សហមេធាវីការពារសិទ្ធិឱ្យអតីតមន្រ្តីជាន់ខ្ពស់ នៃគណបក្សសង្រ្គោះជាតិដែលត្រូវបានតុលាការរំលាយ រិះគន់ថា សំណុំរឿងនេះដូចមិនមានភាពជឿនលឿនទេ ខណៈដែលអង្គហេតុចុងក្រោយ ដែលតុលាការបានកំណត់ ហើយដាក់ឱ្យគ្រប់ភាគីមានការដេញដោលលើនីតិវិធីនៃអង្គសេចក្ដី នៅបន្តសាចុះសាឡើង ដែលជំរុញឱ្យសវនាការនេះចេះតែបន្តអូសបន្លាយពេលវេលាកាន់តែយូរទៅៗ។
មេធាវីការពារសិទ្ធិឱ្យជនជាប់ចោទ លោក កឹម សុខា រងការព្រមានពីព្រះរាជអាជ្ញារងសាលាដំបូងរាជធានីភ្នំពេញ ឱ្យប្រយ័ត្នសម្ដី ស្របពេលដែលតុលាការបានបន្តនីតិវិធីនៃការដេញដោលជាថ្មីទៀតលើអង្គហេតុប្រទូសរ៉ាយ នៅក្នុងសំណុំរឿង «សន្ទិដ្ឋិភាព ឬត្រូវរ៉ូវជាមួយរដ្ឋបរទេសដោយសម្ងាត់ ចង់ផ្ដួលរំលំរដ្ឋាភិបាល»។
មន្រ្តីជាន់ខ្ពស់សហរដ្ឋអាមេរិក លើកឡើងថា ប្រទេសកម្ពុជានឹងទទួលបាននូវផលប្រយោជន៍ពីការផ្ដល់សិទ្ធិធ្វើនយោបាយឡើងវិញសម្រាប់លោក កឹម សុខា ប្រសិនបើមេដឹកនាំគណបក្សសង្រ្គោះជាតិដែលត្រូវបានតុលាការកំពូលរំលាយរូបនេះ ត្រូវបានដោះស្រាយបញ្ចប់ ចំពោះការខ្វែងគំនិតខាងនយោបាយ ខណៈសំណុំរឿងនេះកំពុងតែបន្តនីតិវិធីនៅតុលាការនៅឡើយ។
សហមេធាវីការពារសិទ្ធិឱ្យជនជាប់ចោទលោក កឹម សុខា ចាត់ទុកនីតិវិធីនៃការដេញដោលក្នុងសវនាការនៅថ្ងៃនេះថា តុលាការហាក់ទម្លាក់ការទទួលខុសត្រូវរឿងក្ដីព្រហ្មទណ្ឌមួយនេះសម្រាប់តែកូនក្ដីរបស់ខ្លួនតែម្នាក់គត់ ក្នុងពេលដែលបទចោទនេះ គឺពាក់ព័ន្ធនឹងការគប់គិតជាមួយរដ្ឋបរទេស ឬភ្នាក់ងារបរទេស ប៉ុន្តែនីតិវិធីនៃការតាំងសំណួររបស់តុលាការបែរជាដាក់បន្ទុកហួសប្រមាណប្រឆាំងកូនក្តីរបស់ខ្លួនទៅវិញ។
មេធាវីការពារក្ដីលោក កឹម សុខា បានឱ្យដឹងថា តំណាងអយ្យការអមសាលាដំបូងរាជធានីភ្នំពេញ បានយកវីដេអូបាតុកម្មបង្កហិង្សានៅស្ពានក្បាលថ្នល់កាលពីឆ្នាំ២០១៣ ដើម្បីដាក់បន្ទុកកូនក្ដីរបស់ខ្លួន ប៉ុន្តែត្រូវបានសហមេធាវីច្រានចោលភស្តុតាងទាំងនោះ។
ក្រោយចំណាយពេលសួរដេញដោលអស់រយៈពេលជាច្រើនម៉ោង នៅព្រឹកថ្ងៃពុធនេះ ប្រធានក្រុមប្រឹក្សាជំនុំជម្រះសម្រេចមិនឃុំខ្លួនលោក កឹម សុខា បណ្ដោះអាសន្នឡើងវិញទេ ដោយត្រឹមចេញសាលក្រមព្រមានដាក់ក្នុងរបាយការណ៍របស់ក្រឡាបញ្ជី មិនឱ្យធ្វើសកម្មភាពនយោបាយ ដែលតុលាការចាត់ទុកថា មេបក្សប្រឆាំងរូបនេះបានអនុវត្តបំពានកាតព្វកិច្ចត្រួតពិនិត្យតាមផ្លូវតុលាការ។
ចៅក្រមសាលាដំបូងរាជធានីភ្នំពេញ នៅថ្ងៃពុធនេះ បានសម្រេចមិនឃុំខ្លួនលោក កឹម សុខា ជាបណ្តោះអាសន្នឡើងវិញទេដោយត្រឹមចេញការព្រមានមិនឱ្យធ្វើសកម្មភាពលើសបម្រាមតុលាការ ក្រោយព្រះរាជអាជ្ញា ស្នើឱ្យឃុំខ្លួនលោក កឹម សុខា ដោយចោទលោកថាបានធ្វើសកម្មភាពបំពានបម្រាមរបស់តុលាការ។
ព្រះរាជអាជ្ញានៃសាលាដំបូងរាជធានីភ្នំពេញ នៅព្រឹកថ្ងៃទី២៩ ខែមិថុនានេះ បានស្នើទៅកាន់ចៅក្រមជំនុំជម្រះ ឱ្យឃុំខ្លួនលោក កឹម សុខា ជាបណ្ដោះអាសន្នឡើងវិញ ដោយព្រះរាជអាជ្ញាចោទប្រកាន់លោក កឹម សុខា ថាបានបំពានបម្រាមរបស់តុលាការ ក្រោយលោក កឹម សុខា បានចុះជួបអ្នកគាំទ្ររបស់ខ្លួនកាលពីពេលកន្លងទៅ។
ចៅក្រមសាលាដំបូងរាជធានីភ្នំពេញ បានព្រមានជាលើកដំបូងទៅលើអ្នកសារព័ត៌មានដោយដាក់ឈ្មោះក្នុងបញ្ជីខ្មៅ ប្រសិនបើរកឃើញអ្នកសារព័ត៌មាននោះលួចថតសំឡេងចេញពីបន្ទប់សវនាការ ក្នុងពេលតុលាការកំពុងបន្តនីតិវិធីជំនុំជម្រះ ទោះជារឿងក្ដីនោះជាប្រភេទរឿងក្ដីព្រហ្មទណ្ឌ ឬជាសំណុំរឿងរដ្ឋប្បវេណី។
នៅក្នុងបន្ទប់ជំនុំជម្រះថ្ងៃនេះ លោក កឹម សុខា ដែលទើបប្រកាសចែកផ្លូវគ្នាជាមួយដៃគូនយោបាយដែលជាសម្ព័ន្ធមិត្តរបស់លោក ហាក់ប្រតិកម្មខ្លាំងខុសធម្មតា ខណៈដែលតំណាងអយ្យការព្យាយាមលើកយកភស្តុតាងមួយចំនួនជាឃ្លីបវីដេអូ ដែលលោកចាត់ទុកថាជាតម្រុយចាស់ ហើយថែមទាំងមិនជាប់ពាក់ព័ន្ធនឹងលោកទៀតផង ដែលជាហេតុធ្វើឱ្យសវនាការនេះមិនមានភាពជឿនលឿនទៅមុខ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
