរងនូវការគំរាមកំហែងនិងទិញទឹកចិត្តតាមរូបភាពផ្សេងៗ ដោយឡែកអ្នកមួយចំនួនទៀតគ្រាន់តែជាពលរដ្ឋដែលគេរៀបចំឱ្យសម្ដែងជាឈុតឆាកចុះចូលតាមនយោបាយប្រជាភិថុតិប៉ុណ្ណោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
