សវនាការលើកទី៥៨ នៅថ្ងៃពុធនេះ តុលាការបានបន្តប្រើប្រាស់ពេលវេលានៃការជំនុំជម្រះ​​សួរ​​ដេ​​ញ​​ដោលលោក កឹម សុខា ហាក់យូរជាងសព្វមួយដង ដោយបានចំណាយ​​ពេលជិត​​ម៉ោង១​​ថ្ងៃ​​ត្រង់ ​​ទើ​​ប​​សម្រេចបិទបញ្ចប់ ខ​​ណៈអង្គហេតុដែលតុលាការលើកយកមកសួរដេញដោលបន្តនេះ ពាក់​​ព័​​ន្ធ​​​​នឹ​ងវគ្គបណ្ដុះបណ្ដាល​​​​ ដែលតុលាការចោទប្រកាន់ថាមានអង្គការក្រៅរដ្ឋាភិបាល​​អន្តរជាតិ​​មួយ​​​​​នៅ​​ពីក្រោយនៃវគ្គសិក្ខាសាលានេះ គឺមានជាប់ទាក់ទិននឹងផែនការផ្ដួលរំលំរដ្ឋាភិបាល។

លោក កឹម សុខា បានច្រានចោលចំពោះការចោទប្រកាន់លើរូបលោក ក្រោយពីតុលាការបានព្យាយាមភ្ជាប់លោកទៅនឹងការធ្វើបដិវត្តន៍ដោយការកាន់ផ្កាឈូកនិងយុទ្ធនាការ «ថ្ងៃចន្ទពណ៌ខ្មៅ»។

តុលាការគ្រោងនឹងសួរសាក្សីពាក់ព័ន្ធសំណុំរឿងលោក កឹម សុខា នៅដើមខែក្រោយ ខណៈលោក កឹម សុខា បានបដិសេធការទទួលខុសត្រូវបាតុកម្មហិង្សានៅស្ពាននាគ នៅពេលដែលតុលាការព្យាយាមភ្ជាប់លោកទៅនឹងករណីហិង្សាពេលនោះ។

មេធាវីការពារសិទ្ធិឱ្យជនជាប់ចោទ និងលោក កឹម សុខា ផ្ទាល់បានព្យាយាមទាត់ចោលរាល់​​ភស្តុ​​​តាង​ដាក់បន្ទុកជាឃ្លីបវីដេអូ និងខ្សែអាត់សំឡេង ដោយហៅភស្តុតាងដែលតំណាងអយ្យការ និង​​មេ​​ធាវីការពារក្ដីរបស់រដ្ឋាភិបាល យកមកធ្វើជាសម្អាងហេតុទាំងនោះថា គឺជាភស្តុតាងដែលមិន​​ស្ថិ​​ត​​​​​នៅក្នុងអង្គហេតុនៃសំណុំរឿង «សន្ទិដ្ឋិភាព» ដែលមានន័យថា «​​ត្រូវរ៉ូវដោយសម្ងាត់ក្នុង​​គោល​បំ​​ណ​​​ង​​​​ចង់ផ្ដួលរំលំរដ្ឋាភិបាល» នោះទេ។